ԱՄՆ-ը ժամանակավորապես դադարեցնում է ուսանողական վիզաների հարցազրույցների անցկացումը

ԱՄՆ իշխանությունները մտադիր են ժամանակավորապես դադարեցնել ուսանողական վիզաների համար դիմող օտարերկրյա ուսանողների հետ հարցազրույցների անցկացումը։ Դրա մասին հաղորդում է Politico-ն՝ վկայակոչելով նախագահ Դոնալդ Թրամփի վարչակազմի աղբյուրներին։

Պարբերականի տվյալներով՝ նախաձեռնությունը կապված է Միացյալ Նահանգներում սովորել ցանկացող բոլոր միջազգային ուսանողների համար սոցիալական ցանցերի հաշիվների պարտադիր ստուգում մտցնելու ծրագրերի հետ։ Նոր կանոնին նախապատրաստվելիս ԱՄՆ դեսպանատներին և հյուպատոսություններին հանձնարարվել է դադարեցնել այս կատեգորիայի դիմորդների համար նոր հարցազրույցների նշանակումը։

Ինչպես ընդգծում են լրագրողները, այդ միջոցառումները կարող են զգալիորեն դանդաղեցնել վիզայի գործընթացը և բացասաբար անդրադառնալ ամերիկյան ուսումնական հաստատությունների ֆինանսական վիճակի վրա, որոնց եկամտի զգալի մասը գալիս է օտարերկրյա ուսանողներից։

Հարվարդի համալսարանն ավելի վաղ դատական ​​​​հայց էր ներկայացրել Թրամփի վարչակազմի դեմ՝ բողոքելով օտարերկրյա քաղաքացիների կրթության սահմանափակումների դեմ։ Համալսարանի պաշտոնյաները հայտարարել են, որ հրամանագիրը խախտում է ԱՄՆ Սահմանադրության Առաջին ուղղմամբ երաշխավորված իրավունքները։

News.am