Բլինքենն ու Ֆիդանը քննարկել են Հարավային Կովկասում կայուն խաղաղության հաստատումը
ԱՄՆ պետքարտուղար Էնթոնի Բլինքենը և Թուրքիայի արտգործնախարար Հաքան Ֆիդանը Ռիո դե Ժանեյրոյում G20 համաժողովի շրջանակում քննարկել են Հարավային Կովկասում արժանապատիվ և կայուն խաղաղության հաստատման հարցը։ Դրա մասին ասվում է ԱՄՆ Պետքարտուղարության պաշտոնական ներկայացուցիչ Մեթյու Միլլերի հայտարարության մեջ։
«Պետքարտուղարը և արտաքին գործերի նախարարը քննարկել են Լիբանանի հակամարտության դիվանագիտական կարգավորման անհրաժեշտությունը, որը լիովին կհամապատասխանի ՄԱԿ-ի Անվտանգության խորհրդի 1701 բանաձևին և թույլ կտա սահմանի երկու կողմի քաղաքացիներին վերադառնալ իրենց տները: Նրանք քննարկել են նաև Գազայում շարունակվող մարդասիրական ջանքերը և պատերազմի դադարեցման և բոլոր պատանդների ազատ արձակման անհրաժեշտությունը: Կողմերը միաժամանակ քննարկել են Հարավային Կովկասում արժանապատիվ և կայուն խաղաղության հաստատման կարևորությունը»,- նշված է Միլլերի ուղերձում։
News.am