Քիչ հավանական է, որ Ուկրաինան Եվրամիության անդամ դառնա մինչ ռազմական գործողությունների ավարտը։ Այս հայտարարությունն արել է Լեհաստանի արտաքին գործերի փոխնախարար Իգնացի Նեմչիցկին։
Նրա խոսքով՝ շարունակվող հակամարտությունը ֆորմալ առումով չի բացառում երկրի անդամակցությունը ԵՄ-ին, սակայն գործնականում անհրաժեշտ է հաշվի առնել քաղաքական իրողությունները։
«Շարունակվող պատերազմը, համաձայնագրերի համապատասխան, պարտադիր չէ, որ բացառի անդամակցությունը։ Բայց միևնույն ժամանակ մենք հասկանում ենք, որ գործում ենք քաղաքական իրողություններում։ Ուստի դժվար է պատկերացնել նման իրավիճակ»,- ասել է Նեմչիցկին՝ խոսելով մինչ ռազմական գործողությունների ավարտը Ուկրաինայի անդամակցության հնարավորության մասին։
Նա հավելել է, որ անդամակցության պայմաններից մեկը, ամենայն հավանականությամբ, պետք է դառնա խաղաղության կամ հրադադարի որևէ ձևի հասնելը։
Ավելի վաղ «Euractiv»-ը հայտնել էր, որ Ուկրաինան Եվրոպական միություն ընդունվելու համար անհրաժեշտ բարեփոխումներն իրականացնում է ավելի դանդաղ, քան ակնկալում էին միավորման որոշ երկրներ։
Sputnik Արմենիա
