Թեհմինա Վարդանյան․ Դեռ պատասխան եք տալու

Երևանի ավագանու «Լույս» խմբակցության անդամ Թեհմինա Վարդանյանն այսօր իր ելույթը սկսեց ՀՀ վարչապետին ուղղված խոսքով՝ «Դուք Հայաստանում տեղ չեք ունենալու, Դուք Հայաստանում ասելիք և կողմնակիցներ չեք ունենալու, բայց Հայաստանից չեք փախչելու և դեռ պատասխան եք տալու»:

«Մենք Նիկոլ Փաշինյանից պահանջում ենք ժամ առաջ լքել վարչապետի պաշտոնը: Ավելի քան երկու տարի կառավարումը տապալված է: Նիկոլ Փաշինյանի և նրա թիմի ձեռքով ժողովուրդը 2.5 տարի առաջ բաժանվեց սևերի և սպիտակների:

Կոչ եմ անում սթափվել և միանալ վարչապետի հրաժարականի մեր պահանջին, իսկ եթե շարունակեք մնալ կապիտուլյանտ վարչապետի հետնորդներ, քավ լիցի: Եթե ոչ, միացեք մեզ», - ասաց «Լույս» խմբակցության անդամը, տեղեկացնում է Aysor.am: