Երևանում աննախադեպ բացման համերգային ծրագրով մեկնարկում է տարվա ամենասպասված տեխնոլագիական միջոցառումը՝ Նորարարության և տեխնոլոգիաների համաշխարհային համաժողովը՝ WCIT2024/DigiTec-ը: Հանրապետության Հրապարակում ելույթ են ունենում Հայաստանի պետական սիմֆոնիկ նվագախումբը՝ դիրիժոր Սերգեյ Սմբատյանի գլխավորությամբ, որին կհաջորդի ամերիկացի երգիչ, երգահան Ջեյսոն Դերուլոյի բացառիկ ելույթը։
Հայաստանում գործող ընկերություններից մեկը վնաս է հասցնում Արաքսի էկոհամակարգին։ Իրանական կողմի այս մտահոգության մասին ՀՀ գլխավոր դատախազ Աննա Վարդապետյանին հայտնել է նրա ռուս գործընկեր Իգոր Կրասնովը։
ՀՀ երկրորդ և երրորդ նախագահների՝ քաղաքականությունից հեռանալու վերաբերյալ հայտարարություն անողներն ասում են՝ ի՞նչ են արել որ, ընդամենը հայրենիք են պահել։ Ես եկեղեցու սպասավորներին չեմ արձագանքում, բայց քանի որ նման «նիկոլական» կարծիք կա, ապա պետք է հայտնեմ կարծիքս։ Եթե ընդամենը հայրենիք պահելն այդքան հեշտ է, դե թող մնացածն էլ պահեին, թող Նիկոլ Փաշինյանն էլ պահեր։ Պետության ղեկավարի թիվ մեկ խնդիրը հայրենիք պահելն է, Aysor.am-ի հետ զրույցում ասաց ՀՀԿ ԳՄ անդամ, ԱԺ նախկին փոխնախագահ Էդուարդ Շարմազանովը՝ արձագանքելով վերոնշյալ հայտարարություններին։
Դատարանը մերժել է Պոլիտեխնիկական համալսարանի Կապանի մասնաճյուղում տեղի ունեցած կոռուպցիայի գործով ձերբակալված ուսանող Հովհաննես Փարսյանին (Կապանի քաղաքապետ Գևորգ Փարսյանի եղբայրը) կալանավորելու Հակակոռուպցիոն կոմիտեի միջնորդությունը, «Հրապարակ»-ին հայտնել են կոմիտեից։
2024 թվականի Խաղաղության Նոբելյան մրցանակի համար առաջադրվել է 286 թեկնածու, այդ թվում՝ Ֆրանցիսկոս պապը։ Այս մասին հայտնում է Reuters-ը։
ՀՀ և ՌԴ գլխավոր դատախազներ Աննա Վարդապետյանը և Իգոր Կրասնովը ստորագրել են համագործակցության ութերորդ ծրագիրը:
Ներքին տեղահանվածների համար Լիբանանի 900 ապաստարանների մեծ մասն այլևս չի կարող մարդկանց տեղավորել, ուրբաթ ասել է ՄԱԿ-ի փախստականների հարցերով գերագույն հանձնակատարի ներկայացուցիչ Ռուլա Ամինը:
Ադրբեջանի նախագահ Իլհամ Ալիևը ապատեղեկատվության, սպառնալիքների և շանտաժի նոր խմբաքանակ է սանձազերծել։ Ինչպես միշտ, Ալիևի հարձակումների հիմնական թիրախը Հայաստանն էր, տուժել են նաև ԱՄՆ-ն ու Ֆրանսիան։
Սեպտեմբերի 19-24-ը Զանգվածային ոչնչացման զենքի (ԶՈԶ) դեմ պայքարի շրջանակներում ՀՀ պետական կառավարման համակարգի՝ ոլորտի իրավասու մարմինների մասնակցությամբ Հայաստանում անցկացվել է դաշտային վարժանք: Վարժանքն իրականացվել է ԱՄՆ Պաշտպանության դեպարտամենտի վտանգների նվազեցման գործակալության հետ համատեղ և Անվտանգության խորհրդի գրասենյակի համակարգմամբ:
Վերանորոգված սրահներով, տեխնիկապես հագեցած, նոր ու վերազինված դահլիճներով «Մոսկվա» կինոթատրոնը բացեց իր դռները նոր անվամբ՝ «ԿինոՄոսկվա»: Տնօրինությունը նախաձեռնել և իրականացրել է Երևանի խորհրդանիշերից մեկը համարվող կինոթատրոնի ներքին հարդարման աշխատանքները՝ գրկաբաց ընդունելու քաղաքի բնակիչներին և հյուրերին՝ համաշխարհային ու տեղական կինոարտադրության ֆիլմերի դիտումն ու ժամանցը միջազգային բարձր չափանիշներով կազմակերպելու համար: Հենց վերաբացման օրը տեղի ունեցավ տարվա ամենասպասված «Ջոկեր․ խելագարություն երկուսի համար» ֆիլմի տարածաշրջանային առաջին փակ ցուցադրությունը, որին նախորդեցին երաժշտական ծրագիր և «ԿինոՄոսկվա»-ի մասին պատմող կարճ ֆիլմի ցուցադրություն։