Կապանում Ռուսաստանի գլխավոր հյուպատոսություն բացելու հարցը քննարկման փուլում է: Այս մասին հայտնում է ՀՀ արտգործնախարարությունը` պատասխանելով Sputnik Արմենիայի գրավոր հարցմանը։

Այս պահին ոստիկանության և Հակակոռուպցիոն կոմիտեի աշխատակիցները խուզարկություն են իրականացնում Գյումրիի «Մայր Հայաստան» դաշինքի գրասենյակում՝ ակնհայտորեն խոչընդոտելով մեր աշխատանքները: Այս մասին հայտնում են դաշինքի գրասենյակից:

Մարտի 26-ին` տեղական ժամանակով ժամը 23:43-ին (Գրինվիչի ժամանակով` ժամը 19։43-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 41.15⁰ և արևելյան երկայնության 43․87⁰ աշխարհագրական կոորդինատներով Հայաստան-Վրաստան սահմանային գոտի՝ Բավրա գյուղից 6 կմ հյուսիս-արևելք, օջախի 10 կմ խորությամբ 2․3 մագնիտուդով երկրաշարժ։ Այս մասին հայտնում է ՆԳՆ Փրկարար ծառայությունը։

ԱՄՆ պետքարտուղար Մարկո Ռուբիոն հայտարարել է, որ Սաուդյան Արաբիայում հանդիպումների արդյունքում պայմանավորվածություն է ձեռք բերվել ուկրաինական հակամարտության ընթացքում «հրադադարի» ընդլայնման սկզբունքների վերաբերյալ: Նրա խոսքերը մեջբերում է ՌԻԱ Նովոստին։

Ադրբեջանի կողմից հրադադարի խախտումների վերաբերյալ կեղծ տեղեկությունների միտումնավոր տարածումը և դրա վերաբերյալ անհիմն մեղադրանքները պարզապես ճշմարտությունը խեղաթյուրելու փորձեր չեն. դրանք հնարավոր ռազմական էսկալացիայի մտահոգիչ նախանշաններ են։ Այս մասին Վիեննայում ԵԱՀԿ մշտական խորհրդի հատուկ նիստում ասել է ՀՀ ԱԳ նախարարի տեղակալ Ռոբերտ Աբիսողոմոնյանը։

Ֆրանսիան Ուկրաինային ռազմական օգնության նոր փաթեթ է կտրամադրի: Դրա չափը կազմում է 2 միլիարդ եվրո, ըստ РБК-Украина-ի՝ հայտարարել է Ֆրանսիայի նախագահ Էմանուել Մակրոնը ուկրաինացի գործընկեր Վլադիմիր Զելենսկու հետ համատեղ մամուլի ասուլիսում։

ՀՀ նախկին նախագահների ներկայացուցիչները պատասխանել են Նիկոլ Փաշինյանին, որն ԱԺ ամբիոնից հայտարարեց, որ կարող է Լեռնային Ղարաբաղի շուրջ բանավեճի ընթացքում նախագահներին «պատերով տալ»։

Հայաստանի ժուռնալիստների միությունը դատապարտել է ՊՊԾ աշխատակիցների պահվածքն ԱԺ–ում լրագրողների ակցիայի ժամանակ։ Այս մասին միությունը հայտարարություն է տարածել։

Արցախյան շարժումը դուք չեք սկսել, որ դուք դադարեցնեք. Շարժումը սկսել է Արցախի ժողովուրդը, Արցախն Ադրբեջանին բռնակցելու հաջորդ օրվանից։ Այս մասին, այսօր՝ մարտի 26-ին, ԱԺ-ում դիմելով վարչապետ Նիկոլ Փաշինյանին, հայտարարեց «Հայաստան» խմբակցության պատգամավոր Արթուր Խաչատրյանը: