Ադրբեջանը շտապում է Հայաստանին իր պայմաններով խաղաղության պայմանագրի ստորագրման հարցում, ինչը բացատրում է Բաքվի ռազմատենչ հռետորաբանության և կոշտ հայտարարությունների ուժեղացումը: Sputnik Արմենիայի հետ զրույցում նման կարծիք հայտնեց ռուսաստանցի քաղաքագետ Ռոբերտ Ուստյանը։
ՄԱԿ-ի Կլիմայի փոփոխության համաժողովը՝ COP29-ը, անցկացվելու է Ադրբեջանում նոյեմբերի 11-ից 22-ը։ Հաշվի առնելով Ադրբեջանի կողմից միջազգային նորմերի և իրավունքների շարունակական ոտնահարումներն ու բնապահպանության ոլորտում բացասական վարքագիծը՝ նման համաժողովի անցկացումը Բաքվում քննադատությունների մեծ ալիք է բարձրացրել տարբեր երկրներում:
Ռուս քաղաքագետ Եվգենի Սատանովսկին Alpha News-ի հետ զրույցում անդրադարձել է հայ-ռուսական հարաբերություններին և Ռուսաստանի դերին Հայաստան-Ադրբեջան բանակցություններում։
ՆԱՏՕ-ի պաշտպանության նախարարները, հաջորդ շաբաթ պատրաստվում են քննարկել և վերանայել Ռուսաստանի հետ կապված՝ Հյուսիսատլանտյան դաշինքի նոր ռազմավարությունը: ՆԱՏՕ-ում կարծում են, որ նախկին քաղաքականությունը հնացած է և չի արտացոլում հարաբերությունների ներկայիս իրավիճակը։
ԱՄՆ-ն պատրաստել է Թուրքիայի փլուզման սցենարը, որը կարող է գործի դնել արևմտյան աշխարհում հակասությունների և գլոբալիստական երկու կենտրոնների՝ Վաշինգտոնի և Լոնդոնի միջև հակամարտության ֆոնին: Նման կարծիք է հայտնել ռուսաստանցի արևելագետ Կարինե Գևորգյանը Երևանում «Ռուսական տան» կազմակերպած «Ավանդույթներից դեպի անվտանգություն» համաժողովում:
ԵՄ արտաքին գործերի նախարարների խորհրդի նիստի ընդառաջ տեղի է ունեցել Նիդեռլանդների խորհրդարանի արտաքին հարաբերությունների հանձնաժողովի նիստ, որին մասնակցել է Նիդեռլանդների ԱԳ նախարար Կասպար Վելդկամպը։
Թուրքիայի տրանսպորտի նախարարը մի աղմկահարույց հայտարարություն է արել՝ ասելով, որ Հայաստանի հետ կա զարգացում, որը մոտ օրերս հայտնի կդառնա։ Այս թեմայի շուրջ Alpha News-ն ուղիղ եթերում զրուցել է քաղաքական մեկնաբան Հակոբ Բադալյանի հետ։
Ադրբեջանական հիմնական քարոզչական կանալներից մեկը երեկ բացականին սադրիչ ու վտանգավոր «արտահոսք» էր հրապարակել, որի ողջ իմաստն այն է, որ Հայաստանը ՆԱՏՕ-ի դրդմամբ նոր հարձակում է նախապատրաստում Ադրբեջանի դեմ, որի նպատակը նոր տարածքներ գրավելն է ու դա հետագայում ադրբեջանական մխրճված հատվածների հետ փոխանակելը:Այս մասին իր ֆեյսբուքյան էջում գրել է ԱԺ Պատիվ ունեմ խմբակցության քարտուղար Տիգրան Աբրահամյանը:
Սոցցանցերում և լրատվամիջոցներում համառ լուրեր են շրջում, որ վերջերս Իտալիա կատարած այցի ընթացքում Երևանի քաղաքապետ Տիգրան Ավինյանը ջանադրաբար հանդիպում է փնտրել Հենրիխ Մխիթարյանի հետ: Հաղորդվում է, մասնավորապես, որ սպառելով պաշտոնական ուղիները՝ Ավինյանը դիմել է ֆուտբոլիստի մերձավոր շրջապատի օգնությանը, սակայն բոլոր փորձերն ապարդյուն են եղել: Ըստ աղբյուրների, Հենրիխի պատասխանը հստակ էր և միանշանակ. ՀՀ ներկայիս իշխանությունների հետ՝ ոչ մի հանդիպում, և «կարող եք փոխանցել սա բոլորին»:
Հայաստանի և Ադրբեջանի միջև պետական սահմանի սահմանազատման հանձնաժողովի կանոնակարգի վերաբերյալ ՀՀ Սահմանադրական դատարանի որոշմանը 8 դատավորներ են մասնակցել, որոնցից միայն մեկը՝ Հրայր Թովմասյանն է մեծամասնությանը բացասական հատուկ կարծիք ներկայացրել, շեշտելով՝ Սահմանադրական դատարանն իրավասու չէր նման որոշում կայացնել առհասարակ։ Sputnik Արմենիայի հետ զրույցում սահմանադրագետ Վարդան Պողոսյանը նշեց՝ դրա համար հիմք է հանդիսացել այն հանգամանքը, որ կանոնակարգի վերջին՝ յոթերորդ կետը ներպետական ընթացակարգերի, այլ ոչ թե ուղղակիորեն միջազգային պայմանագրի վավերացման մասին է։