Նիկոլ Փաշինյանը որպես քաղաքական գործիչ և որպես մարդ կորած է: Ռեժիմի ջղաձգությունները նրան չեն վերակենդանացնի: Այս մասին Թելեգրամի իր ալիքում գրել է «Իզվեստիա» թերթի տնօրենների խորհրդի նախագահ, ռուսաստանցի լրագրող Արամ Գաբրելյանովը:
Ընդդիմադիր «Հայրենիք» կուսակցության քաղաքական խորհդր անդամ, իրավաբան Արսեն Բաբայանը գրում է.
Դժվարանում եմ ասել՝ Նիկոլի մոտ ցինի՞զմն է շատ, տգիտությո՞ւնը, թե՞ մոլագարությունը. իրականում այս բոլորը միասին, նաև՝ հասարակության պակաս կրթված զանգվածին մոլորեցնելու մարմաջը, սա իր հիմնական զենքն է, իր թիմի հիմնական գործելաոճը: Այս մասին Tert.am-ի հետ զրույցում ասաց ՀՅԴ ԳՄ անդամ Լիլիթ Գալստյանը՝ անդրադառնալով Նիկոլ Փաշինյանի՝ երեկ Ազգային ժողովում արված այն հայտարարությանը՝ երբեք այսքան գերի չի վերադարձվել Հայաստան, քան նոյեմբերի 9-ից հետո:
Նոյեմբերի 16-ին Նիկոլ Փաշինյանը Լեռնային Ղարաբաղի պատմական մայրաքաղաք Շուշին անվանեց «դժբախտ, դժգույն քաղաք» և հռետորական հարց ուղղեց: Իսկ 2021 թվականի հունվարի 20-ին նա հայտարարեց, որ «մինչև Շուշիի ազատագրումը բնակչության ավելի քան 90 տոկոսը ադրբեջանցիներ էին»։
Առողջապահության նորանշանակ նախարարն աղանդավոր է ու չի էլ թաքցնում դա։ Սահմանադրությանն է հղվում, ինչ-որ իրավունքների, ազատությունների և այլն։ Նման բաների մասին աղանդավորներն արդեն հանգիստ են խոսում։ Մեր երկրում նրանք այլևս խնդիր չունեն և դա փաստ է։ Իսկ հիմա ավելի հեռուն են ուզում գնալ ու այնպիսի իրավիճակ ստեղծել, որի պարագայում աղանդավոր լինել-չլինելու մասին հարցն իսկ պախարակելի դառնա, եթե չասենք՝ քրեորեն պատժելի։ Իրենք իրենց խնդիրը լուծում են։ Մնում է հասկանալ, թե մենք ինչ ենք անում։
Իրավաբան Ռոբերտ Հայրապետյանն իր ֆեյսբուքյան էջում գրում է. «Նիկոլ Փաշինյանը ստել է, քանի որ նոյեմբերի 9-ից հետո վերադարձված գերիների թիվն ավելի մեծ չէ տարբեր տարիների տվյալների հետ համեմատած։
Ուզում ենք ասել, որ 90 կամ մաքուր 100 տոկոսանոց հայկական բնակավայրերը՝ ազգի «բարեկամների» շնորհիվ ինչ որ մի պահ դարձել են 90 կամ 100 տոկոսանոց թուրքերով բնակեցված բնակավայրեր, և այժմ որոշ հայազգի «գործիչների» կողմից որակվում են «իրենց կարգավիճակով ոչ հայկական»։ Այս մասին Facebook-ի իր էջում գրել է Արդարադատության նախկին նախարար Գևորգ Դանիելյանը:
Իշխանությունները շարունակում են անել ամեն բան, որպեսզի թաքցնեն սեպտեմբերի 27-ին սկսված պատերազմի հանգամանքները, որոնք կարող են հանրությանը հանել թմբիրից ու ակնհայտ դարձնել, որ պատերազմում պարտության միակ մեղավորը հենց գործող իշխանություններն են։
Վախեցած և բունկերներում ինքնամեկուսացած, զինվորի վարտիքի մեծագո՛ւյն մասնագետ, դու ի՛նչ գիտես՝ առաջնագիծն ինչ է, երբևիցե առաջնագծում եղե՞լ ես, որտեղ հակառակորդը 50 մետր հեռավորության վրա է կամ ավելի քիչ։ Այս մասին ֆեյսբուքյան իր էջում գրել է ՊՆ նախկին ղեկավար, գեներալ Սեյրան Օհանյանը՝ անդրադառնալով ԱԺ-ում Նիկոլ Փաշինյանի ելույթին: Նրա գրառումն ամբողջությամբ ներկայացնում ենք ստորև.
«Փաստ» օրաթերթը գրում է. «Նիկոլ Փաշինյանը երեկ ԱԺ-ում շարունակում էր ծաղրել ժողովրդին: Մանրամասների մեջ չենք մտնի, երեկ շատ է խոսվել այդ մասին: Սակայն արդեն ակնհայտ է, որ Նիկոլ Փաշինյանն ու իր թիմը միակ «փրկօղակ» համարում են ժամանակը: Այսինքն, հույս ունեն, որ ժամանակի ընթացքում հանրությունը կմոռանա կապիտուլյացիոն պարտությունը, հազարավոր զոհերն ու Արցախի գերակշիռ մասի կորուստը: Այնինչ, հազիվ թե հասարակության գիտակից մասը երբևէ մոռանա այն ողջ պատուհասը, ինչ Նիկոլ Փաշինյանը բերեց մեր երկրի ու ժողովրդի գլխին: