ԱՄՆ նախագահ Դոնալդ Թրամփը ԿՀՎ տնօրեն Ջոն Ռեթքլիֆի՝ Մոսկվա չհայտարարված այցը անվանել է «կիսառուտինային», հաղորդում է NBC News-ը։
Գլեն Բեքի պահպանողական ռադիոհաղորդման եթերում Թրամփին խնդրել են պարզաբանել, թե ինչու է ԿՀՎ ղեկավարը մեկնել Ռուսաստանի մայրաքաղաք, ինչպես նաև մեկնաբանել ուղևորության հնարավոր պատճառների մասին լուրերը։
Մասնավորապես, նրան հարցրել են այն ենթադրությունների մասին, թե Ռուսաստանի նախագահ Վլադիմիր Պուտինը, իբր, մտադիր է ստուգել ՆԱՏՕ-ի պատրաստակամությունը դիմակայության նկատմամբ և հարված հասցնել Մեծ Բրիտանիային, ինչպես նաև այցի հնարավոր կապի մասին՝ Իրանի դեմ պատժամիջոցների հետ։
«Ոչ մեկը, ոչ մյուսը, ոչ էլ երրորդը»,- պատասխանել է Թրամփը։
Նրա խոսքով՝ Ռեթքլիֆի ուղևորությունը կրում է «շատ, ինչ-որ առումով, կիսառուտինային» բնույթ։
Միաժամանակ ԱՄՆ նախագահը ընդգծել է, որ Վաշինգտոնը կցանկանար, որ Ուկրաինայում հակամարտությունն ավարտվի։
«Մենք կցանկանայինք, որ Ուկրաինայում պատերազմն ավարտվեր։ Սա պատերազմ է, որը երբեք չպետք է սկսվեր»,- հայտարարել է Թրամփը։
News.am
