Դավիթ Տոնոյան. ԶՈՒ ԳՊ պետի փոփոխություն չի սպասվում
Հայրենիքի պաշտպանի վերականգնողական կենտրոնում տեղի ունեցած միջոցառմանը մասնակցող պաշտպանության նախարար Դավիթ Տոնոյանից լրագրողները հետաքրքրվեցին, արդյո՞ք ճիշտ են լուրերը, որ ԶՈՒ ԳՇ պետ է նշանակվելու Վաղարշակ Հարությունյանը։
«Ով էր շրջանառում է այդ տեղեկությունները, նրան էլ հարցրեք։ Էդ ի՞նչ հարցեր ես տալիս, իհարկե՝ ոչ»,-պատասխանեց նախարարը՝ դիմելով լրագրողին, տեղեկացնում է Panorama.am-ը։
Հարց եղավ նաև զենքի մատակարարման վերաբերյալ հայտարարված մրցույթի չեղարկմանն ու ռուսական ընկերության կողմից այն բողոքարկելու մասին։
«Այս պահին նախաքննություն է իրականացվում, գիտեք, որ քրեական գործ է հարուցված։ Որևիցե մեկնաբանություն մասնավորապես իմ կողմից ճիշտ չի լինի»,-ասաց Տոնոյանը՝ ընդգծելով, որ գործում որևէ մեկի մեղավորությունը դեռևս հաստատված չէ։
Տոնոյանին հիշեցրեցին՝ ԱԺ նախագահ Արարատ Միրզոյանի ֆեյսբուքյան գրառումը, ըստ որի սահմանամերձ Չինարին այլևս անխոցելի է։
«Մենք շատ տեղեր ունենք, որ այլևս խոցելի չեն։ Աշխարհագրությունը շատ մեծ է, կոնկրետ բնակավայրի վերաբերյալ եղել է պաշտպանության նախարարության մեկնաբանությունը»,-ասաց նախարարն ու հեռացավ։