ՀՀ ԱԺ-ն 2016-ի ապրիլյան պատերազմի մասին զեկույցը կքննարկի փակ դռների հետևում

Հայաստանի Ազգային ժողովը 2016-ի ապրիլյան պատերազմի հանգամանքները պարզելու քննիչ հանձնաժողովի զեկույցը քննարկի փակ դռների հետևում: Համապատասխան որոշումն ընդունվել է մայիսի 4-ին կայացած խորհրդարանի նիստին:

Այս կապակցությամբ «Լուսավոր Հայաստան» կուսակցության պատգամավոր Տարոն Սիմոնյանը հարց ուղղեց. «Ինչպե՞ս կարելի է հանրային կարևորության հարցը դռնփակ քննարկել, այդ դեպքում ինչո՞ւմ է այդ հարցի հանրային նշանակությունը»:

Ընդ որում, նա նաև նշեց պետական գաղտնիք ներկայացնող հարցերի առկայությունը: Ըստ էության, նույն պատճառը մատնանշեց նաև խորհրդարանի խոսնակ Արարատ Միրզոյանը՝ բացատրելով նիստի դռնփակ անցկացումը: «Այո, կան շատ խնդիրներ, որոնք կարող են հանրային հետաքրքրություն ներկայացնել կամ հասարակության համար կարևոր լինել, բայց միևնույն ժամանակ լինել պետական գաղտնիք»,- ասաց Միրզոյանը՝ հավելելով, որ ժողովուրդը, ըստ էության, կարող է գործի նյութերին ծանոթանալ իրենց ներկայացուցիչների՝ պատգամավորների միջոցով, որոնց նա ինքն է ընտրել: Հանձնաժողովի զեկույցը կքննարկվի մայիսի 5-ին:

Նշենք, որ ապրիլյան պատերազմի հանգամանքները բազմաթիվ շահարկումների առարկա էին դարձել Նիկոլ Փաշինյանի թիմի կողմից ընդդիմություն լինելու տարիներին: Մասնավորապես, մեղադրանքներ կային 800 հեկտար հող թշնամուն հանձնելու (տխրահռչակ Լելե թեփե գագաթը), ինչպես նաև բանակում ժամանակակից զենքի բացակայության մասին, տեղեկացնում է News.am-ը: