2021-11-24 15:33
Լրատվական գործակալություններ
0
Վարդան ՈՍԿԱՆՅԱՆ․ «ԶԻՋՄԱՆ ԿԵՏ», ՈՐՈՎ ԹՇՆԱՄԻՆ ԿԲԱՎԱՐԱՐՎԻ, ԳՈՅՈՒԹՅՈՒՆ ՉՈՒՆԻ
«Հայրենիք» կուսակցության անդամ, իրանագետ Վարդան Ոսկանյանն իր ֆեյսբուքյան էջում գրել է.
«Լավ, էլ ինչպե՞ս բացատրենք, որ «զիջման կետ», որով թշնամին կբավարարվի և կհրաժարվի իր բոլոր լկտի նկրտումներից, գոյություն չունի։
Ավելի ճիշտ, գոյություն ունի՝ Հայաստանի Հանրապետության զիջումը և մեր բնաջնջումը։
Հետևաբար, հիշեք, թե ինչպե՞ս էին մեզ պարտադրվում անիմաստ օրակարգեր, որոնցից վերջինը «խաղաղության դարաշրջան» կոչեցյալն էր։
Վերականգնված և արդիականացված հայկական բանակն է մեր փրկությունը, և այդ բանակի շուրջ կառուցվող պետությունն ու դրան ծառայող հասարակությունը։
Մոռացե՛ք պայմանական Շվեյցարիան, քանզի սա Առաջավոր Ասիան է, և ով այստեղ անզոր վիճակում խաղաղություն է աղերսում, այո՛, «մատաղացու գառ» է, որին մորթելու են»։