Հայոց ցեղասպանության մասին իր հայտարարություններով ՀՀ վարչապետը ջուր է լցնում թշնամու ջրաղացին։ Այս մասին CILICIA TV-ի հետ զրույցում ասել է Մեծի Տանն Կիլիկիո կաթողիկոս Արամ Առաջինը։

ԱՄՆ նախագահ Դոնալդ Թրամփը ցավակցություն է հայտնել Վաշինգտոնում ավիավթարի հետևանքով ռուսաստանցիների մահվան կապակցությամբ:

Ցյուրիխի Հայ ակադեմիականների միությունը (Armenian Academics Zurich)ը միանում է Շվեյցարիայի Հայկական և Հայամետ Միությունների Խորհրդի (CAAS) -ի դատապարտող հայտարարությանը և իր կողմից պահանջում ՀՀ վարչապետի պաշտոնը զբաղեցնող Նիկոլ Փաշինյանից հանրայնորեն ներողություն խնդրել իր հակազգային եւ մոլորեցնող արտահայտությունների համար։ Հայոց ցեղասպանության ցանկացած շահարկում և խեղաթյուրում չպետք է մնա անհետևանք։

ԵԱՏՄ երկրների համախառն ՀՆԱ-ն 2024 թվականին, ըստ նախնական տվյալների, աճել է մոտ 4 տոկոսով։ Ինչպես հաղորդում է Ղազախստանի կառավարության մամուլի ծառայությունը, այսպիսի տվյալներ են ներկայացվել Ալմաթիում կայացած Եվրասիական միջկառավարական խորհրդի նեղ ձևաչափով նիստի ժամանակ:

Գեղարքունիքի մարզի առաջին ատյանի դատարանը արդարացրել է գյումրեցի իրավապաշտպան Կարապետ Պողոսյանին։

Հինգշաբթի օրը՝ հունվարի 30-ին, ՌԴ Պետդուման դիմում է հղել ԱՄՆ Կոնգրեսին՝ կապված ԱՄՆ նախկին նախագահ Ջո Բայդենի և նախկին պետքարտուղար Էնթոնի Բլինքենի կողմից Ռուսաստանի Դաշնության նախագահ Վլադիմիր Պուտինի սպանության կազմակերպման քննարկման մասին տեղեկությունների հետ: Փաստաթուղթը նաև ուղարկվել է Միավորված Ազգերի Կազմակերպություն (ՄԱԿ)՝ ինչպես նշվում է Ռուսաստանի Պետական Դումայի հաղորդագրության մեջ։

ՀՀ ԱԱԾ–ն չի զբաղվում 1990-ականների պատերազմի ժամանակ անհետ կորածներով։ Այս մասին լրագրողների հետ զրույցում ասաց «Անհայտ կորած ազատամարտիկների հարազատների խորհուրդ» ՀԿ–ի ներկայացուցիչ, 1992 թվականին անհետ կորած Շահեն Առաքելյանի մայրը` Ռիմա Առաքելյանը:

ԵՄ խորհուրդը երկու տարով երկարացրել է Հայաստանում ԵՄ առաքելության մանդատը՝ 44 միլիոն եվրո բյուջեով: Այս մասին հայտնում է Խորհրդի մամուլի ծառայությունը։

Ազգային ժողովում մեկնարկել է 44-օրյա պատերազմում անհետ կորած զինծառայողների հարազատների մասնակցությամբ փակ քննարկումը։