ՓՈԽԳՆԴԱՊԵՏԻՆ ՈՉ ՈՔ ՉՕԳՆԵՑ
Եղեգնաձորում մի խումբ անձանց կողմից ծեծի է ենթարկվել Հայաստանի ԶՈՒ-ի փոխգնդապետ, հաղորդեց Քննչական կոմիտեն։ Սպայի վիճակը, պաշտպանության նախարար Դավիթ Տոնոյանի խոսքերով, ծայրահեղ ծանր է և առանձնակի հույսեր չի ներշնչում։ Միջադեպը տեղի է ունեցել սեպտեմբերի 18-ին, մամուլում անմիջապես տեղեկատվություն է հայտնվել այն մասին, որ զինծառայողին վնասվածքներ է պատճառել Վայոց Ձորի մարզպետի օգնական Հարություն Գրիգորյանը։ Հիշատակվել է նաև, որ միջադեպին առնչություն ունի ինքը՝ մարզպետ Տրդատ Սարգսյանը։