ԲԴԽ֊ն քննում է դատավոր Զարուհի Նախշքարյանին կարգապահական պատասխանատվության ենթարկելու միջնորդությունը։
44-օրյա պատերազմի քննիչ հանձնաժողովն այդպես էլ չձևավորվեց անգամ այն դեպքում, երբ իշխանությունը հանգիստ կարող էր պարտակել մի շարք հանգամանքներ այնպես, ինչպես դա հաջողությամբ անում է մյուս հարթակներում։ Մինչդեռ 2018-ի դեկտեմբերին խորհրդարանում մեծամասնություն վերցնելուն պես ՔՊ-ն ձեռնամուխ եղավ 2016-ի ապրիլյան մարտերի հարցով խորհրդարանական քննիչ հանձնաժողովի ստեղծմանը, արդյունքում ոչ թե ցավալի բացահայտումներ արեց, ինչպես խոստանում էին, այլ ընդամենը փորձեց բորբոքել հանրության բաց նյարդը։
Երկրի երրորդ նախագահ Սերժ Սարգսյանը մտքեր բարձրաձայնեց ՀՀԿ-ի իշխանության ժամանակաշրջանում կառավարման սխալների գիտակցման մասին։ Այս մասին դեկտեմբերի 20-ին լրագրողների հետ հանդիպման ժամանակ հայտարարեց «Պատիվ ունեմ» խորհրդարանական խմբակցության քարտուղար, ՀՀԿ-ական Հայկ Մամիջանյանը։
Իշխանության հարուցած ներքաղաքական օրակարգից և հանրության ուշադրությունն այդ ուղղությամբ բևեռելուց պարզ է, որ Փաշինյանի վարչակազմը կա՛մ չի գիտակցում, կա՛մ էլ գիտակցաբար արհամարհում է Հայաստանի գոյաբանական մարտահրավերները։ Ինչպես ցույց է տվել վերջին մեկուկես տարվա փորձը՝ դրա դիմաց մենք կստանանք եթե ոչ նոր պատերազմ, ապա սահմանային նոր սրացումներ, կորուստներ ու գերիներ։ Արդեն չորրորդ տարին անընդմեջ՝ ահազանգը հնչեցնում են նույն շրջանակները, բայց ձայն բարբառոյ յանապատի։
Մենք պիտի խոսենք խնդիրների մասին՝ ոչ թե ողբի, այլ ապաքինման համար Թվում է, թե վերջին երեք տարիներին մենք անցել ենք ամենածանր փորձությունների միջով, բայց ոչ, սիրելի՛ կուսակից ընկերներ, ինքներդ էլ հասկանում եք, որ դրանք անցյալում չեն մնացել. մեզ և մեր երկրին ու ժողովրդին պատուհասած փորձությունները չեն ավարտվել, և մենք, որպես քաղաքական ուժ, պետք է պատրաստ լինենք դիմագրավելու, առանց վհատվելու պայքարելու երկիրն ու մեր երեխաների ապագան կործանման տանող դավաճան ստահակների դեմ: Այս մասին այսօր` դեկտեմբերի 18-ին, ՀՀԿ 17-րդ համագումարին ասել է ՀՀԿ նախագահ, ՀՀ երրորդ նախագահ Սերժ Սարգսյանը:
Հայաստանի Հանրապետական կուսակցությունն այսօր՝ դեկտեմբերի 18-ին, անցկացնում է իր 17-րդ համագումարը։ Համագումարին մասնակցում է նաև երրորդ նախագահ Սերժ Սարգսյանը։
Երևանի ավագանու «Իմ քայլը» խմբակցությունը նախաձեռնել է քաղաքապետ Հայկ Մարությանին անվստահություն հայտնելու գործընթաց։ Իր հայտարարության մեջ խմբակցությունը շնորհակալություն է հայտնում Մարությանին համատեղ աշխատանքի համար, ընդ որում մեղադրելով նրան, որ «ոչ բավարար ծավալով է կատարել և չի կատարում Երևանի քաղաքապետարանում համակարգային կոռուպցիան արմատախիլ անելու կարևորագույն առաքելությունը»: Մինչդեռ ընդամենը երկու տարի առաջ՝ 2019-ի դեկտեմբերին, իշխանությունը՝ ի դեմս ԱԺ իշխող «Իմ քայլը» խմբակցության, սարի պես կանգնեց «յուրային» քաղաքապետի թիկունքին, երբ խորհրդարանական ընդդիմությունը հանդես եկավ ԱԺ քննիչ հանձնաժողով ստեղծելու նախաձեռնությամբ՝ քաղաքապետարանում կոռուպցիոն ռիսկեր պարունակող գործարքների հետաքննության համար։
ՏԻՄ ընտրությունները կասկածի տակ դրեցին արտահերթ ընտրությունների արդյունքները Դեկտեմբերի 20-ին կես տարի կլրանա խորհրդարանական արտահերթ ընտրությունների օրվանից, որից հետո երկիրը փաստացի գլխովին թաղվեց բռնաճնշումների մեջ։ Պետական դրոշի գույնի ժապավեններով չագուճն ու «պողպատե մանդատը» դարձան 2021 թվականի երկրորդ կիսամյակի գլխավոր խորհրդանիշները: Դեկտեմբերի 5-ին ավարտված ՏԻՄ ընտրությունների քարոզարշավը լիովին հաստատեց ընդդիմության ՍԴ դիմելու հիմնավորվածությունը՝ հունիսի 20-ի քվեարկության պաշտոնական արդյունքները վիճարկելու նպատակով:
Բրյուսելյան եռակողմ հանդիպումը հայկական կողմի համար իսպառ տապալված է, քանի որ դրա արդյունքներով հնչեցված Եվրամիության հայտարարության մեջ մեկ տառ անգամ չկա Արցախի մասին։ Փաստացի՝ աշխարհի համար այլևս չկա արցախյան հակամարտություն, Արցախի ապազավթում կամ գոնե կարգավիճակի ամրագրում։ Հետաքրքրական է, թե դեմառդեմ շփման ժամանակ՝ առանց Շառլ Միշելի, Փաշինյանն ու Ալիևն ի՞նչ են քննարկել, դա Դուշանբեի վերելակի ոգո՞վ է եղել։ Ի՞նչ կարող էր Փաշինյանը դիմադարձել իրեն հրապարակայնորեն բազմիցս ստորացրած, «խմած խեղկատակ» անվանած անձին։
Երբ նայում ես Բրյուսելում Փաշինյանի հանդիպումների կադրերին, տպավորություն է ստեղծվում, որ մեր վարչապետն արդեն ձանձրացրել է հենց… Փաշինյանին։ Ո՞ւր է կորել այն ինքնագոհ, էներգիայով լեցուն Նիկոլը, որը եռանդագին նետվում էր Դոնալդ Թրամփի ճամփան կտրելու, որպեսզի լուսանկարիչը հավերժացնի իրեն ԱՄՆ նախագահի և զարմացած Մելանյա Թրամփի կողքից քայլելիս…