Ալումյան․ Ռոբերտ Քոչարյանի՝ կորոնավիրուսի թեստի պատասխանը բացասական է

«Հայաստան» դաշինքի առաջնորդ, երկրորդ նախագահ Ռոբերտ Քոչարյանի՝ կորոնավիրուսի թեստի պատասխանը բացասական է: Այս մասին News.am-ին հայտնեց նրա փաստաբան Հայկ Ալումյանը:

Հիշեցնենք, որ այսօր Երևան քաղաքի Շենգավիթ վարչական շրջանի ընդհանուր իրավասության դատարանում Ռոբերտ Քոչարյանի և նախկին փոխվարչապետ, ներկայումս պատգամավոր Արմեն Գևորգյանի գործով դատական նիստը հետաձգվել էր. Քոչարյանի փաստաբան Հայկ Ալումյանը հայտնել էր, որ երկրորդ նախագահի ազգականներից մեկը հիվանդացել է կորոնավիրուսով, և Քոչարյանը նրա հետ նախօրեին շփում է ունեցել ու առավոտյան թեստ է հանձնել, քանի որ ունեցել է որոշ ախտանշաններ:

Դատախազները նշել էին, որ առանց ախտանշանների կոնտակտային լինելը դեռևս բացակայելու հիմնավորում չէ, փաստաբանն էլ տեղեկացրել էր, որ Ռոբերտ Քոչարյանը որոշ ախտանշաններ է ունեցել՝ ոչ շատ բարձր ջերմություն, մկանային ցավ՝ միաժամանակ շեշտելով, որ եթե դատարանն անհրաժեշտ համարի երկրորդ նախագահի ներկայությունը, նա կգա նիստին: Դատարանը, սակայն, նիստը հետաձգել էր՝ տեղափոխելով նոյեմբերի 9-ին: