ՀՀ երկրորդ նախագահ Ռոբերտ Քոչարյանի գրասենյակը հերքել է Հայ առաքելական եկեղեցու Տավուշի թեմի առաջնորդ Բագրատ Գալստանյանի հետ հանդիպման մասին տեղեկությունը։
«Իմնեմնիմի» պոդկաստի համահեղինակներ Նարեկ Սամսոնյանի և Վազգեն Սաղաթելյանի վերաբերյալ քրեական վարույթով նախաքննությունն ավարտվել է։ Տեղեկությունը հայտնում են փաստաբաններ Ռուբեն Մելիքյանն ու Արսեն Բաբայանը։
Եվրասիական տնտեսական միության պետություններում գիտական աստիճանների մասին փաստաթղթերի փոխադարձ ճանաչման մասին համաձայնագիրը մայիսի 2-ին ուժի մեջ է մտել։ Տեղեկությունը հայտնում է ԵՏՀ մամուլի ծառայությունը:
Մեծ Բրիտանիայի արտգործնախարար և նախկին վարչապետ Դեյվիդ Քեմերոնը հինգշաբթի այցելեց Կիև և Ուկրաինային խոստացավ տարեկան երեք միլիարդ ֆունտ (3,74 միլիարդ դոլար), ինչպես նաև ասաց, որ Ուկրաինան իրավունք ունի օգտագործել Բրիտանիայից ստացված զենքը Ռուսաստանի տարածքում։
Հասարակական մի քանի կազմակերպություններ հայտարարություն են տարածել՝ պահանջելով կառավարությունից թափանցիկություն ապահովել սահմանազատման և սահմանագծման գործընթացներով՝ պնդելով, որ ներկայում ընթացող աշխատանքները հակասում են ՀՀ ներքին օրենսդրությանն ու խնդիրներ են առաջացնում քաղաքացիական բնակչության բնականոն կյանքի և անվտանգության համար։
Պայքարը մտնում է վճռական փուլ, մենք պատմական հնարավորություն ունենք բեկելու այս կործանարար շղթան: Այս մասին ֆեյսբուքյան իր էջում գրել է «Ժողովրդավարական համախմբում» կուսակցության ղեկավար, Տավուշում սահմանազատման ու տարածքային զիջումների դեմ պայքարին մասնակցող Սուրեն Պետրոսյանը։
Կիրանցում անհանգստություն կա՝ մարդիկ ահաբեկված են սեփական իշխանությունների կողմից իրականացվող տեռորից, բայց վճռական են տրամադրված։ Այս մասին հայտնել է ԱԺ «Հայաստան» խմբակցության պատգամավոր Գառնիկ Դանիելյանը, որին օրվա ընթացքում հաջողվել է այլ՝ անտառային ճանապարհով գնալ Կիրանց։
Վրաստանի վարչապետ Իրակլի Կոբախիձեն հրաժարվել է ԱՄՆ այցից, քանի որ իրեն պահանջ է ներկայացվել։
ՀՀ մարդու իրավունքների պաշտպան Անահիտ Մանասյանի հանձնարարությամբ ՄԻՊ աշխատակազմն աշխատում է արտակարգ ռեժիմով՝ պայմանավորված Տավուշում և հանրապետության այլ մարզերում տեղի ունեցող բողոքի ակցիաներով և հավաքներով․ լրատվամիջոցների և սոցիալական հարթակների մշտադիտարկումները շարունակվում են, այցեր են իրականացվում Ոստիկանության բաժիններ՝ բերման ենթարկված անձանց իրավունքների ապահովման վիճակին տեղում ծանոթանալու նպատակով։ Այս մասին ասված է ՄԻՊ աշխատակազմի տարածած հայտարարությունում։
«Լավ եմ արել, իրավական հիմքերն ունեցել եմ»,- այսպես է փոխոստիկանապետ Կարեն Հակոբյանն արձագանքել Newday.am-ի թղթակցի հարցին, թե ինչ հիմքով է ոստիկանությունն այսօր վաղ առավոտյան բիրտ ուժ կիրառել Կիրանցում ճանապարհը փակած բնակիչների նկատմամբ ու բերման ենթարկել նրանց։