ՀՀ վարչապետ Նիկոլ Փաշինյանը Ռուսաստանի նախագահ Վլադիմիր Պուտինի հետ հեռախոսազրույցի ժամանակ պարզաբանել է Եվրամիության հետ հարաբերությունների համատեքստում Երևանի վերջին քայլերի հետ կապված իրավիճակը, ՌԴ ղեկավարը տվել է համապատասխան մեկնաբանություններ և գնահատականներ: Այս մասին հայտնում է Կրեմլի մամուլի ծառայությունը։

Ֆիզիկական անձանց եկամուտների հայտարարագրման համակարգն այս պահին դեռ չի գործում։ Ինչպես Sputnik Արմենիային տեղեկացրին ՀՀ պետական եկամուտների կոմիտեից` այս պահին համակարգը վերազինվում է այն անձանց տվյալների բազայով, որոնք այս տարի պիտի հայտարարագիր ներկայացնեն 2024 թվականի` եկամուտների մասին։

Հայ գործարարների ասոցիացիայի և «Տաշիր» ընկերությունների խմբի նախագահ Սամվել Կարապետյանն իր զորակցությունն է հայտնել Արցախի նախկին առաջնորդներին և Ադրբեջանում պահվող մյուս գերիների։ Նա կոչ է արել միավորել ջանքերը նրանց աջակցելու համար:

Իրանի նախագահ Մասուդ Փեզեշքիանը ժամանել է Մոսկվա։ Ինքնաթիռը վայրէջք է կատարել «Վնուկովո - 2» օդանավակայանում։

ԱՄՆ Պետքարտուղարության խոսնակ Մեթյու Միլերը հայտարարել է, որ Վրաստանի իշխող «Վրացական երազանք» կուսակցությունը երկիրը տանում է դեպի մեկուսացում իր վարած քաղաքականության պատճառով։ «Արմենպրես»-ի փոխանցմամբ՝ այս մասին Միլերը գրել է X սոցիալական հարթակում:

Հայ գործարար և բարերար, «Flagship Pioneering» ընկերության հիմնադիր ու գործադիր տնօրեն Նուբար Աֆեյանն անդրադարձել է Լեռնային Ղարաբաղի նախկին պետնախարար Ռուբեն Վարդանյանի նկատմամբ Բաքվում հարուցված ապօրինի և շինծու դատական գործընթացին՝ կոչ անելով զգոն լինել՝ խուսափելու համար Վարդանյանի նկատմամբ գրոտեսկային անարդարությունից։

Շատ ավելի հավանական է, որ մեր գերիների հարցը լուծվի մարսեցիների կամ Լատինական Ամերիկայի մի փոքրիկ երկրի միջամտությամբ, քան թե Նիկոլ Փաշինյանը մատը մատին կխփի և կօգնի այն մարդկանց, ովքեր այս պահին գտնվում են Բաքվի բանտում, Aysor.am-ի հետ զրույցում, անդրադառնալով Բաքվի բանտում գերության մեջ գտնվող Ռուբեն Վարդանյանի երեկվա նամակին, ասաց իրավապաշտպան Ռուբեն Մելիքյանը։

Վրաստանը Ադրբեջանին և Հայաստանին եռակողմ համագործակցություն է առաջարկում տարբեր ոլորտներում։ Բաքվում տնտեսական համագործակցության վրաց-ադրբեջանական միջկառավարական հանձնաժողովի նիստում այդ մասին հայտարարել է Վրաստանի վարչապետ Իրակլի Կոբախիձեն։

ՆԳ նախարարի տեղակալներ Արմեն Ղազարյանն ու Արմեն Մկրտչյանը հունվարի 15-ին ընդունել են ՀՀ-ում ԱՄՆ դեսպանատան Թմրամիջոցների դեմ պայքարի և իրավապահ համագործակցության գրասենյակի տնօրեն Զաքարի Բարթերի գլխավորած պատվիրակությանը։