Փաշինյան․ Լևոն Տեր-Պետրոսյանը ինձ ասաց. «հողերը արդեն պետք է տաս»

Եթե մենք իշխնությունը պահելու մոլուցքով առաջնորդվեինք, դեռևս 2020-ի դեկտեմբերին չէինք առաջարկի անցկացնել արտահերթ խորհրդարանական ընտրություններ: Այս մասին ԱԺ-ում կառավարության ծրագրի 2020 թվականի կատարման ընթացքի և արդյունքների մասին զեկույցը ներկայացնելիս նշեց ՀՀ վարչապետ Նիկոլ Փաշինյանը, տեղեկացնում է News.am-ը:

«Եթե այդպես լիներ, մենք հիմա էլ չէինք նախաձեռնի արտհերթ ընտրություններ, իհարկե, նաև խորհրդարանական ուժերի և ՀՀ նախագահի հետ ունեցած համատեղ որոշումների արդյունքում: Մենք ոչ թե մլուցքով ոչ թե սեփական, այլ ժողովրդի իշխանությունն եռնք պահում, որովհետև այն ժողովրդին վերադարձնելու պարտավորություն ունենք»,-ասաց նա:

Վարչապետն անդրադարձավ նաև ԼՀԿ խմբակցության պտգամավոր Աննա Կոստանյանի հարցին՝ «եթե պնդում եք, որ բանակցային գործընթացում սխալներ թույլ չեք տվել, ինչո՞ւ է առաջին նախագահ Լևոն Տեր-Պետրոսյանը հայտարարել, որ դուք ազգակործն պատուհաս եք»:

Ի պատասխան վարչապետն ասաց. «Առաջին նախագահն ունի Ղարաբաղի հարցի վերաբերյալ իր պատկերացումը, որը մեզ հայտնի է 1997-ին «Պատերազմ, թե խաղաղություն. Լրջանալու պահը» հոդվածով: 1996 թվականի նախագահական ընտրություններին ռաջին նխագահը մասնակցել է «հաղթանակ, կայունություն, առաջընթաց» կարգախոսով, և այդ ժամանակ խոսք չի եղել խաղաղության, լրջանալու պահի մասին: Հետո այդ օրկարգը ձևակերպվել է 1996-ի նխագհկան ձախողված ընտրությունների ժամանակակից բառապաշարով ասա, «exit strategy»: Ես դեռ 2016-ի ամռանը Խորենացի փողոցում իմ ելույթում եմ ասել, որ առնվազն 2016-ին նա Սերժ Սարգսյանին ուղեկցվել է բանակցային գործընթացում:

Դուք գիտեք, որ 2018-ի ամռանը առաջին նխագահի հետ հանդիպում է եղել, և կարող եմ գաղտնիք բացել, թե ինչ է ասել ինձ: ասել է՝ «Հողերը արդեն պետք է տաս»; իսկ ինչի՞ դիմաց, ինչի՞ համար, ինչպե՞ս: Առաջին նախագահի պատկերացումը այս շրջանակից դուրս չի եկել: Մնացածն արդեն գնահատման հարց է»: