«Հրապարակ». ՎԱՐՉԱՊԵՏԸ ԻՆՔԸ ԸՆԴԴԻՄՈՒԹՅԱՆ ՄԵՋ ԵՂԱԾ ՏԱՐԱՁԱՅՆՈՒԹՅՈՒՆՆԵՐԻ ՎԵՐՋԸ ԴՐԵՑ

«Հրապարակ» թերթը գրում է. «Իմ քայլի» որոշումը պարզեցրեց իրավիճակը և ընդդիմության մեջ եղած տարաձայնությունների վերջը դրեց։ Տարակարծությունները՝ համաձայնե՞լ ընտրությունների՝ Նիկոլ Փաշինյանի վարչապետության պայմաններում, թե՞ հրաժարվել՝ գնալով փողոցային պայքարի ճանապարհով, մնացին անցյալում։

Այլևս չկա այդ դիլեման, և մնում է հանրային պայքարի տարբերակը, ճնշումները։ Իհարկե, ասպարեզ են գալիս նաև հակասահմանադրական ուղիները, սակայն փաստ է, որ դրանց համար ճանապարհ բացեց հենց ինքը՝ Նիկոլ Փաշինյանը, հրաժարվելով արտահերթ ընտրություններ անելու մտքից։

Հիմա ընդդիմության առաջին քայլը լինելու է փետրվարի 20-ի հանրահավաքը, որը մտածված նշանակել են 1988-ի ղարաբաղյան շարժման մեկնարկի օրը, և որի թափը ցույց կտա, թե որքանով է ռեալ փողոցի միջոցով ևս մեկ անգամ Հայաստանում իշխանափոխության հասնելու տարբերակը»:

News.am