Պակիստանը պատրաստ է դադարեցնել Հնդկաստանի հետ ռազմական հակամարտությունը, եթե Նյու Դելին նույնպես համաձայնի դա անել, հայտարարել է Իսլամական Հանրապետության պաշտպանության նախարար Խավաջա Ասիֆը։ «Վերջին երկու շաբաթների ընթացքում մենք մշտապես հայտարարել ենք, որ երբեք թշնամական գործողություններ չենք ձեռնարկի Հնդկաստանի դեմ։ Սակայն, եթե մեզ վրա հարձակվեն, մենք կպատասխանենք։ Եթե Հնդկաստանը նահանջի, մենք անպայման կդադարեցնենք այս լարվածությունը», - ասել է Ասիֆը Bloomberg TV-ին տված հարցազրույցում։

Հնդկաստանի հրթիռային հարվածների վնասի նախնական գնահատականը ցույց է տալիս, որ Պակիստանի վերահսկողության տակ գտնվող տարածքում Հնդկաստանի հրթիռային հարվածների հետևանքով զոհվել է առնվազն երեք, վիրավորվել՝ն 12 մարդ, հաղորդում է The Guardian-ը՝ վկայակոչելով Պակիստանի զինված ուժերի ներկայացուցչին։

Պակիստանը 48 ժամով փակել է իր օդային տարածքը, ինչի հետևանքով դադարեցվել են բոլոր ներքին և միջազգային չվերթները, հաղորդում է Samaa գործակալությունը։

Հնդկաստանի զինված ուժերը հայտարարել են, որ «Սինդուր» գործողության շրջանակում հարվածներ են հասցրել Պակիստանում և Պակիստանի կողմից օկուպացված Ջամմու և Քաշմիր շրջանում տեղակայված ինը թիրախների, հաղորդում է The Guardian-ը։

Վաշինգտոնի քաղաքային խորհուրդը Հայոց ցեղասպանության 110-րդ տարելիցին նվիրված միաձայն բանաձև է ընդունել՝ վերահաստատելով ապագա սերունդներին կրթելու կարևորությունը՝ նման վայրագությունների կրկնությունը կանխելու համար։ Դրա մասին ասված է Ամերիկայի «Հայ Դատի» հանձնախմբի (ANCA) հայտարարության մեջ։

Եմենի հյուսիսում իշխող «Անսար Ալլա»(հութիներ) շիական շարժումն ու ԱՄՆ-ն Օմանի սուլթանության միջնորդությամբ պայմանավորվել են հրադադար ձեռք բերելու մասին: Այս մասին Օմանի ԱԳՆ ներկայացուցիչը հայտնել է Х սոցցանցում։

Բաքվում շարունակվում Արցախի նախկին պետնախարար, բարերար Ռուբեն Վարդանյանի «դատավարությունը»:

ԱՄՆ-ում հունական և հրեական կազմակերպությունները հայտարարություններ են տարածել՝ Վաշինգտոնին կոչ անելով Թուրքիային զրկել F-35 կործանիչների ծրագրիր մուտք գործելու թույլտվությունից։

ՀՀ վիճակագրական կոմիտեն հայտնում է, որ 2025 թվականի առաջին եռամսյակում Հայաստանում կոնյակի արտադրությունը նվազել է գրեթե 40%-ով՝ հասնելով 3 միլիոն 249 հազար լիտրի (100% սպիրտի պարունակությամբ): Այս մասին հայտնում է ՀՀ վիճակագրական կոմիտեն: