Արփինե ՀՈՎՀԱՆՆԻՍՅԱՆ․ ԵԽ ԳԼԽԱՎՈՐ ՔԱՐՏՈՒՂԱՐԸ ՊԱՏԱՍԽԱՆԵԼ Է ԳԵՐԻՆԵՐԻ ԽՆԴՐԻ ՎԵՐԱԲԵՐՅԱԼ
Այսօր պատասխան նամակ եմ ստացել Եվրոպայի Խորհրդի գլխավոր քարտուղարից, որտեղ նա շեշտել է հումանիտար աղետի հետևանքների վերացմանն ուղղված անձամբ իր ու ԵԽ պատրաստակամությունը։ Այս մասին Ֆեյսբուքի իր էջում գրել է Արդարադատության նախկին նախարար Արփինե Հովհաննիսյանը։
Նա, մասնավորապես, գրել է․
«Հարգելի հայրենակիցնե՛ր,
Ինչպես տեղեկացրել էի, գերիների խնդրով դիմել էի իմ եվրոպացի գործընկերներին։ Այս ընթացքում նրանց պարբերաբար տեղեկացրել եմ զարգացումների մասին, այդ թվում այն մասին, որ նոյեմբերի 9-ի հրադադարից հետո էլ ունենք նոր գերիներ։ Այսօր պատասխան նամակ եմ ստացել Եվրոպայի խորհրդի գլխավոր քարտուղարից, որտեղ նա շեշտել է հումանիտար աղետի հետևանքների վերացմանն ուղղված անձամբ իր ու ԵԽ պատրաստակամությունը։
Հ.Գ. Որևէ այլ դետալ չեմ ասում ու չեմ բարձրաձայնում մյուս գործընկերների խնդրանքով՝ գործընթացին չվնասելու համար»։
