Երեկ ԱԺ լսումների ժամին ՔՊ-ական պատգամավոր Հովիկ Աղազարյանի և Քննչական կոմիտեի նախագահ Արգիշտի Քյարամյանի միջև տեղի ունեցած միջադեպը հաստատեց այն ամենը, ինչ մենք տարիներ շարունակ ասում էինք, որ, այո՛, կալանքը, իսկապես, կիրառվում է որպես պատժամիջոց և անձանցից ցուցմունքներ կորզելու միջոց. Aysor.am-ի հետ զրույցում նման տեսակետ հայտնեց փաստաբան Արսեն Բաբայանը։
Ռուսաստանը չի օգտագործում «Զանգեզուրի միջանցք» եզրույթը: Այս մասին ճեպազրույցի ժամանակ ասել է ՌԴ ԱԳՆ պաշտոնական ներկայացուցիչ Մարիա Զախարովան՝ պատասխանելով ադրբեջանցի լրագրողի հարցին:
ARARAT թանգարանը շարունակում է գրավել միջազգային հեղինակավոր մրցանակաբաշխությունների ուշադրությունը՝ հերթական անգամ առաջադրվելով World Travel Awards մրցանակաբաշխության համապատասխան անվանակարգում։
Երեկ մի կլասիկ նախկին պատգամավոր ու դեսպան (նկատի ունի Էդմոն Մարուքյանին-խմբ) փորձում էր գիտականորեն հիմնավորել, թե ընդդիմության կողմից մանդատներ վայր դնելը կբերի նոր ընտրությունների: Այս մասին իր էջում գրել է «Հայաստան» խմբակցության պատգամավոր Արթուր Խաչատրյանը:
Ռուսական կողմը «3+3» հարթակի ձևաչափը դիտարկում է որպես Հարավային Կովկասում և Մերձավոր Արևելքում կայուն խաղաղության և կայունության հասնելու տարածաշրջանային խմբերի ջանքերը համակարգելու արդյունավետ մեխանիզմ, ինչպես նաև առևտրատնտեսական, տրանսպորտի, լոգիստիկայի, մշակութային և հումանիտար ոլորտներում փոխշահավետ համագործակցությունը խթանելու հնարավորություն։ Դրա մասին այսօր՝ հոկտեմբերի 16-ին, ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
1794թ. հոկտեմբերի 16-ին Մադրասում (Հնդկաստան) տպագրվել է առաջին հայկական ամսագիրը՝ «Ազդարարը»։ Այն հրատարակել է Հարություն Շմավոնյանը։ Լույս է տեսել պարբերականի 18 համար։ Ի հիշատակ այդ օրվան՝ 2004թ. ապրիլի 22-ին Հայաստանի կառավարությունը որոշում է ընդունել հոկտեմբերի 16-ը նշել որպես Հայկական մամուլի օր: Հայաստանի ժուռնալիստների միության նախագահ, 168.am կայքի գլխավոր խմբագիր Սաթիկ Սեյրանյանի գնահատմամբ՝ այսօրվա Հայաստանում մամուլը պայքարում է «ֆեյք նյուզի» դեմ, որի տարածողը իշխանությունն է։
Հայաստանի Գիտությունների ազգային ակադեմիայի և Գերմանիայի Մյունստերի համալսարանի հնագետները Հայաստանի հնագույն Արտաշատ քաղաքում հայտնաբերել են նախկինում անհայտ վաղ քրիստոնեական եկեղեցու մնացորդներ, հայտնում է Մյունստերի համալսարանի կայքը։
Վրացական կողմը չի մասնակցի Հարավային Կովկասի հարցով «3+3» հարթակի շրջանակում կայանալիք առաջիկա բանակցություններին:
Շվեյցարիայի Դաշնային խորհուրդը երկրի իշխանություններին կոչ է անում ԼՂ հայերի վերադարձի թեմայով համաժողով կազմակերպել։ Դաշնային խորհրդի (ստորին պալատ-խմբ․) արտաքին հարաբերությունների հանձնաժողովն ընդունել է համապատասխան բանաձև։ Դաշնային խորհրդի ընդունումից հետո բանաձևը կքննարկվի նաև խորհրդարանի վերին պալատում։
«Զենքի շրջանառության կարգավորման մասին» ՀՀ օրենքի 31-րդ հոդվածի 4-րդ մասի համաձայն՝ Հայաստանի Հանրապետությունում շրջանառվող քաղաքացիական և ծառայողական բոլոր զենքերը ենթակա են հաշվառման ՀՀ ոստիկանությունում՝ քաղաքացիական և ծառայողական զենքերի հաշվառման միասնական էլեկտրոնային շտեմարանում և թղթային տարբերակով, որոնց կարգը սահմանում է կառավարությունը: