2021-08-04 19:06
Рубен МАРГАРЯН
0
ԽԱՂԱՂԱՊԱՀ ԶՈՐԱԿԱԶՄ ԿՄՏՑՆԵ՞ՆԱՐԴՅՈՔ ԽՈՐՀՐԴԱՐԱՆ
Ի՞նչ ցույց տվեցին նոր խորհրդարանի աշխատանքի առաջին երկու օրերը: Իշխող կուսակցությունը թեկուզ ոչ արագ, թեկուզ դժվարությամբ, բայց կարծես թե սկսում է ավելի սթափ մոտենալ հունիսի 20-ի ընտրությունների արդյունքներին։ Եվ այն մտքի առաջացրած էյֆորիան, որ ընտրություններում հավաքել են ձայների մեծամասնություն, աստիճանաբար փոխարկվում է գիտակցման, որ ամեն ինչ բնավ միանշանակ չէ։ Ընդդիմության պատգամավորները համառորեն ու համոզիչ կերպով ցույց են տալիս, որ քաղաքական ճգնաժամի հաղթահարման մասին իշխող թիմը երազել անգամ չի կարող. քաղաքական ճգնաժամը ինչպես որ կար, այնպես էլ պահպանվում է:
Ո՞ՐՆ Է ՃԳՆԱԺԱՄԻ ԳԼԽԱՎՈՐ ՊԱՏՃԱՌԸ: Այն, որ Հայաստանում իշխանության ղեկին էր քաղաքական թիմ, որի օրոք հայոց աշխարհը կորցրեց իր տարածքների զգալի մասը, գումարած երիտասարդ տղաների և վետերանների հազարավոր կոնկրետ կյանքեր... Եվ այդ գլխավոր տեսանկյունից ոչինչ չի փոխվել։ Նույնիսկ եթե օգտագործենք ամենամեղմ, քաղաքականապես ամենակոռեկտ ձևակերպումները, միևնույնն է, ոչ մի տեղ չես փախչի այն փաստից, որ Հայաստանում իշխանության ղեկին է մի թիմ, որի կառավարման օրոք, իշխանավարման երրորդ տարում, Հայաստանն ու Արցախը կորցրեցին իրենց տարածքների մի մասն ու հազարավոր կյանքեր։
Կարո՞ղ է արդյոք «Քաղաքացիական պայմանագրի» մանդատների քանակն ինչ-որ կերպ փոխել այդ փաստը։ Ամենևի՛ն։ Եվ վաղ թե ուշ, բայց ձախողված թիմը պատասխան է տալու այդ անվիճելի փաստի համար։ Ոչ միայն քաղաքական, այլև իրավական պատասխան։
Հենց դա է ընդդիմությունը համառորեն փորձում հասկացնել իշխող խմբակցությանը։ Այդ մասին, մասնավորապես, խոսեց նաև «Հայաստան» դաշինքի պատգամավոր Գեղամ Նազարյանը, կոչ անելով իշխող խմբակցությանը չփորձել փախչել անխուսափելիից, այլ հետագա տխուր հետևանքներից խուսափելու համար ձևավորել 44-օրյա պատերազմի պատճառներն ու դրա արդյունքները ուսումնասիրող խորհրդարանական հանձնաժողով, և այդ հանձնաժողովի նախագահությունը հանձնել ընդդիմությանը…
Տեսնենք, թե որքան ժամանակ անց իշխող թիմը կընդունի իրողությունները և քաղաքական ճգնաժամի հաղթահարման անխուսափելիությունը այս կամ այն ճանապարհով իշխանությունից իր հեռանալու միջոցով։ Կարծում ենք՝ դրա մի շարք երևելի ներկայացուցիչներ արդեն ամեն ինչ շատ լավ հասկանում են, ուստի փորձում են հնարավորինս հեռու մնալ ակտիվ քաղաքական գործունեությունից, աչքի չզարնվել... Քանզի եթե չսևեռվես բացառապես այն հանգամանքի վրա, որ իշխող թիմը պահպանել է իշխանությունը ընտրությունների արդյունքում, ապա այլ փաստերը վկայում են, որ դրանց արդյունքներով ամենամեծ առավելությունը ստացել է «Հայաստան» դաշինքը, որը նախքան ընտրությունները ոչ մի մանդատ չուներ, իսկ դաշինքում ընդգրկված «Դաշնակցությունը» 2018-ի ընտրությունների արդյունքներով ստացել էր ընտրողների ձայների 4%-ից էլ պակաս քանակ։ Այժմ «Հայաստան» դաշինքը խորհրդարանում ունի 29 ներկայացուցիչ, ընտրություններում հավաքելով ավելի քան 270 հազար ձայն։ Մինչդեռ իշխող կուսակցությունը 2,5 տարում կորցրել է 197 հազար ձայն։
Այո, չհաջողվեց միանգամից հեռացնել պարտվողական թիմին, բայց միտումներն ակներև են։ Դա հասկանում են իշխող թիմում առկա սթափ ուղեղները, իշխող խմբակցության պահվածքը նույնպես ցույց է տալիս, որ այնտեղ դժկամորեն, բայց հասկանում են իրողությունները. ընդդիմությանը «սիրաշահելու» ձգտումը՝ դրա ընտրված ներկայացուցիչների հասցեին ծափահարություններով, կառուցողականության կոչերը... Եվ այդ ամենը՝ այն թիմի անդամների կողմից, որի առաջնորդը վերջերս վազվզում էր հանրապետությունում չագուճը ձեռքին... Եվ, ըստ երևույթին, իշխող խմբակցության անդամներից շատերը հասկանում են, որ իրենց ներել ոչ ոք մտադիր չէ։
Գուցե հենց այդ վախո՞վ են պայմանավորված նոր խորհրդարանի աշխատանքն ապահովելու համար ձեռնարկված անվտանգության աննախադեպ միջոցները. ուժայինների բազմությունը, ընդ որում շատերը՝ զինվորական համազգեստով, ինչը առ այսօր չի եղել երբեք։ Մի՞թե իշխող թիմի առանձին ներկայացուցիչներ մտավախություն ունեն, որ ընդհանուր հաշվարկով ընդդիմության 36 ներկայացուցիչները կարող են պարզապես քոթակել իշխող թիմին, որքան էլ որ հոխորտան վերջինիս առանձին անդամներ։ Այլապես ինչո՞վ բացատրել նման քանակի պահախմբի ներկայությունը խորհրդարանում։ Սոցիալական ցանցերում կատակում են. թերևս չկա միայն պաշտոնական դիմում Ռուսաստանին՝ հայոց օրենսդիր ժողովում խաղաղապահ զորակազմ տեղակայելու խնդրանքով։
Իսկ ինչ վերաբերում է այն հիասթափությանը, որ ընդդիմությանը չհաջողվեց միանգամից խլել իշխանությունը կապիտուլյանտներից, ապա պետք է նկատի առնել. դա, ավա՜ղ, չէր վերադարձնի ո՛չ կորսված կյանքերը, ո՛չ էլ կորսված տարածքները։ Ամենալավատեսական ակնկալիքների դեպքում անգամ նման սցենարն անհնար էր, ուստի պետք է հանգիստ վերաբերվել խորհրդարանում ուժերի այսօրվա դասավորությանը. սա այն փուլն է, որը պետք է խոչընդոտի կապիտուլյաններին գնալ նոր խայտառակ զիջումների և որը թույլ կտա հետևողական աշխատանքով, քայլ առ քայլ, բայց հետ շրջել կապիտուլյանտային գործընթացը։
ПОСЛЕДНИЕ ОТ АВТОРА
-
2024-11-22 09:08Действующему президенту США Джозефу Байдену сегодня исполнилось 82. Редкий пример политического долголетия как свидетельство общего повышения уровня жизни и ее продолжительности. Однако запомнится Байден, некогда тоже любитель велопрогулок, не столько этим, сколько своим вкладом в противостояние Запада и России.
-
2024-11-20 12:53Хокку Овик складывает мандат. Плакала ипотека Овика, роняю и я скупую мужскую слезу…
-
2024-11-18 12:45Две новости взбудоражили армянскую общественность в последние часы минувшего уикенда. Одна новость - про парад отставок, уже состоявшихся и еще грядущих, в команде чиновников Пашиняна. Другая новость - про то, что уходящая администрация Байдена дала Зеленскому отмашку на удары американскими дальнобойными ракетами ATACMS вглубь российской территории. Позже добавилась информация, что Франция и Британия также «дали зеленый свет» на нанесение ударов вглубь РФ ракетами SCALP/Storm Shadow. Первую новость, про отставки в команде Пашиняна, пока оставим в покое, как менее существенную, тем более, что процесс отставок еще продолжается.
-
2024-11-16 13:53Сергей Лавров говорит, что Москва ждет предложений Дональда Трампа. Последний пока Путину не позвонил, это понятно: избранный президент Америки еще не вступил в должность, находится на стадии формирования своего правительства. Но вот круги от его заявлений о намерении побыстрее завершить войну на Украине расходятся достаточно быстро: Владимиру Путину уже позвонил Олаф Шольц.
ПОСЛЕДНЕЕ ПО ТЕМЕ
-
2022-05-02 19:27Սերժ Սարգսյանի հրաժարականը վերջի՞նն էր Երևանը վերածվել է ոստիկանական մեծ բաժանմունքի. յուրաքանչյուր 100 մետրը մեկ անցորդները բախվում են ոստիկանների և քաղաքացիներին բաժանմունքներ տեղափոխելու համար նախատեսված միկրոավտոբուսների կուտակումների։ Այդ ավտոբուսներում մարդկանց ենթարկում են ծեծի ու նվաստացումների։ 2011թ.-ին Հայաստանի խորհրդարանն ընդունել է աշխարհի ամենաառաջադեմ (եվրոպացի փորձագետների գնահատմամբ) օրենքներից մեկը՝ հավաքների, հանրահավաքների և երթերի քաղաքացիների իրավունքի մասին: Օրենքում ամրագրված է նույնիսկ չարտոնված ակցիաներին ոստիկանության միջամտության արգելքը, եթե դրանք խաղաղ բնույթ են կրում։
-
ԿՅԱՆՔԻ ՏԵՐԵՐԸ, ԿԱՄ՝ ՄԱՅՐԱՔԱՂԱՔԱՅԻՆ ՄՈՆՈԼԻՏ. ՓԱՇԻՆՅԱՆԸ ՍԿՍԵԼ Է ՆԱԽԱՊԱՏՐԱՍՏՎԵԼ 2023-Ի ԸՆՏՐՈՒԹՅՈՒՆՆԵՐԻՆ2022-03-31 17:36Փաշինյանը ձևավորում է իր սեփական օլիգարխիան՝ մայրաքաղաքի ընտրությունների հեռանկարով Հայտնի է, որ խոշոր գործարարներ Սամվել Ալեքսանյանը, Խաչատուր Սուքիասյանը և Գագիկ Ծառուկյանը վերահսկում են Երևանի վարչական խոշոր միավորները։
-
2022-03-16 18:14Ինչո՞ւ Տավուշի մարզպետը չի արձագանքում տեղի բնակիչների բողոքներին Եթե նախկին օմբուդսմեն Արման Թաթոյանը չահազանգեր, մայրաքաղաքի հասարակայնությունը դժվար թե իմանար, որ Սյունիքում կառուցվող նոր հիմնական ճանապարհի հատվածները, որը կոչված է դառնալու Կապան–Ճակատեն ճանապարհի այլընտրանքը, նույնպես լինելու են ադրբեջանցիների վերահսկողության տակ:
-
2022-02-22 21:00Պախարակում՝ առանց փաստարկների և ապացույցների Անդրանիկ Քոչարյանը, ոչ դես, ոչ դեն, հայտարարեց, որ քննիչ հանձնաժողովը 44-օրյա պատերազմի հանգամանքների ուսումնասիրությունը սկսելու է բանակցային ժառանգությունից, որպեսզի բացահայտի այն պատճառները, որոնք հնարավոր են դարձրել թուրք-ադրբեջանական ագրեսիան Արցախի Հանրապետության դեմ: Նրա խոսքերով, հանձնաժողովի աշխատանքը բոյկոտելու որոշումը ընդդիմադիր պատգամավորներին թելադրված է «երկու հոգու» կողմից։ 4 տարի անց վարչախումբն առաջվա պես շարժվում է Ռոբերտ Քոչարյանին և Սերժ Սարգսյանին համակարգված կերպով վարկաբեկելու ուղեգծով։