Փաշինյանը Պուտինի հետ հանդիպմանը խոսել է գերիների խնդիրի մասին

ՀՀ վարչապետ Նիկոլ Փաշինյանն այսօր Մոսկվայում Ռուսաստանի նախագահ Վլադիմիր Պուտինի հետ հանդիպման մեկնարկին խոսել է հայ ռազմագերիների դեռևս չլուծված խնդրի մասին։

«Դեռևս լուծված չէ ռազմագերիների, պատանդների և Ադրբեջանում պահվող այլ անձանց հարցը։ Նոյեմբերի 9-ի հայտարարության համաձայն՝ նրանք բոլորը պետք է վերադարձվեին հայրենիք, բայց, ցավոք, դեռևս Ադրբեջանում ունենք պահվող մարդիկ։ Այս խնդրի լուծման հարցում մենք չունենք տարակարծություններ»,- ասել է Նիկոլ Փաշինյանը, տեղեկացնում է Mediamax.am-ը։