Արշավիր ՂԱՐԱՄՅԱՆ․ ՄԻ ԽՈՒՄԲ ՄԱՐԴԻԿ ԱՅՍ ՕՐՀԱՍԱԿԱՆ ՊԱՀԻՆ ՓՈՐՁՈՒՄ ԵՆ ՎԵՐՋՆԱԿԱՆԱՊԵՍ ԿՈՐԾԱՆԵԼ ԱՐՑԱԽԸ
Մի խումբ մարդիկ այս օրհասական պահին նորից փորձում են Արցախը տանել ներքին ցնցումների և վեևջականապես կործանել այն: Այս մասին իր ֆեյսբուքյան էջում գրել է Արցախի անվտանգության խորհրդի նախկին քարտուղար, Արցախի հերոս Արշավիր Ղարամյանը:
«Արդեն մի քանի օր է Արցախում պատերազմի («հակաահաբեկչական» գործողության տեքով) շունչը հասել է Արցախի մեր պաշտպաների քիմքին,որոնք այն զգում են յուրաքանչյուր վարկյան,իսկ մի խումբ մարդիկ, որոնք տարիներ ի վեր երկպառակություն են մտցրել հանրության մեջ՝ կեղծ ու մտածածին թեզեր և հերյուրանքներ տարածելով, այս օրհասական պահին նորից փորձում են Արցախը տանել ներքին ցնցումների և վերջնականապես կործանել այն:
Սիրելի արցախցիներ,կոչ եմ անում՝ լինել խոհեմ և զգոն,չտրվել այդ մարդկանց սին խոստումներին ու սադրանքներին դրանով ավելի բարդացնելով ստեղծված ծանր ու բարդ իրավիճակը»,- գրել է նա: