ԱՐԴՇԻՆԲԱՆԿՆ ԱՌԱՋԱՐԿՈՒՄ Է ԱՐԱԳ ԴՐԱՄԱԿԱՆ ՓՈԽԱՆՑՈՒՄՆԵՐԻ ՍՏԱՑՄԱՆ ԱՎԵԼԻ ՀԱՐՄԱՐ ԵՂԱՆԱԿ
Արդշինբանկը հաճախորդների հարմարավետությունն առավելագույնս ապահովելու և նրանց ժամանակը խնայելու համար շարունակում է բարելավել իր հեռավար ծառայությունները:
Այսուհետ արագ դրամական փոխանցումների համակարգերով ուղարկված գումարները Արդշինբանկում հնարավոր է ստանալ առանց բանկ այցելելու նաև օնլայն տարբերակով՝ գումարն անմիջապես հաշվին կամ քարտին փոխանցելու միջոցով: Նախկինում այս ծառայությունը հասանելի էր միայն հեռախոսազանգի միջոցով, այժմ փոխանցում ստացողը կարող է դա կատարել օնլայն՝ Արդշինբանկի վեբ-կայքից կամ մոբայլ հավելվածով:
Այս եղանակով փոխանցում ստանալիս հաճախորդը կարող է նաև ստացման գումարը, արտոնյալ փոխարժեքով, փոխարկել իրեն անհրաժեշտ այլ արժույթի, այսինքն՝ գումար ստանալ այն արժույթով, որով հարմար է:
Հիշեցնենք, որ արագ դրամական փոխանցումների գծով Արդշինբանկի գործընկերներն են այնպիսի համակարգեր, ինչպիսիք են RIA, MoneyGram, Unistream, Moneytun, IntelExpress, Best, ConverseTransfer, Telcell-ը:
Բանկը վերահսկվում է ՀՀ ԿԲ կողմից:
