2020-12-21 21:34
Ашот АРАМЯН
0
ԱՐՏՈՆԱԳՐՎԱԾ… ԻՄՊՈՏԵՆՑԻԱ
Ինչո՞վ են կառավարությունում, մի հարցնող լինի, պատրաստվում «կայտառացնել» բիզնեսը
Հայրենի տնտեսության փրկությանն ուղղված անհետաձգելի գործողությունները, իշխանությունների պատկերացմամբ, սահմանափակվում է Հայաստանում տնտեսական զարգացման համար բարենպաստ մթնոլորտ ստեղծելու հերթական բարի ցանկությամբ, ինչն արտացոլված է Նիկոլ Փաշինյանի փառահեղ «ճանապարհային քարտեզում»՝ բաղկացած ամբողջ 15 կետերից։ Ի՞նչ է սա. անզորություն, բացարձակ անտեղյակություն տնտեսության ծանր վիճակի և է՛լ ավելի ծանր հետևանքների մասին, թե՞ ներկայիս իշխանությունների համար սովորական դատարկախոսություն ու մանիպուլյացիա...
Փաշինյանի ապիկար թիմի կառավարկան շրջանում սահմանի վրա գազի գնի թանկացումից և այնուհետ, մասնավորապես, ջերմոցային տնտեսությունների և վերամշակող ձեռնարկությունների համար արտոնյալ սակագների վերացումից հետո՝ հաջորդ տարվա փետրվարի 1-ից բիզնեսի համար կաճեն նաև էլեկտրաէներգիայի սակագները. 1 կվտ/ժ-ի դիմաց 3 դրամով: Իսկ էներգակիրների թանկացումը, ինչպես հայտնի է, իր հետևից տանում է նաև շուկայի գնային ողջ կոնյունկտուրան, այնպես որ միայն խելագարը կարող է նման պայմաններում ինչ-որ բան բարբաջել բիզնեսի համար բարենպաստ մթնոլորտի մասին։ Եվ նա, ըստ էության, բարբաջում է, ընդ որում ոգևորվելով էկոնոմիկայի իր նախարար Վահան Քերոբյանի պատկերած հեքիաթային հեռանկարներից։
Երկրում գների հետագա աճն անխուսափելի է, ինչը դրամական միջոցներից պարզապես զուրկ բնակչության առանց այդ էլ ցածր սպառողական ակտիվության պայմաններում կարող է հանգեցնել բիզնես-գործունեության բացարձակ կաթվածահարության և խորքային սոցիալական աղետի։ 2018-ի «թավշե» պետհեղաշրջումից և «տնտեսական հեղափոխության» հայտարարումից հետո նույն այդ տնտեսությունից կմնան լոկ ծվեններ ու պատառիկներ։ «Կայտառացնել» բիզնեսը ներկայիս իշխանություններին չի հաջողվի հաստատապես, նամանավանդ արժութային փոխարժեքի բարձր փոփոխականության պայմաններում։
Փաշինյանի կառավարությունը, այլընտրանքի բացակայության պարագայում, պարզապես խոնարհաբար թաղվում է պարտքերի մեջ, որպեսզի տարրականորեն ջրի երեսին պահի տնտեսությունն ու սոցիալական ոլորտը։ Իսկ նորանոր պարտքեր անելու համար, համաձայնեք, առանձնակի խելք պետք չէ, մանավանդ որ պարտքերը վերադարձնողն ամենևին էլ իրենք չեն լինելու։
Ահագնացող ճգնաժամից դուրս գալու համար նոր, ոչ ստանդարտ գաղափարների և մշակումների ստեղծումը «հեղափոխական» իշխանության գործունեության, մեղմ ասած, ամենաուժեղ կողմը չէ, որը սովոր չէ ավարտին հասցնել իր իսկ նախաձեռնություններից որևէ մեկը։ Իներցիան Փաշինյանի ու իր թիմի տարերքն է։ Իշխանությունների կողմից բուծված «պողոսների» մի ամբողջ խավի համար արտահայտվենք ավելի պարզ. ներկայիս վայ-ղեկավարների համար շատ ավելի հարմար ու հարմարավետ է լողալ այնտեղ, ուր քամին է փչում (տվյալ դեպքում՝ դեպի անդունդ)։ Կներեք, բայց դա ջրափոսում լողացող կղանքի օբյեկտիվ հատկանիշն է։
Ի հայտ է գալիս, օրինակ, երկրի արժութային եկամուտն ապահովող արտահանման ծավալների կտրուկ ավելացման հարցը։ Ի՞նչ են անում իշխանություններն այսօր դրա համար։ Բացարձակապես ոչի՛նչ։ Ինչպես որ ոչինչ չեն արել այդ առումով նախորդ 2,5 տարիների ողջ ընթացքում։ Այսօր հրատապ կարելի է համարել նաև վճռական քայլերը տեղական ապրանքների մրցունակության բարձրացման ուղղությամբ, առաջին հերթին՝ պարենայինի, ներկրման փոխարինման միջոցառումների մշակումը։ Եվ կրկին՝ զրո։ Դարձյալ հղում են կատարում «նախկիններին», բայց դա, այդ հղումը, այլևս չի գործում, քանզի նախորդ կառավարությունը՝ Կարեն Կարապետյանի գլխավորությամբ, մեծ դժվարությամբ այնուամենայնիվ հասել էր արտահանման աճի տեմպերի գերակշռությանը ներկրման համեմատ և, համապատասխանաբար, երկրի արտաքին առևտրային հաշվեկշռի աստիճանական շտկմանը։ Հասել էր և «ժառանգել» այդ կարևոր ձեռքբերումը Փաշինյանի խեղկատակներին, որոնք կարճ ժամանակահատվածում իսպառ զրոյացրեցին այդ ձեռքբերումը և ամեն ինչ «վերադարձրեցին ի շրջանս յուր»։
Փաշինյանի կառավարության և, մասնավորապես, դրա կազմում ձևավորված բարձր տեխնոլոգիական արդյունաբերության նոր նախարարության աննախադեպ ձեռքբերումների մասին ավելի լավ է լռենք. Մեր փոխարեն ամեն ինչ ասաց պատերազմը։ Ժամանակին լայնորեն ծանուցված ծրագրերը՝ Հայաստանում ինքնաձիգների և ականանետների արտադրություն ստեղծելու վերաբերյալ, եթե անգամ իրականացել են, ապա «Սմերչների» և «Բայրաքթարների» դեմ անօգուտ են գտնվել։ Գուցե նախարար Հակոբ Արշակյանը գոնե այսօր մտահոգվի՞ վերջապես ավելի հեռանկարային մշակումներով (մանավանդ որ ոչ այնքան վաղուց հայտարարվում էր մեր ռազմարդյունաբերական համալիրի կողմից ինչ-որ հրաշք զինատեսակի ստեղծման մասին, որը, իշխանությունների հավաստմամբ, կխլխլեն աշխարհի ամենաառաջավոր երկրների բանակները)։ Թե՞ այնուամենայնիվ ավելի հարմար է շարունակել լողալ հոսանքն ի վար, ինչպես... դե, ինքներդ էլ գիտեք, թե ինչը:
ПОСЛЕДНИЕ ОТ АВТОРА
-
2024-11-22 09:32Пашинян, наконец, догадался, что информация, которой его бережно вскармливают подчиненные, сильно приукрашена и мало соприкасается с действительностью. К примеру, ему доложили, что в таком-то селе детсад откроется в октябре, и он обещал это жителям и еще и написал об этом в соцсетях, но уже ноябрь на исходе, а детсад не работает. «Получается, что я солгал», - заявил премьер. Это дало ему повод на заседании правительства 21-го ноября пригрозить тем, кто даст ему ошибочную, непроверенную информацию, что отныне они будут нести за это личную ответственность…
-
2024-11-21 10:22Неродившихся телят обменяли на пчел, а российским свиньям поставили шлагбаум Судя по вынесенным на заседание правительства 21 ноября вопросам, различные министры продолжают терзать многострадальный госбюджет на этот год, внося в него многочисленные поправки, перераспределения, дополнения и изменения. Спрашивается, зачем тогда принимать бюджет, который после этого, между прочим, становится законом, если к концу срока его действия он становится практически неузнаваемым…
-
2024-11-20 10:15В Ереване наградили победителей международной олимпиады по микроэлектронике 18 ноября Ереван принял 34-х участников (из них 10 представляли Армению) финального этапа 19-й ежегодной международной олимпиады по микроэлектронике из 16-ти стран. А всего в борьбу за призы на первоначальном этапе включились 332 студента из США, ОАЭ, Бразилии, Израиля, Италии, Ливана, Иордании, Чили, Португалии, России, Сербии, Вьетнама, Франции, Шри-Ланки, Перу и, конечно же, из Армении. В тот же день были подведены итоги и объявлены победители проведенного 15-го ноября в Учебном департаменте ЗАО «Синопсис Армения» финального этапа…
-
2024-11-19 09:19Армения выпала из одного МТК, на очереди – другой? Кажется, уже всем ясно, что, скорее, ад замерзнет, чем бакинский диктатор устранит «кольца анаконды», удушающие Армению. Всем, у кого коэффициент умственного развития находится на уровне несколько выше комнатной температуры. Увы, к их числу никак не отнесешь абсолютное большинство представителей действующей власти и лично Пашиняна, которые безосновательно еще на что-то надеются…
ПОСЛЕДНЕЕ ПО ТЕМЕ
-
2022-02-16 19:49Գերակա ոլորտները հետադիմում են Մեկ տարի առաջ հերթական նիստում Հայաստանի կառավարությունը հաստատեց երկրի տնտեսության վերականգնման ծրագիրը՝ մինչև 2024 թվական վերջնաժամկետով: Այդ ծրագրի և դրա հիմնական առաջնահերթությունների մասին ժամանակին շատ է խոսվել ու գրվել։
-
2021-12-24 08:59Իշխանության գալու առաջին իսկ օրվանից Փաշինյանը սկսեց նպատակաուղղված ոչնչացնել ենթակառուցվածքները, պետական կառավարման համակարգերը, այդ թվում՝ տնտեսական։ Իսկ այսօր կառավարությունն ու մենք բոլորս քաղում ենք նման անհեռատես, եթե ավելի կոպիտ չասենք, որոշման պտուղները…
-
2021-05-26 20:23Առաջին հայացքից բավական զարմանալի է, որ առաջիկա արտահերթ ընտրություններին պատրաստվում են մասնակցել այդքան մեծ թվով քաղաքական ուժեր ու գործիչներ։ Թվում է, բնավ ոչ բոլորն են կարող խիզախել հանձն առնել պատասխանատվությունը Հայաստանի ճակատագրի համար՝ գրեթե բոլոր ոլորտներում տիրող բացարձակ բարդակի, պետականության փաստացի կորստի, կառավարման համակարգի լիակատար փլուզման, սոցիալ-տնտեսական կաթվածահարության պայմաններում։
-
2021-05-07 17:05Իշխանավարման 3 տարիների արդյունքում Փաշինյանի թիմը ցույց տալու ոչինչ չունի Ի՞նչ բան է առհասարակ տնտեսությունը: Դա, ներեցեք ծեծված բնորոշման համար, երկրում ամեն օր արտադրվող բոլոր ապրանքների և ծառայությունների ամբողջությունն է։ Մեր երկրի տնտեսությունը բացառություն չէ։ Եվ ի՞նչ ունենք այսօր։