Պուտին․ Արկտիկայում դիրքերի համար աշխարհաքաղաքական պայքարն ուժեղանում է

Արկտիկայի նշանակությունը Ռուսաստանի և ամբողջ աշխարհի համար անշեղորեն աճում է, ինչը հանգեցնում է տարածաշրջանում ազդեցության համար աշխարհաքաղաքական մրցակցության ուժեղացման: Այս մասին հայտարարել է Ռուսաստանի նախագահ Վլադիմիր Պուտինը՝ ելույթ ունենալով «Արկտիկա՝ երկխոսության տարածք» միջազգային համաժողովի լիագումար նիստում։ Նրա խոսքերը մեջբերում է ՌԻԱ Նովոստին։

«Ակնհայտ է, որ Արկտիկայի դերը ինչպես Ռուսաստանի, այնպես էլ ամբողջ աշխարհի համար մեծանում է։ Դրա հետ մեկտեղ, ցավոք, ուժեղանում է նաև աշխարհաքաղաքական պայքարն այս տարածաշրջանում դիրքերի համար», - նշել է նա։

ՌԴ նախագահը նաև ընդգծել է, որ անհեռատես է Գրենլանդիային միանալու ամերիկյան ծրագրերը ընկալել որպես միայն ԱՄՆ նոր վարչակազմի «արտասովոր հայտարարություններ»: Նրա խոսքով՝ նման մտադրությունները խոր պատմական արմատներ ունեն ։

«Ակնհայտ է, որ ԱՄՆ-ն կշարունակի համակարգված կերպով առաջ տանել իր աշխարհառազմավարական, ռազմաքաղաքական և տնտեսական շահերը Արկտիկայում»,-հավելել Է Պուտինը:

Հիշեցնենք` մարտին ԱՄՆ նախկին նախագահ Դոնալդ Թրամփը հայտարարել էր, որ Գրենլանդիան այսպես թե այնպես կհայտնվի Վաշինգտոնի վերահսկողության տակ, նա կղզու բնակիչներին բարգավաճում էր խոստացել Միացյալ Նահանգներին միանալու դեպքում:

Գրենլանդիան Դանիայի գաղութն էր մինչև 1953 թվականը։ Այսօր այն թագավորության կազմում է, բայց 2009 թվականից ունի լայն ինքնավարություն` ներառյալ ինքնակառավարման և ներքին հարցերի վերաբերյալ որոշումներ կայացնելու իրավունք:

Sputnik Արմենիա