Վահե ԵՓՐԻԿՅԱՆ. ԻՆՁ ԹՎՈՒՄ Է՝ ԻՇԽԱՆՈՒԹՅՈՒՆԸ ՎԱԽԵՆՈՒՄ Է ԱՄԵՆՔԻՑ ՈՒ ԱՄԵՆԻՑ
Լսեցի Բադասյանին, արտակարգ դրությունը չի երկարացվի, բայց ...
Օրենսդրական ավանտյուրան շարունակվում է կարանտինի սահմանման հնարավորությամբ ու հատկապես մարդկանց ազատ տեղաշարժի հատուկ ռեժիմի և հավաքների ազատության իրավունքի մասով, այլ խոսքով՝ յուրաքանչյուր դեպքում կարող են օրինակ՝ արգելել մուտքը Երևան և կամ չթույլատրել ցանկացած հավաք։
“Դեմոկրատիայի բաստիոնում” մարդու իրավունքների իրացումը շարունակում է կախված մնալ իշխանության կամքից, իսկ ինչի՞ց է վախենում իշխանությունը, միթե՞ օրեցօր գահավիժող սոցիալական դրությամբ չքավորության եզրին հասցված “հպարտ” քաղաքացուց, հանքերի, այժմ, ինչպես երբևէ շահագործման պայմաններում բնապահպանների անհանգստությունից, կրթական համակարգը ծաղրուծանակի վերածած աշակերտ ֊ ուսանողներից ու նրանց ծնողներից, թե՞ ազգային դիմագիծը պահելու կռվի դուրս ելած շարքային քաղաքացուց...
Ինձ թվում է՝ իշխանությունը վախենում է իշխանության մաս չկազմող ամենքից ու ամենից։
Վահե Եփրիկյան, ֆեյսբուքյան էջ
