ԵՊՀ ռեկտոր Հովհաննես Հովհաննիսյանը հրաման է ստորագրել ԵՊՀ ամբիոնի վարիչների մրցութային ընտրություն նշանակելու և անցկացնելու մասին: ԵՊՀ ժուռնալիստիկայի ֆակուլտետի տպագիր և հեռարձակվող լրատվամիջոցների ամբիոնը 2021թ նոյեմբերից վարիչ չունի, իսկ այժմ միակ թեկնածուն Նոր մեդիայի և հաղորդակցության ամբիոնի՝ ժամավճարով դասախոս, բանասիրական գիտությունների թեկնածու Տարոն Դանիելյանն է: Վերջինս հայտնի հանդիսավար է, թամադա: Նրա վարած հարսանեկան և այլ արարողությունների տեսանյութերը բազմաթիվ են:

Հայաստանի ամենամեծ ձեռնարկության՝ Զանգեզուրի պղնձամոլիբդենային կոմբինատի գործունեությունը, որով հպարտանում էին բոլորը, կասեցվել է։ Այս մասին «SYUNIK TV» մարզային հեռուստաալիքի հարցազրույցում ասել է ԶՊՄԿ գլխավոր տնօրեն, Geopromining ընկերությունների խմբի նախագահ Ռոման Խուդոլիյը։

Բաքվի դատարանում տեղի ունեցող հակահայ պրոցեսի ևս մեկ դրսևորում ցույց տվեց, որ Ադրբեջանում քաղաքական պատանդի կարգավիճակ ունեցող 23 հայերի ճակատագիրը փորձ է արվում օգտագործել Հայաստանի Հանրապետության դեմ: Այս մասին իր էջում գրել է ԱԺ «Պատիվ ունեմ» խմբակցության պատգամավոր Տիգրան Աբրահամյանը։

«59 ներման խնդրագրերից ՀՀ նախագահը 2024թ-ին բավարարել է միայն 1-ը, այսինքն` 2024թ-ին ներման խնդրագրերի բավարարման տոկոսը կազմել է` 1,7%»,-նման վիճակագրություն է հրապարակել փաստաբան Նարեկ Ալոյանը։

Զանգեզուրի պղնձամոլիբդենային կոմբինատի տնօրենությունը ընդհանուր աշխատավարձային ֆոնդն ավելացնելու է միջինը 20%-ով։ Տեղեկությունը հրապարակվել է ԶՊՄԿ–ի ֆեյսբուքյան էջում։

Դիտարկվում է ոչ մասնագիտական քաղաքականություն հարկային դաշտում, որն ի վնաս մեզ է՝ տնտեսվարողների: Այս մասին, այսօր՝ փետրվարի 10-ին, կառավարության դիմաց հարկային բեռի ավելացման դեմ ակցիայի ժամանակ ասաց վիրաբույժը-ստոմատոլոգ, ռազմական բուժակ Հովհաննես Գևորգյանը, որն ունի ստոմատոլոգիական կլինիկա:

Կառավարության շենքի դիմաց այս պահին հերթական բողոքի ակցիան են իրականացնում շրջանառության հարկի փոփոխությունից դժգոհ տնտեսվարողները: Նրանք նշում են, որ հունվարի 1-ից ուժի մեջ մտած այս փոփոխությունը մի քանի անգամ ավելացրել է իրենց հարկային բեռը, ինչի հետևանքով կարող են լուրջ խնդիրների առաջ կանգնել։ Մասնավորապես, շրջանառության հարկը 5 տոկոսից դարձել է 10 տոկոս:

Փաստաբաններն այսօր հրաժարվել են դատարան մտնել, այցելել քննչական մարմիններ։ Բողոքի գործողության պատճառը դարձյալ հարկային փոփոխություններն են, որոնց հետևանքով տուժելու են իրավաբանական օգնության դիմած քաղաքացիները։

ՀՀ վարչապետ Նիկոլ Փաշինյանին պաշտոնական հրավեր է փոխանցվել Մոսկվայում կայանալիք Հաղթանակի օրվա միջոցառումներին մասնակցելու համար։ ՌԻԱ Նովոստիին տված հարցազրույցում հայտնել է Երևանում ՌԴ դեսպան Սերգեյ Կոպիրկինը։