Последние новости

ԱՆՀԱՄԱՏԵՂԵԼԻ Է ԿՅԱՆՔԻ ՀԵՏ

Հայաստանը 2021 թվականին ակնկալում է զբոսաշրջության աճ միանգամից 319%-ով, ուրբաթ օրը լրագրողներին ասաց ՀՀ էկոնոմիկայի նախարար Վահան Քերոբյանը, հաղորդում է ԱՌԿԱ-ն:

Նա նշեց, որ 2020 թվականին ոլորտի ահռելի անկման խորապատկերին այս տարի ակտիվացում է նկատվում, դա նկատելի է նույնիսկ մայրաքաղաքի փողոցներում, որտեղ զբոսնում են Իրանից եկած զբոսաշրջիկներ: «Նախորդ տարի տուրիզմի ոլորտում շռնդալից անկում ենք ունեցել, բայց դուք էլ կարող եք տեսնել, որ եթե նախորդ տարի այս ամսին տուրիստ չունեինք, այս տարի ունենք, իրանցիների մեծ խմբեր կան: Հիմա Նովրուզ է և շատ իրանցիներ կան Հայաստանում»,- ասաց Քերոբյանը: Նրա խոսքերով՝ ապրիլի համար արդեն բազմաթիվ հյուրանոցներ ամրագրված են, և մայիսին արդեն սպասվում է զբոսաշրջության վերականգնում։ «Այս տարվա համար տուրիզմի աճը նախորդ տարվա համեմատ կանխատեսվել է 319 տոկոս: Այսինքն 2019-ի նկատմամբ մինուս 20-25 տոկոս է, բայց 2020-ի նկատմամբ + 319 տոկոս է կանխատեսումը»,- ասաց Քերոբյանը։

ԲԱՅՑ ԱՆՀՆԱՐ է ԼՌԵԼ. ամեն անգամ, երբ Քերոբյանը հայտարարություններ է անում երկրի տնտեսական վիճակի մասին, զարմացնում է այն, թե ինչպես է «Մենյու.ամ» ընկերությունը հաջողացրել գոյատևել այդ մարդու ղեկավարությամբ։ Քերոբյանի կողմից իրականության բացահայտ անհամարժեք ընկալումը պարզապես չի կարող համատեղելի լինել ցանկացած բիզնեսի կյանքի հետ։ Իսկ մի ամբողջ երկրի տնտեսության հետ՝ առավելևս։

Ահավասիկ հիմա էլ նախարարը հերթական պատերազմն է հայտարարել ողջամտությանը։ Այս անգամ՝ տուրիզմի ճակատում։ Ուղիղն ասենք. Երևանում մի քանի իրանցի զբոսաշրջիկներ տեսնելն ու այդ դիտարկման հիման վրա լավատեսական կանխատեսումներ անելը պարզապես հիմարություն է։ Նույնիսկ դիլետանտների ու թերուսների այս կառավարության ներկայացուցչի պարագայում։ Բայց Քերոբյանի հայտարարության մեջ ամենահետաքրքիրը բնավ դա չէ։ Նախ, նա պարզապես ստում է՝ պնդելով, թե անցած տարվա մարտին Երևանում իրանցի զբոսաշրջիկներ չեն եղել։ Մարտի առաջին կեսին, մինչ թավշե կառավարությունը կընդուներ կորոնավիրուսային խնդիրը, իրանցիներն ազատ գալիս էին Հայաստան։ Եվ, ի դեպ, հիշեցնենք, որ պաշտոնապես հենց Իրանից է առաջին անգամ կորոնավիրուս բերվել Հայաստան, և դա տեղի է ունեցել հենց անցած տարվա մարտին։

Երկրորդ, հատուկ ուշադրության է արժանի այս տարի զբոսաշրջության աճի վերաբերյալ պարզապես ոսկերչական ճշգրտությունը նախարարի կանխատեսումներում։ Նկատեք, Քերոբյանը չի ասում, թե աճը եռապատիկ է լինելու, նա չի ասում, թե սպասվում է 300% աճ, նույնիսկ չի խոսում 320% աճի մասին։ Նա կանխատեսում է առանց թվերը կլորացնելու, իբր՝ առանց սխալմունքի։ Ինչպես ասում են, ճիշտ այնպես, ինչպես դեղատանը. ուղիղ 319%։ Եվ նման ճշգրտության նախարարը հասել է փաստացի մի պարզ հայացք նետելով Երևանի փողոցներին ու իրանցի մի քանի զբոսաշրջիկներ հայտնաբերելով։

Դժվար է ասել, թե կոնկրետ ինչ նպատակներ է հետապնդում նախարարը, բարբաջելով ողջ այդ զառանցանքը։ Փոխարենը ակնհայտ է, որ զբոսաշրջության ոլորտի, դրա անցյալի, ընթացիկ վիճակի և ապագայի մասին նա չնչին իսկ պատկերացում չունի։ Առաջին հերթին ուշադրություն դարձնենք թվերին։ Ահա ուրեմն, զբոսաշրջության աճ 319%-ով՝ նշանակում է գրեթե մեկ միլիոն զբոսաշրջային այցելություն 2021 տարվա արդյունքներով: Նախարարն ակնհայտորեն տեղյակ չէ, որ զբոսաշրջային նույնիսկ լավագույն տարիներին Նովրուզի շրջանում Հայաստան եկած իրանցի զբոսաշրջիկների թիվը չի գերազանցել 25-30 հազարը։ Ենթադրյալ միլիոնի կանխատեսման խորապատկերին դա լոկ կաթիլ է ծովում։ Նախարարին ակնհայտորեն հայտնի չէ և այն, որ հայկական տուրիզմի նախակորոնավիրուսային զարգացումն ապահովվել է ռուսաստանցի զբոսաշրջիկների հաշվին։ Դեռևս 2017-ին որոշում ընդունվեց, որով ՌԴ քաղաքացիներին թույլատրվում է Հայաստան գալ ներքին անձնագրերով, ինչը հզոր ազդակ տվեց տուրիստական հոսքին դեպի Հայաստան։ Եվ արդեն 2019-ին Հայաստան այցելած 1 մլն 894 հազար զբոսաշրջիկներից 855 հազարը եղել են Ռուսաստանի քաղաքացիներ։ Այլ կերպ ասած, եթե ընդհանրապես հնարավոր է ակնկալել Հայաստանի տուրիստական ոլորտի վերականգնում, ապա միայն Ռուսաստանից հոսքի վերականգնման դեպքում։ Մինչդեռ Հայաստանի էկոնոմիկայի նախարարը մի քանի իրանցիների է նկատում Երևանում և արդեն ոլորտի ճաճանչափայլ հեռանկարներ տեսնում։

Արդեն երեք տարի շարունակ «թավշե» կառավարության ներկայացուցիչները գրեթե ամենօրյա ռեժիմով ապացուցում են, որ իրենց ներկայությունը երկրի ղեկին պարզապես անհամատեղելի է պետության կյանքի հետ։ Այդուհանդերձ նրանց լկտիությունը բավականացնում է՝ հավակնելու երկրի հետագա ղեկավարման, իսկ հասարակության համբերությունն էլ բավականացնում է՝ նայելու, թե ինչպես է Հայաստանը գլորվում անդունդ։

Основная тема:
Теги:

    ПОСЛЕДНИЕ ОТ АВТОРА

    • ЗАМНЕМ ДЛЯ ЯСНОСТИ?
      2021-11-29 09:17
      428

      Президент Армен Саркисян заявил, что Всеармянский фонд "Айастан" не может оставаться в стороне от современных процессов и нуждается в модернизации. Об этом он сказал, открывая 30-е заседание Совета попечителей фонда, передает Sputnik Армения. По словам Саркисяна, послевоенные события и обстановка накладывают свой отпечаток на деятельность фонда как в Армении, так и в Нагорном Карабахе, и направленность его работы подвержена непредусмотренным корректировкам, вызванным создавшейся ситуацией.

    • БОЛЕЗНЕННЫЕ НЕСОВПАДЕНИЯ
      2021-11-27 09:50
      1157

      У нас наблюдается достаточно существенный и серьезный спад числа случаев заражения коронавирусом, и Министерство здравоохранения думает о повторной консервации развернутых возможностей. Об этом заявил на заседании правительства 25 ноября премьер-министр Никол ПАШИНЯН, передает News.am.

    • ВОЗДУШНЫЙ МОСТ С ВРАГОМ
      2021-11-26 10:20
      2083

      Армянская авиакомпания Flyone Armenia c 15 декабря начнет осуществлять прямые перелеты по семи направлениям, передает Sputnik Армения. "Все рейсы будут выполняться из международного аэропорта "Звартноц" с удобным расписанием, а также по доступным ценам. Первый рейс авиакомпания осуществит в Москву (Внуково)", - говорится в информации. Пресс-служба компании сообщает, что стоимость билетов будет начинаться от 39 евро по шести направлениям, от 44 евро - в Лион. Лайнеры будут летать в Москву, Тегеран, Лион, Тель-Авив, Краснодар, Тбилиси, Кутаиси. А также в Стамбул.

    • ЕДИНСТВЕННОЕ, ЧТО СООТВЕТСТВУЕТ АРМЯНСКИМ ИНТЕРЕСАМ НА ВСЕ СТО
      2021-11-25 10:27
      1423

      Когда мы говорим, что предложения о демаркации и делимитации приемлемы для Армении, это не означает, что данные предложения на 100% соответствуют представлениям армянской стороны. Об этом, отвечая на вопросы СМИ и НПО 23 ноября, заявил Никол Пашинян.






    ПОСЛЕДНЕЕ ПО ТЕМЕ

    • ՄԵԿ ՄԻԼԻՈՆԻ ՏԱՐԲԵՐՈՒԹՅՈՒՆ
      2021-05-05 18:22
      3540

      Զբոսաշրջիկների հոսքը դեպի Հայաստան 2021 թվականին կլինի 2019 թվականի ցուցանիշների մոտ 25-30%-ի մակարդակում։ Ինչպես հայտարարեց Հայաստանի Կենտրոնական բանկի նախագահ Մարտին ԳԱԼՍՏՅԱՆԸ, այդ մասին են վկայում կարգավորիչի կողմից վերջերս անցկացված ուսումնասիրություններն ու հարցումները, հաղորդում է ԱՌԿԱ-ն: «Կարծում ենք, որ 2021 թվականի համար դա վատ ցուցանիշ չէ, սակայն պետք է ջանքեր ներդնել, որ պատվաստումները տեղի ունենան (կորոնավիրուսի դեմ): Այս պահին կարող է չենք հասկանում պահի լրջությունը, սակայն ազգային իմունիտետ ձեռք բերելու խնդիրը կրիտիկական է լինելու 2021 թվականի վերջին, 2022 թվականին և հետագայում երկրի ընդհանուր զարգացման տեսանկյունից»,- ասաց նա երեքշաբթի օրը տեղի ունեցած մամլո ասուլիսում:

    • ԳԾԻԿՈՎ ԶՐՈ ԵՎ ԳԾԻԿ՝ ԶՐՈՅՈՎ
      2021-03-27 17:22
      4150

      Ընտրությունների նախաշեմին կառավարությունում նախապատրաստվող մանիպուլյացիաների մասին Հայաստանի էկոնոմիկայի նախարար Վահան Քերոբյանը շարունակում է ապշեցնել հասարակայնությանը տնտեսության զարգացման վերաբերյալ իրականությունից կտրված իր կանխատեսումներով: Նիկոլ Փաշինյանն իր անհեռանկար կադրային քաղաքականությամբ առաջին պլան է մղում սեփական պատկերով ու նմանությամբ ղեկավարների։ Հոգ չէր լինի, թող իրենց համար զուգահեռ իրականություն կառուցեին, բայց արդյունքում հասարակությունն ու տնտեսությունը ստանում են կեղծ ազդանշաններ, ինչը է՛լ ավելի է բարդացնում սոցիալ-տնտեսական վիճակը մեր երկրում։

    • ԳՆԵՐԻ ԱՃԸ ԱՌՈՂՋԱՑՄԱՆ ՆՇԱ՞Ն Է
      2021-02-19 18:14
      275

      Հայաստանի տնտեսությունը հետճգնաժամային վերականգնման առաջին նշաններն է ցուցադրում։ Այս մասին կառավարության նիստում հայտարարել է վարչապետ Նիկոլ Փաշինյանը, հաղորդում է «Արմենպրես»-ը:

    • ՈՒՐԱԽ ԹԵՄԱՅԻ ՏԽՈՒՐ ԻՄԱՍՏԸ
      2021-02-09 21:14
      857

      Այն, ինչի մասին հայ սպառողը խոսում է ամեն օր, առավոտից երեկո, օրերս պաշտոնապես հաստատեց նաև Վիճակագրական ծառայությունը. գների աստղաբաշխական աճ է արձանագրվել։ Իհարկե, վիճակագրական ցուցանիշները շատ ավելի համեստ են, քան գնապիտակները խանութներում։ Բայց նույնիսկ դրանք (վիճակագրական տվյալները) վկայում են համատարած և արտառոց թանկացման մասին։