Երվանդ ՎԱՐՈՍՅԱՆ․ ՁԱՅՆԱԳՐՈՒԹՅՈՒՆԸ ՉԻ ԿԱՐՈՂ ՄԱՐԴՈՒՆ ՄԵՂԱԴՐԵԼՈՒ ՀԻՄՔ ՀԱՆԴԻՍԱՆԱԼ
Փաստաբան Երվանդ Վարոսյանը ֆեյսբուքյան իր էջում Ավետիք Չալաբյանի գործի մասով իրավական դիտարկում է արել։
«Դեռ մի կողմ թողնենք, որ մասնակի հրապարակված ձայնագրությունն անգամ մեղադրանքի հիմքում դնելու ուղղակի փաստական հանգամանքներ չի պարունակում։ Սակայն, եթե անգամ քննչական մարմինն ուզում է տեսնել այն, ինչ ուզում է, միևնույն է, այդ ձայնագրությունը չի կարող մարդուն մեղադրելու հիմք հանդիսանալ։ Այն ակնհայտ սադրանքի արդյունք է, երբ զրուցակիցներից մեկը հատուկ դիտավորությամբ սադրում, դրդում է մյուսին արտաբերել բառեր, որոնք հիմք կարող են տալ նրան հետապնդելու։
«Սադրիչ-գործակալների», նրանց միջոցով ձեռք բերված ապացույցների ու նման ապացույցների հիման վրա անձանց մեղադրելու անթույլատրելիության մասին իրավաբանական հանրույթի ներկայացուցիչները կարող են հանգամանալից ծանոթանալ, օրինակ, Ռամանաուսկասն ընդդեմ Լիտվայի 74420/01, Բաննիկովան ընդդեմ Ռուսաստանի 18757/06, Աքբայը, և այլք ընդդեմ Գերմանիայի 40495/15, ինչպես նաև Պապյանն ընդդեմ Հայաստանի 53166/10 գործերով եվրոպական դատարանի կողմից կայացված որոշումներն ուսումնասիրելով», - գրել է նա։