2025 թվականի ապրիլի 1-ի դրությամբ Հայաստանի պետական պարտքը գերազանցել է 13,6 մլրդ դոլարը, որից 6,98 մլրդ դոլարը բաժին է ընկնում արտաքին պարտքին, իսկ 6,6 մլրդ դոլարը՝ ներքին, հայտնում է Armenian Business Portal-ը։
Միջազգային քաղաքացիական ավիացիայի կազմակերպության (ICAO) խորհուրդը պաշտոնապես Ռուսաստանին մեղավոր է ճանաչել 2014 թվականի հուլիսին Դոնբասի վրայով Ամստերդամից Կուալա Լումպուր թռչող Malaysia Airlines MH17 չվերթի ինքնաթիռի կործանման համար, հաղորդում է Նիդեռլանդների արտաքին գործերի նախարարությունը։ Աղետի հետևանքով զոհվել է 298 մարդ։
Հնդկաստանի և Պակիստանի ռազմական գործողությունների հրամանատարներն այսօր կայացած բանակցությունների ժամանակ որոշել են անհապաղ միջոցներ ձեռնարկել սահմաններից և առաջավոր շրջաններից զորքերի դուրսբերումն ապահովելու համար: Տեղեկությունը հայտնում է ANI գործակալությունը՝ հղում անելով Հնդկաստանի բանակի հայտարարությանը:
ԱՄՆ նախագահ Դոնալդ Թրամփը հույս ունի, որ մայիսի 15–ին Ռուսաստանի և Ուկրաինայի առաջնորդները կլինեն Ստամբուլում: Նա լրագրողներին հայտնել է, որ մտածում է այդ բանակցությունների համար մեկնել Ստամբուլ:
Մայիսի 11-ին Երևանում դիտված ուժեղ քամին, որի առավելագույն արագությունը հասել է 20մ/վ, պայմանավորված է եղել ամպրոպային գործունեությամբ, այն առաջացել է ամպրոպային ամպում, այսինքն ձևավորվել է հենց Երևանի տարածքում։ Այս մասին NEWS.am–ը տեղեկանում է Շրջակա միջավայրի նախարարության «Հիդրոօդերևութաբանության և մոնիթորինգի կենտրոն» ՊՈԱԿ-ից։
Կատարի թագավորական ընտանիքը ԱՄՆ նախագահ Դոնալդ Թրամփին նվիրելու է մոտ 400 միլիոն դոլար արժողությամբ Boeing 747-8 ինքնաթիռ, որն անվանում են «թռչող պալատ»։ Թրամփը կկարողանա օգտագործել այն մինչև իր պաշտոնը լքելը, այդ ժամանակ ինքնաթիռը կուղևորվի նախագահական ֆոնդ, հաղորդում է ABC News-ը՝ վկայակոչելով գործարքին ծանոթ աղբյուրներին։
Հոկտեմբերի 27-ի գործով հարցաքննվել է «Ազգային ժողովրդավարական բևեռ» կուսակցության անդամ Ժիրայր Սեֆիլյանը։ Տեղեկությունը Sputnik Արմենիային հայտնեցին ՀՀ քննչական կոմիտեից։
Հռոմի նորընտիր Լևոն XIV պապը պատրաստվում է այցելել Թուրքիա։ Այս մասին նա ասել է լրագրողներին՝ պատասխանելով հարցին՝ արդյո՞ք կատարելու է նախորդի՝ Ֆրանցիսկոս պապի մտադրությունը՝ այցելելու հինավուրց Նիկեա, որն այժմ ժամանակակից Թուրքիայի Իզնիկ քաղաքն է, մասնակցելու Նիկեայի Առաջին ժողովի 1700-ամյակին, գրում է ANSA-ն։
Քանի որ անցնող 100 օրվա ընթացքում Թրամփի թիմի հետ Հայաստանի իշխանությունների շփումներն առանձնապես արդյունքներ չեն տվել, հնարավոր չի եղել ակտիվ ներգրավվածություն ապահովել երկկողմ հարաբերություններում, ՀՀ իշխանությունները որոշում են կայացրել վարչակազմի հետ համագործակցություն հաստատելու համար այլ տարբերակներ գտնել։ Այս մասին գրում է Ամերիկյան հետազոտությունների հայկական կենտրոնը։
2024 թվականի հունիսին տեղի ունեցած հավաքների ժամանակ ոստիկանության գործողությունների հետևանքով տուժողներն արդեն որոշված են, սակայն մեղադրյալի կարգավիճակում ոչ ոք դեռ չկա։ ՀՀ քննչական կոմիտեի նախագահ Արթուր Պողոսյանն այս մասին ասաց ԱԺ–ում՝ ներկայացնելով իր ղեկավարած կառույցի կատարած աշխատանքի տարեկան հաշվետվությունը։