Ադրբեջանական SOCAR պետական նավթային ընկերությունը հերքել է հայկական մամուլում տարածված այն տեղեկությունը, որ ցանկանում է ձեռք բերել Հայաստանի Արարատի մարզի բիտումի գործարանը, հաղորդում Է Sputnik Արմենիան: Ադրբեջանական լրատվամիջոցները գրում են, որ ընկերության ներկայացուցիչ Իբրահիմ Ահմեդովն ասել է, թե նման ենթադրություններն անհեթեթ են՝ «հաշվի առնելով SOCAR-ի մասշտաբները»: «SOCAR-ը Հայաստանում բիտումի գործարանի կարիք չունի և ընդհանրապես շահեր չունի այդ երկրում»,- ասել է Ահմեդովը:

Այլընտրանքային նախագծեր խմբի փորձագետ Վահե Հովհաննիսյանն անդրադարձել է Արմեն Սարգսյանի քաղաքացիության վերաբերյալ «Հետք» պարբերականի հրապարակած տեղեկություններին ու դրան հաջորդած Փաշինյանի արձագանքին.

Հայաստանի և Ադրբեջանի զորքերի` Սյունիքի հատվածում հայելային կերպով հետ քաշելու պարագայում Շուռնուխի, Որոտանի, Բարձրավանի մասով ունենալու ենք շատ ավելի վատ իրավիճակ: Խորհրդարանական ճեպազրույցների ժամանակ նման կարծիք հայտնեց ԱԺ «Պատիվ ունեմ» խմբակցության պատգամավոր Տիգրան Աբրահամյանը` պատասխանելով հարցին, թե ի՞նչ կարծիք ունի վարչապետ Նիկոլ Փաշինյանի առաջարկի առնչությամբ, որ Սյունիքում պետք է զորքերը հայելային եղանակով հետ քաշվեն:

«Փաստ» թերթը գրում է. «Հայաստանի Հանրապետության արտաքին գործերի նախարարության՝ «Փաստ» թերթի աղբյուրների փոխանցմամբ, նախնական տեղեկություններով, հայ-թուրքական հարաբերությունների հարցերով բանագնացների հաջորդ հանդիպումը կարող է տեղի ունենալ փետրվարի կեսերին, այս անգամ՝ Ստամբուլում։ Ի դեպ, ըստ նույն աղբյուրի, առաջին հանդիպումից հետո Ռուբեն Ռուբինյանն իր այցի հետ կապված արդյունքներն ու ողջ տեղեկատվությունը, բնականաբար, միանգամից փոխանցել է Նիկոլ Փաշինյանին և միայն նրա հետ հանդիպումից հետո, նրա ուղղորդմամբ ու գիտությամբ է տեղեկության որոշակի չափաբաժին տրամադրել ԱԳՆ համապատասխան կազմին։

Փաշինյանն արդեն երկրորդ ինքնաասուլիսն է տալիս՝ ագրեսիվորեն քարոզելով թուրք–ադրբեջանական նախապայմանների բավարարման օգտին։ Այս մասին ֆեյսբուքյան իր էջում գրել է ԱԺ «Հայաստան» խմբակցության պատգամավոր Անդրանիկ Թևանյանը՝ անդրադառնալով կայացած առցանց ասուլիսում ՀՀ վարչապետ Նիկոլ Փաշինյանի՝ Արցախյան հակամարտության բանակցային գործընթացի և Հայաստան-Թուրքիա ընթացող բանակցությունների վերաբերյալ հնչեցրած դիրքորոշումներին։

Բացառված չէ, որ Նիկոլ Փաշինյանը դիմի իր ոճին և սկսի մերկացնել հրաժարական ներկայացրած նախագահ Արմեն Սարգսյանին։ Այս մասին հունվարի 24-ին News.am-ի թղթակցի հետ զրույցում ասաց ռուս քաղաքագետ, Մերձավոր Արևելքի և Կովկասի երկրների հիմնախնդիրների փորձագետ Ստանիսլավ Տարասովը։

Նախագահ Արմեն Սարգսյանի հրաժարականը կարող է կապված լինել այն գործընթացների հետ, որոնք պաշտոնական Երևանը սկսել է Թուրքիայի և Ադրբեջանի հետ։ Այս մասին ՏԱՍՍ գործակալությանն ասել է քաղաքագետ, «Ոսկանապատ» վերլուծական կենտրոնի ղեկավար Հրանտ Մելիք-Շահնազարյանը։

ԱԺ «Պատիվ ունեմ» խմբակցության անդամ Տիգրան Աբրահամյանը գրում է.

Ադրբեջանական նավթային «SOCAR» ընկերությունը Սուրենավանում գտնվող հայ-ռուսական բիտումի գործարանը գնելու բանակցություններ է վարում վրացի միջնորդների օգնությամբ։ Տեղեկությունը հայտնում է «Հրապարակ» թերթը։