Մահացել է Չիկ Կորեան

79 տարեկանում մահացել է ամերիկացի ջազ երաժիշտ, դաշնակահար և կոմպոզիտոր Չիկ Կորեան։ Տեղեկությունը հրապարակվել է երաժիշտի պաշտոնական կայքում։

«Մեծագույն տխրությամբ տեղեկացնում ենք, որ Չիկ Կորեան փետրվարի 9–ին մահացել է քաղցկեղի հազվագյուտ տեսակից, որն ախտորոշվել էր վերջերս», - ասված է հաղորդագրության մեջ:

Չիկ Կորեան «Return To Forever» ջազ-ֆյուժն խմբի հիմնադիրն ու առաջնորդն էր, նա 23 «Գրեմմի» է ստացել, տեղեկացնում է Sputnik Armenia-ն։