2021-03-05 18:53
Рубен МАРГАРЯН
0
ՄԱՆՏՐԱՆԵՐ ՈՉ ՄԻ ԲԱՆԻ ՄԱՍԻՆ
Այնուամենայնիվ արժանին մատուցենք Փաշինյանին։ Գլուխ թլսորելու մեծ վարպետ է։ Նկատի ունենք Փաշինյանի պատճառաբանությունները իր հրաժարականի և արտահերթ ընտրությունների թեմայի առնչությամբ։ Իբր՝ ինքը համաձայն է, բայց իրեն պետք է խորհրդարանական ուժերի հուշագիրը։ Իբր՝ համաձայն է, բայց իրեն պետք է քաղաքական բոլոր ուժերի կոնսենսուս։ Իբր՝ համաձայն է, բայց պետք է լինի ժողովրդի կամքը։ Իբր՝ համաձայն է, բայց հարցերը չպետք է լուծվեն ծածուկ կերպով։ Եվ այլևայլ լյա-լյա-լյա…
ՆՈՒՅՆԻՍԿ ՈՐՈՇ ԼՐԱԳՐՈՂՆԵՐ ԿՈՒԼ ԵՆ ՏԱԼԻՍ ԱՅԴ ԽԱՅԾԸ։ Ավելին, իր թիմակիցներն անգամ հավատում են այդ «լյա-լյա-լյա»-ին։ Ահավասիկ Ավինյանը շեֆի օրինակով համոզված կրկնում է, թե իրենք դեմ չեն ընտրություններին, բայց հարցերը չպետք է լուծվեն գաղտնաբար, ամեն ինչ պետք է վճռի ժողովուրդը։ Եվ ոգևորությամբ կրկնում է այդ մանտրան։ Ասել է թե՝ դա է իրենց միակ տարաձայնությունն ընդդիմության հետ, որը չի ցանկանում, որ ժողովուրդը վճռի…
Ի՞նչ գաղտնիության մասին է առհասարակ խոսքը։ Ի՞նչ է պահանջում ընդդիմությունը։ Ընդդիմությունը պահանջում է ձախողված վարչապետի հրաժարականը։ Ընդ որում բոլորն էլ հասկանում են, որ վարչապետն իսկապես ձախողված է։ Այստեղ վիճելու բան կարծես թե չկա։ Նույնիսկ Փաշինյանն է խուսափում վիճել այդ թեմայի շուրջ. լավագույն բանը, որ մտահղացավ, այն էր, թե ինքը «գլխավոր պատասխանատուն է, բայց ոչ գլխավոր մեղավորը»։
Դե, ահա ուրեմն, եթե Փաշինյանն ընդունում է, որ իրավիճակն այսօր կտրուկ տարբերվում է 2018 թվականի դեկտեմբերից և թույլտվություն խնդրում՝ անկախ նրանից, թե ով է ինքը. գլխավոր պատասխանատուն, գլխավոր մեղավորը, թե գլխավոր տխմարը, ապա ամեն ինչ պարզ է։ Նա ընդունում է տասնյակ, եթե ոչ հարյուրավոր կառույցների և տասնյակ, եթե ոչ հարյուր հազարավոր քաղաքացիների պահանջն ու հրաժարական տալիս։ Այդ դեպքում, ինչպես հայտնի է, կա երկու տարբերակ կա։ Կա՛մ խորհրդարանն ընտրում է նոր վարչապետ, կա՛մ թեկնածուներից ոչ մեկը երկու անգամ չի հավաքում անհրաժեշտ թվով ձայներ և օրենքի ուժով նշանակվում են նոր ընտրություններ։ Այդ դեպքում գնում ենք արտահերթ ընտրությունների և ընտրում նոր խորհրդարան։
Էդմոն Մարուքյանն արդեն հայտարարել է, որ չի առաջադրելու իր թեկնածությունը։ Պետք է արժանին մատուցել նրան։ Վերջին շրջանում նրան շատ են քննադատում, բայց այսօր նա պահանջում է վարչապետի անհապաղ հրաժարականը և արտահերթ խորհրդարանական նոր ընտրություններ՝ հասկանալով, որ բնավ փաստ չէ, թե «Լուսավոր Հայաստանը» նման կատաղի մրցակցության պայմաններում կհայտնվի նոր խորհրդարանում։ Իսկ եթե անգամ հայտնվի, ապա սաստիկ կրճատված կազմով։ Այդուհանդերձ Մարուքյանը խոսում է անհետաձգելի ընտրությունների մասին՝ նախապատվությունը տալով պետական շահին. տեսնում է, թե ինչպես է օրեցօր խորանում հայկական պետության ճգնաժամը Փաշինյանի կառավարման օրոք, հապաղել չի կարելի։
ԵՎ ԱՅՍՊԵՍ, ՄԱՐՈՒՔՅԱՆԸ ՄՏԱԴԻՐ ՉԷ ԱՌԱՋԱԴՐԵԼ ԻՐ ԹԵԿՆԱԾՈՒԹՅՈՒՆԸ։ Գագիկ Ծառուկյանի «Բարգավաճ Հայաստան» կուսակցությունը Հայրենիքի փրկության շարժման մեջ միավորված 16 կուսակցությունների կազմում է։ Կուսակցություններ, որոնք պնդում են Վազգեն Մանուկյանի թեկնածությունը, և այդ պահանջին աջակցելու համար այսօր փողոց են դուրս գալիս տասնյակ հազարավոր մարդիկ։ Այսինքն ԲՀԿ-ն կարող է ԱԺ-ին առաջարկել Մանուկյանի թեկնածությունը։ Բայց որպեսզի վերջինս հաստատվի վարչապետի պաշտոնում, նրա օգտին պետք է քվեարկի ոչ միայն ընդդիմությունը, այլև իշխող խմբակցության պատգամավորների մոտավորապես կեսը։ Հենց այն խմբակցության, որի ներկայացուցիչները ամեն խաչմերուկում և հատկապես խորհրդարանի պատերի տակ համերաշխ ճղավում են, թե իրենք աշխարհի ամենալեգիտիմ պատգամավորներն են, քանի որ ժողովուրդն իրենց օգտին է քվեարկել 2018-ի դեկտեմբերին։ Այն խմբակցության, որը մարզերից ներկրված իր համախոհների հետ միասին վերջերս կրկին միաձայն դըմփ-դըմփ-հու էր գոչում մայրաքաղաքի գլխավոր հրապարակում։
Դե ինչ, եթե լեգիտիմորեն ճղավող այդ պատգամավորների մի մասը խորհրդարանական ընդդիմության հետ միասին քվեարկի Մանուկյանի օգտին, ապա ստացվում է, որ ժողովուրդը՝ և՛ այն, որը պահում է Բաղրամյան պողոտան, և՛ Հանրապետության հրապարակում դըմփ-դըմփ-հու գոչողը, իր ներկայացուցիչների միջոցով վարչապետ է ընտրել Մանուկյանին։ Իսկ եթե Մանուկյանն անհրաժեշտ թվով ձայներ չհավաքի, ապա բոլորս համերաշխ գնում ենք համաժողովրդական նոր քվեարկության՝ արտահերթ խորհրդարանական ընտրություններում։
Այսպիսով, Փաշինյանի հրաժարականի դեպքում ժողովուրդն այսպես թե այնպես իր խոսքը կասի։ Եվ Փաշինյանի ու Ավինյանի մանտրաները, որ նրանք կրկնում են միաբերան ու անգիր արած, դե, պարզապես ոչ մի բանի մասին են։ Վարչապետի հերթական ճղճղոցն է, որը ձգտում է հնարավորինս հետաձգել իր հրաժեշտը սիրելի աթոռին և նոր սիրելի տանը։
Հ.Գ.- Փաշինյանն ու Մարուքյանն իրենց քննարկումների ընթացքում առայժմ կոնսենսուսի չեն եկել արտահերթ ընտրությունների վերաբերյալ։ Բայց դա՝ լոկ առայժմ։ Մարուքյանն ասում է, որ հաշվարկել է. մայիսին կարելի է ընտրություններ անցկացնել։ Մաթեմատիկայի առումով Մարուքյանի մոտ ամեն ինչ կարգին է։
ПОСЛЕДНИЕ ОТ АВТОРА
-
2024-11-22 09:08Действующему президенту США Джозефу Байдену сегодня исполнилось 82. Редкий пример политического долголетия как свидетельство общего повышения уровня жизни и ее продолжительности. Однако запомнится Байден, некогда тоже любитель велопрогулок, не столько этим, сколько своим вкладом в противостояние Запада и России.
-
2024-11-20 12:53Хокку Овик складывает мандат. Плакала ипотека Овика, роняю и я скупую мужскую слезу…
-
2024-11-18 12:45Две новости взбудоражили армянскую общественность в последние часы минувшего уикенда. Одна новость - про парад отставок, уже состоявшихся и еще грядущих, в команде чиновников Пашиняна. Другая новость - про то, что уходящая администрация Байдена дала Зеленскому отмашку на удары американскими дальнобойными ракетами ATACMS вглубь российской территории. Позже добавилась информация, что Франция и Британия также «дали зеленый свет» на нанесение ударов вглубь РФ ракетами SCALP/Storm Shadow. Первую новость, про отставки в команде Пашиняна, пока оставим в покое, как менее существенную, тем более, что процесс отставок еще продолжается.
-
2024-11-16 13:53Сергей Лавров говорит, что Москва ждет предложений Дональда Трампа. Последний пока Путину не позвонил, это понятно: избранный президент Америки еще не вступил в должность, находится на стадии формирования своего правительства. Но вот круги от его заявлений о намерении побыстрее завершить войну на Украине расходятся достаточно быстро: Владимиру Путину уже позвонил Олаф Шольц.
ПОСЛЕДНЕЕ ПО ТЕМЕ
-
2022-05-02 19:27Սերժ Սարգսյանի հրաժարականը վերջի՞նն էր Երևանը վերածվել է ոստիկանական մեծ բաժանմունքի. յուրաքանչյուր 100 մետրը մեկ անցորդները բախվում են ոստիկանների և քաղաքացիներին բաժանմունքներ տեղափոխելու համար նախատեսված միկրոավտոբուսների կուտակումների։ Այդ ավտոբուսներում մարդկանց ենթարկում են ծեծի ու նվաստացումների։ 2011թ.-ին Հայաստանի խորհրդարանն ընդունել է աշխարհի ամենաառաջադեմ (եվրոպացի փորձագետների գնահատմամբ) օրենքներից մեկը՝ հավաքների, հանրահավաքների և երթերի քաղաքացիների իրավունքի մասին: Օրենքում ամրագրված է նույնիսկ չարտոնված ակցիաներին ոստիկանության միջամտության արգելքը, եթե դրանք խաղաղ բնույթ են կրում։
-
ԿՅԱՆՔԻ ՏԵՐԵՐԸ, ԿԱՄ՝ ՄԱՅՐԱՔԱՂԱՔԱՅԻՆ ՄՈՆՈԼԻՏ. ՓԱՇԻՆՅԱՆԸ ՍԿՍԵԼ Է ՆԱԽԱՊԱՏՐԱՍՏՎԵԼ 2023-Ի ԸՆՏՐՈՒԹՅՈՒՆՆԵՐԻՆ2022-03-31 17:36Փաշինյանը ձևավորում է իր սեփական օլիգարխիան՝ մայրաքաղաքի ընտրությունների հեռանկարով Հայտնի է, որ խոշոր գործարարներ Սամվել Ալեքսանյանը, Խաչատուր Սուքիասյանը և Գագիկ Ծառուկյանը վերահսկում են Երևանի վարչական խոշոր միավորները։
-
2022-03-16 18:14Ինչո՞ւ Տավուշի մարզպետը չի արձագանքում տեղի բնակիչների բողոքներին Եթե նախկին օմբուդսմեն Արման Թաթոյանը չահազանգեր, մայրաքաղաքի հասարակայնությունը դժվար թե իմանար, որ Սյունիքում կառուցվող նոր հիմնական ճանապարհի հատվածները, որը կոչված է դառնալու Կապան–Ճակատեն ճանապարհի այլընտրանքը, նույնպես լինելու են ադրբեջանցիների վերահսկողության տակ:
-
2022-02-22 21:00Պախարակում՝ առանց փաստարկների և ապացույցների Անդրանիկ Քոչարյանը, ոչ դես, ոչ դեն, հայտարարեց, որ քննիչ հանձնաժողովը 44-օրյա պատերազմի հանգամանքների ուսումնասիրությունը սկսելու է բանակցային ժառանգությունից, որպեսզի բացահայտի այն պատճառները, որոնք հնարավոր են դարձրել թուրք-ադրբեջանական ագրեսիան Արցախի Հանրապետության դեմ: Նրա խոսքերով, հանձնաժողովի աշխատանքը բոյկոտելու որոշումը ընդդիմադիր պատգամավորներին թելադրված է «երկու հոգու» կողմից։ 4 տարի անց վարչախումբն առաջվա պես շարժվում է Ռոբերտ Քոչարյանին և Սերժ Սարգսյանին համակարգված կերպով վարկաբեկելու ուղեգծով։