Ի՞նչ սրտով ու ի՞նչ տրամադրությամբ է դատավոր Դավիթ Գրիգորյանը որոշում կայացնելու երկրորդ նախագահի նկատմամբ խափանման միջոցի մասին, եթե հենց նույն օրը, մեկ ժամ անց, Բարձրագույն դատական խորհուրդը (ԲԴԽ) վճռելու է իր իսկ հարցը։ Իրավիճակը Ռոբերտ Քոչարյանի և երեք գեներալների նկատմամբ այժմ արդեն դատական գործի շուրջ շարունակում է մնալ ուշադրության կենտրոնում և մատուցել նոր անակնկալներ։
«Փաշինյանը փորձում է իր վրայից գցել ղարաբաղյան հարցի լուծման քաղաքական պատասխանատվությունը»,- «ԳԱ»-ին տված հարցազրույցում հայտարարեց պահեստի գնդապետ, Արցախյան պատերազմի մասնակից, պատմական գիտությունների թեկնածու Վոլոդյա ՀՈՎՀԱՆՆԻՍՅԱՆԸ։
Հայկական ազգային օրակարգի առաջնային խնդիրներից մեկը շարունակում է մնալ Սփյուռքի կամ ավելի ճիշտ կլինի ասել՝ համահայկականության նոր, համարձակ ու արդյունավետ ճարտարապետության հարցը: Այս մասին Կանադայի «Հորիզոն» շաբաթաթերթում իր հեղինակային հոդվածում գրել է Սուրբ Աթոռում, Պորտուգալիայում և Մալթայի Ինքնիշխան Ուխտում ՀՀ նախկին դեսպան Միքայել Մինասյանը։
Ռոբերտ Քոչարյանի գործով Սահմանադրական դատարանի որոշումը լիովին փոխում է իրավիճակը տվյալ քրեական գործում։ Կարելի՞ է անվանել դա հեղափոխական և նշանակո՞ւմ է արդյոք, որ Ռ.Քոչարյանին պետք է անհապաղ ազատել կալանքից։ Մեկնաբանությունների համար մենք դիմեցինք սահմանադրական իրավունքի փորձագետ, փաստաբան Արամ ՎարդԵՎանյանին։
Տասնմեկ մարդ զոհվեց Ֆրանսիայում բողոքի ակցիաների ժամանակ, որ սկսել էին «դեղին ժիլետները» նոյեմբերի 17-ին։ Զոհվեցին տարբեր պատճառներով, բայց այդ զոհերն այսպես թե այնպես կապված են բողոքի ակցիաների հետ։
Հայաստանում արձանագրվել է ճանապարհատրանսպորտային պատահարների թվի աճ։ Այս մասին երեքշաբթի օրը լրագրողներին հաղորդեց Ճանապարհային ոստիկանության պետ Եգոր Կարապետյանը, ներկայացնելով ՃՏՊ-ների վերաբերյալ վիճակագրությունը, տեղեկացնում է Sputnik-ը։ Այսպես, 2019թ. առաջին եռամսյակում տեղի է ունեցել 937 ՃՏՊ՝ 2018-ի նույն ժամանակահատվածում 768-ի համեմատ, այսինքն 169 միջադեպով ավելի շատ։ «Վթարների հետևանքով զոհերի թիվը 2019 թվականի առաջին երեք ամիսներին կազմել է 63 մարդ, ինչը 12-ով ավելի քիչ է, քան 2018-ի նույն ժամանակահատվածում։ Ավելացել է ՃՏՊ-ներում վնասվածք ստացածների թիվը։ Այս տարի վնասվածքներ են ստացել 1400 մարդ՝ 2018-ի առաջին եռամսյակի 1124 ցուցանիշի համեմատ։
Մարտի 1-ի գործը քաղաքակա՞ն, թե իրավական գործընթաց է: Այս հարցի վերաբերյալ տարբեր կողմեր ունեն տարբեր տեսակետներ։ Մի բան պարզ է՝ քննությունը և դատավարությունը պետք է հարցերի տեղիք չտան։
Ի՞նչ նպատակ է հետապնդում գործադիր իշխանությունը, ցանկանալով պատժել Վճռաբեկ դատարանի միանգամից բոլոր դատավորներին, ընդ որում՝ քաղաքական կարևորագույն դատավարության նախաշեմին։
Անցած շաբաթ հաղորդագրություն հայտնվեց այն մասին, որ 2008թ. մարտի 1-ի իրադարձությունների վերաբերյալ քրեական գործի առանձին վարույթի անջատված մասով նախաքննությունն ավարտված է և ուղարկված դատախազին։ Որպես մեղադրյալներ այնտեղ նշվում են չորս հոգի՝ Ռոբերտ Քոչարյանը, Սեյրան Օհանյանը, Յուրի Խաչատուրովը և Արմեն Գևորգյանը։ Դա «Մարտի 1»-ի գործի լոկ մի մասն է, և այն նույնիսկ չի շոշափում 10 քաղաքացիների մահվան հարցը, թեև իշխանությունները ներշնչում են հասարակությանը, թե գործը հետաքննված է և բոլոր շեշտադրումներն արված են։ Մեղադրյալի դերում ներկայացված է այն ժամանակվա իշխանությունը, իսկ ընդդիմությանը՝ Լևոն Տեր-Պետրոսյանի գլխավորությամբ, քննությունը գիտակցաբար և կանխամտածված դիտարկում է բացառապես իբրև վկա և պատասխանատվության ենթարկել չի պատրաստվում։
Ապրիլի 25-ին Մարդու իրավունքների եվրոպական դատարանը մերժեց առաջին նախագահ Լ.Տեր-Պետրոսյանի հայցն ընդդեմ Հայաստանի՝ 2008 թվականին տեղաշարժման ազատության իրավունքի սահմանափակման վերաբերյալ։ Ինչպես հայտնի է, ՄԻԵԴ ներկայացրած բողոքում նա պնդում էր, թե երկրի իրավապահ մարմինները 2008 թվականի մարտի 1-ին իր կողմնակիցների հանրահավաքի ուժային ցրման ընթացքում ապօրինաբար պահել են իրեն Երևանի Ազատության հրապարակում և տարել են տուն, որտեղ փաստացի պահել են տնային կալանքի տակ…