Последние новости

«TRACTION» ԾՐԱԳԻՐԸ ՆԵՐԿԱՅԱՑՐԵԼ Է ԻՐ 8 ՇՐՋԱՆԱՎԱՐՏ-ԸՆԿԵՐՈՒԹՅՈՒՆՆԵՐԻՆ ԱՌՑԱՆՑ ԴԵՄՈ ՕՐՎԱ ԸՆԹԱՑՔՈՒՄ (ՏԵՍԱՆՅՈՒԹ)

Եվրոպական միությունը, Գերմանիայի միջազգային համագործակցության ընկերությունը (German Development Cooperation-GIZ) և Վիվա-ՄՏՍ-ը համախմբել են ուժերը Քաթըլիսթ հիմնադրամի հետ՝ աջակցելու Հայաստանի Ստարտափ Ակադեմիայի «Traction» ծրագրի երկրորդ շրջանին։

 


Հայաստանի Ստարտափ Ակադեմիան անցկացրեց առցանց Դեմո Օր՝ ներկայացնելու իր «Traction» ծրագրի երկրորդ շրջանի 8 շրջանավարտ-ընկերություններին: Մասնակից տեխնոլոգիական ընկերությունները ներկայացրին իրենց նորարարական լուծումները կրթական, ֆինանսական, մեդիա, տեղեկատվական անվտանգության, դեղագործության և առողջապահության ոլորտներում:

Հայաստանի Ստարտափ Ակադեմիայի «Traction» ծրագիրը ինտենսիվ մենթորության վրա հիմնված ծրագիր է, որը նախատեսված է օգնելու պրոդուկտ ունեցող և արդեն իսկ արդյունքներ գրանցած ընկերություններին արագացնել իրենց աճը՝ աջակցություն տրամադրելով վաճառքի խթանման (Sales Enablement), աճի հաքինգի (Growth Hacking) և ներդրումների ներգրավման (Fundraising) համար: Ծրագիրն իրականացվել է «Քաթըլիսթ» հիմնադրամի կողմից՝ Եվրոպական միության ԵՄ-ն բիզնեսի համար նախաձեռնության ներքո Գերմանիայի միջազգային համագործակցության ընկերության (German Development Cooperation-GIZ) կողմից իրականացվող «Նորարարական տուրիզմի և տեխնոլոգիաների զարգացում Հայաստանի համար» ծրագրի աջակցությամբ։ Հայաստանի առաջատար բջջային օպերատոր Վիվա-ՄՏՍ-ը միացել է նախաձեռնությանը որպես կորպորատիվ գործընկեր և աջակից։

Ծրագրի 12-շաբաթյա ժամանակահատվածում ստարտափները սերտորեն համագործակցել են ոլորտի մասնագետների հետ, ովքեր օգնել են նրանց հասնել նախապես սահմանված նպատակներին: Մենթորների հետ հանդիպումների արդյունքում ընկերությունները կարողացել են բարելավել վաճառքի, աճի հաքինգի և շուկայավարման ռազմավարությունները և գործընթացները, արժեքավոր կապեր հաստատել ներդրողների և ոլորտի փորձագետների հետ, կապվել պոտենցիալ հաճախորդների հետ, և այլն: Ինտենսիվ մենթորության արդյունքում ստարտափները ունեցել են մի քանի նշանակալի ձեռքբերումներ, որոնց թվում՝ ընդունելություն միջազգային աքսելերացիոն ծրագրեր, պրոդուկտների կատարելագործված տարբերակների թողարկումներ, ներդրումների ներգրավում, օգտատերերի բազայի զգալի աճ, 100 հազար եվրո եկամտի նշագիծ անցնելը, որպես օրվա և շաբաթվա թիվ մեկ արտադրանք ճանաչվելը Product Hunt հարթակում: 5 ընկերություններ նաև հնարավորություն են ստացել արժանանալու ԵՄ-ի դրամաշնորհին` մինչև 50 հազար եվրոյի չափով:

Միջոցառումը ուղիղ հեռարձակվել է Hero House-ի յութուբյան ալիքով: Դեմո Օրվա բացումը և ծրագրի համառոտ նկարագիրը ներկայացրել է Հայաստանի Ստարտափ Ակադեմիայի ծրագրերի ղեկավար Աննա Թանթուշյանը:

Ողջույնի խոսքով հանդես եկան Հայաստանում ԵՄ պատվիրակության համագործակցության բաժնի ղեկավար Ֆրենկ Հեսը, «Նորարարական զբոսաշրջության և տեխնոլոգիաների զարգացում» ծրագրի թիմի ղեկավար Վիլհելմ Հյուգոն և Վիվա-ՄՏՍ-ի գլխավոր տնօրեն Ռալֆ Յիրիկյանը:

Ֆրենկ Հեսն ընդգծել է ստարտափների կարևորությունը փոքր տնտեսությունների տնտեսական հաջողության մեջ. «Ձեր աշխատանքով Հայաստանը կարող է վերածվել նորարարության աշխարհի առաջատար կենտրոններից մեկի»։

«Հայաստանի Ստարտափ Ակադեմիայի «Traction» ծրագրի երկրորդ շրջանի Դեմո Օրը մեզ հավաքում է այստեղ՝ տեսնելու հայ ձեռներեցների հերթական հաջողության պատմությունը», - ասաց Վիլհելմ Հյուգոն։

Ռալֆ Յիրիկյանը նշել է. «Արդեն երկու տարի է, ինչ Վիվա-ՄՏՍ-ը միացել է այս նախաձեռնությանը որպես կորպորատիվ գործընկեր և աջակից, և ես կցանկանայի, որ այս ծրագիրն օգնի բացահայտելու ավելի շատ տաղանդներ և ճանապարհ հարթի դեպի աճ և նորարարություն՝ մեր երկրում և նրա սահմաններից դուրս»:

Ողջույնի խոսքերին հաջորդեցին առաջին շրջանի շրջանավարտների ելույթները, որոնք ներկայացրեցին իրենց ընկերությունները և նորագույն ձեռքբերումները: Իր ելույթի ընթացքում «Pinsight»-ի հիմնադիր Հրանտ Դավթյանը նշել է «Ծրագիրը մեզ օգնեց առևտրայնացնել գիտությունը և փաթեթավորել մեր տեխնոլոգիան որպես վերջնական օգտագործողների կարիքները լավագույնս բավարարող արտադրանք»:

Հաջորդիվ, շրջանավարտ Մուշեղ Գևորգյանը ներկայացրեց «Dowork.ai»-ը և նոր ձեռքբերումների հետ մեկտեղ նաև կիսվեց հետագա քայլերով։ 2021 թվականից ի վեր նրանք ներգրավել են 1500 օգտատերեր, ձեռք են բերել 50 վճարող բետա հաճախորդներ, դարձել են օրվա թիվ մեկ արտադրանքը Product Hunt հարթակում և ներգրավել են նախասաղմնային փուլի ներդրումներ։

Առցանց Դեմո Օրվանից հետո երկրորդ շրջանի հիմնադիրները նույնպես կիսվել են ծրագրի վերաբերյալ իրենց կարծիքով։

«Traction» ծրագիրն օգնեց մեզ կայանալ որպես միջազգային ընկերություն՝ միաժամանակ տրամադրելով մեր թիմին ներդրումների ներգրավման հնարավորություններ: Այժմ մենք պատրաստ ենք լիովին աջակցել մեր հաճախորդներին ԱՄՆ-ում և Եվրոպայում»,- ասել է Modicus Prime-ի գործադիր տնօրեն և հիմնադիր Թեյլոր Չարտիերը:

«Մեր մասնակցությունը «Traction» ծրագրին մեծ հնարավորություն էր «Uteach»-ի համար։ Մենք աշխատեցինք լավագույն մենթորների հետ, ստացանք օգտակար գիտելիքներ, դարձանք օրվա և շաբաթվա թիվ 1 պրոդուկտը Product Hunt հարթակում և ունեցանք շատ այլ ձեռքբերումներ: Սա մինչ այժմ մեր լավագույն փորձերից մեկն է»,- ասաց Uteach-ի համահիմնադիր Շուշանիկ Շահբազյանը:

«Traction» ծրագրի մենթորները անհատականացված մոտեցում են ցուցաբերել մեր ընկերությանը և օգնել հասկանալ աճի լավագույն ուղիները։ Եվ դրա համար մենք շնորհակալ ենք»,- ասել է EditMentor-ի գործադիր տնօրեն և համահիմնադիր Միշա Տենենբաումը:

Bootcamp ընկերության համահիմնադիր և գործադիր տնօրեն Նարեկ Ասլիկյանը նշել է «Ծրագիրը հսկայական ազդեցություն է ունեցել մեր պրոդուկտի ռազմավարության վրա։ Ակադեմիայի թիմի և մենթորների հետ աշխատանքի արդյունքում կարողացանք բարելավել փիչինգի հմտությունները, ինչպես նաև գիտելիքներ ձեռք բերել աճի հաքինգի և շուկա ներթափանցման ռազմավարությունների մասին»:

Երկրորդ շրջանի ընկերություններ.

Modicus Prime-ը ստեղծում է տվյալների մշակման ինքնասպասարկվող ծրագրակազմ` կենսատեխնոլոգիական հետազոտությունների և արտադրության գործընթացի արդյունավետ վերահսկողությունն ապահովելու համար:

Toxometris.ai-ը արհեստական բանականության վրա հիմնված՝ քիմիական նյութերի անվտանգության գնահատման լուծում է, որը կիրառում է հիբրիդային թեստավորման մոդելներ՝ ԱԲ (in silico) և կենսաբանական (in vitro, in vivo) մոտեցումների եզակի համակցությամբ։

Bransfer ընկերությունը ստեղծել է «Layerswap» հարթակը, որը թույլ է տալիս կրիպտոարժույթները արագ և մատչելի փոխանցել կենտրոնացված փոխանակման հարթակներից (CEX) բլոկչեյնի երկրորդ շերտի հարթակներ՝ այդպիսով պարզեցնելով օգտատերերի անցումը 2-րդ շերտին:

Buildern-ը օգնում է փոքր շինարարական ընկերություններին բարձրացնել արդյունավետությունը՝ տրամադրելով ծրագրակազմ ֆինանսները արդյունավետ կառավարելու, աշխատապրոցեսները ավելի ճկուն պլանավորելու և ավտոմատացնելու համար։

Stingle Photos-ը նկարների և տեսանյութերի անվտանգ պահպանման հավելված է

EditMentor-ը տեսանյութերի խմբագրման հմտություններ ուսուցանող վեբ հավելված է, որը փոխակերպում է վիդեո կրթությունը ուսանողների և ինքնուսույցների համար՝ դարձնելով այն ինտերակտիվ և արդյունավետ։

Bootcamp գործատուների համար հարթակ որպես ծառայություն է (SaaS) վիրտուալ պրակտիկաների կազմակերպման համար՝ լավագույն թեկնածուներին մշտական հասանելիությամբ:

Uteach-ը րոպեների ընթացքում դասավանդման պրոֆեսիոնալ կայք ստեղծելու և օնլայն դպրոց բացելու հարթակ է։

Հայաստանի Ստարտափ Ակադեմիայի թիմը ուրախ է ողջունել շրջանավարտ ընկերություններին իր ձեռներեցների համայնք:

Եվրոպական միության մասին

Եվրոպական միության անդամ երկրները որոշել են միավորել իրենց գիտելիքները, ռեսուրսներն ու ճակատագրերը: Միասին նրանք ստեղծել են կայունության, ժողովրդավարության և կայուն զարգացման գոտի՝ պահպանելով մշակութային բազմազանությունը, հանդուրժողականությունը և անհատական ազատությունները: Եվրամիությունը պարտավորվում է իր ձեռքբերումները և արժեքները կիսել իր սահմաններից դուրս գտնվող երկրների և ժողովուրդների հետ:

«Նորարարական տուրիզմի և տեխնոլոգիաների զարգացում Հայաստանի համար» ծրագրի մասին

ԵՄ-ն բիզնեսի համար նախաձեռնության «Նորարարական տուրիզմի և տեխնոլոգիաների զարգացում Հայաստանի համար» ծրագիրը համաֆինանսավորվում է Եվրոպական միության և Գերմանիայի դաշնային Հանրապետության տնտեսական համագործակցության և զարգացման նախարարության կողմից: Այն իրականացվում է Գերմանիայի միջազգային համագործակցության ընկերության (ԳՄՀԸ) «Մասնավոր հատվածի զարգացում և մասնագիտական կրթություն և ուսուցում Հարավային Կովկասում» ծրագրի կողմից: Այն նպատակ ունի Հայաստանում ստեղծել և զարգացնել ներդրումների ենթակա և նորարարական նախաձեռնությունները` հանգեցնելով ավելի ուժեղ և մրցակցային տեխնոլոգիական և նորարարական էկոհամակարգերի, որոնք ունեն արտահանման հնարավորություններ, ավելի մեծ քանակությամբ Science2Business2Education համագործակցության պլատֆորմներ և ավելի ակտիվ մասնակցություն HORIZON 2020 և HORIZON Europe նորարարական ծրագրերին:

Վիվա-ՄՏՍ-ի մասին

Վիվա-ՄՏՍ-ը (ՄՏՍ Հայաստան ՓԲԸ) Հայաստանի շարժական կապի առաջատար օպերատորն է, որն ունի ամենաընդարձակ ցանցը և տրամադրում է ձայնային և տվյալների փոխանցման ծառայությունների բազմազան տեսականի` Հայաստանի ամբողջ տարածքում: Գործունեության հիմք ընդունելով իր բաժանորդների շահերին լավագույնս ծառայելը՝ հիմնադրման օրվանից` 2005թ. հուլիսի 1-ից, Վիվա-ՄՏՍ-ը կարճ ժամանակամիջոցում կարողացել է ստեղծել համահանրապետական ցանց և բաժանորդների մեծ բազա: Վիվա-ՄՏՍ-ը նորարարությունների առաջատար է և հետամուտ է ոլորտի բոլոր զարգացումներին` ի շահ երկրի շարժական հեռահաղորդակցության շուկայի: Վիվա-ՄՏՍ-ը գործունեության մեջ առաջնորդվում է ISO 26000` Սոցիալական պատասխանատվության, ISO/IEC 27001:2013` Տեղեկատվական անվտանգության կառավարման համակարգի, ինչպես նաև ISO 37001` հակակոռուպցիոն և կաշառակերության կանխարգելմանն ուղղված միջազգային ստանդարտներով: Հավելյալ տեղեկություններ ստանալու համար այցելեք www.mts.am

«Քաթըլիսթ» բարձր տեխնոլոգիաների և ձեռներեցության զարգացման հիմնադրամի մասին

«Քաթըլիսթ» հիմնադրամը իրականացնում է բազմաթիվ ծրագրեր, որոնք միտված են նպաստել Հայաստանում տեխնոլոգիական և ձեռնարկատիրական էկոհամակարգը զարգացնելուն, ինչպես նաև ստարտափ էկոհամակարգը անհրաժեշտ ունակություններով և ընկերություններով համալրելուն։ Իրականցվող ծրագրերից են Հերո Հաուսը (Hero House), Հայաստանի ստարտափ ակադեմիան (Armenia Startup Academy), Արհեստական բանականության ինկուբատորը (AI Incubator), Ձեռնարկատիրական օգնականների դպրոցը (Entrepreneurial Assistants School), Ստարտափ Բուսթ Ուիքենդսը (Startup Boost Weekends), և այլն։

Հայաստանի Ստարտափ Ակադեմիայի մասին

Հայաստանի Ստարտափ Ակադեմիան կրթական ծրագիր է, որի նպատակն է աջակցել ստարտափներին ներդրումներ ներգրավել՝ նախապատրաստելով միջազգային շուկա ընդլայնմանը իր նախաաքսելերացիոն և Traction ծրագրերի միջոցով: Ծրագիրը մեկնարկել է 2017 թվականի հոկտեմբերին «Աջակցություն ՓՄՁ զարգացմանը Հայաստանում» (EU-SMEDA) ծրագրի աջակցությամբ՝ ԵՄ-ն բիզնեսի համար նախաձեռնության շրջանակներում: Մեկնարկից ի վեր 121 ստարտափներից 281 ձեռներեց անցել են մենթորության շրջան աշխատելով 100+ բարձրակարգ միջազգային մասնագետների հետ։ Ծրագրի շրջանավարտներն ներգրավել են ավելի քան 10 մլն եվրո ներդրումներ դրամաշնորհային ֆինանսավորման, վենչուրային ֆոնդերի և հրեշտակ ներդրողների միջոցով:

Основная тема:
Теги:

    ПОСЛЕДНИЕ ОТ АВТОРА

    • 73 ГОДА СО ДНЯ ОСНОВАНИЯ: КНР УВЕРЕННЫМИ ШАГАМИ ДВИЖЕТСЯ ВПЕРЕД
      2022-10-01 10:34
      523

      1 октября 2022 года исполняется 73 года со дня основания Китайской Народной Республики. Опираясь на более чем 5-тысячелетнюю историю, традиции и опыт, КНР с момента своего основания предприняла активные шаги в направлении экономического развития и повышения благосостояния народа. Несмотря на понесенные во время Второй мировой войны тяжелые потери, страна под умелым руководством Коммунистической партии добилась значительных успехов на этом пути.

    • GEOPROMINING ПРОДОЛЖАЕТ ПОПОЛНЯТЬ АВТОПАРК ПО ОБСЛУЖИВАНИЮ КОММУНАЛЬНОГО ХОЗЯЙСТВА В ОБЩИНАХ
      2022-09-30 13:13
      880

      В рамках программ по устойчивому развитию регионов компания GeoProMining Gold приобрела экскаватор-погрузчик «New Holland B80B» и трактор « Беларусь» с многофункциональным навесным оборудованием для общины Арарат.

    • ИНФРАСТРУКТУРНЫЕ ПРОЕКТЫ БАКУ НА ОККУПИРОВАННЫХ ТЕРРИТОРИЯХ ПРЕСЛЕДУЮТ ЧИСТО ВОЕННЫЕ ЦЕЛИ
      2022-09-29 16:17
      811

      «Инфраструктурное поглощение» Арцаха имеет прямой военный подтекст, а для этого Баку отнюдь не нужно быстрое заселение оккупированных территорий. И эти 66 тысяч могут быть, скажем, членами семей и родственниками дислоцированных в Арцахе азербайджанских военных и других госслужащих», - так прокомментировал заявление бакинского чиновника о намерении до 2026 года переселить на территории Арцаха 66 тысяч граждан эксперт фонда «Луйс» по вопросам внешней политики и безопасности Дереник ХАЧАТРЯН.

    • "В УСЛОВИЯХ МИРОВОЙ ТУРБУЛЕНТНОСТИ КНР ВЫПАЛА МИССИЯ ОДНОГО ИЗ АРХИТЕКТОРОВ И ГАРАНТОВ МИРА"
      2022-09-28 18:49
      1774

      Ко Дню образования Китайской Народной Республики Практически все страны мира имеют тот или иной национальный праздник, символизирующий институт государственности. Страны, история которых включает в себя периоды потери и обретения суверенитета, зачастую называют эти праздники "Днем независимости". К примеру, в случае Армении это фактически два праздника - День образования первой Республики (28-ое мая) и День Независимости (21-ое сентября). Это лишний раз доказывает нелегкую судьбу армянского народа и тернистый путь становления Республики Армения. В случае Китая главным государственным праздником является День образования Китайской Народной Республики.






    ПОСЛЕДНЕЕ ПО ТЕМЕ

    • ԿԱՄՔ՝ ՎԵՐԱԳՏԱԾ ԿՅԱՆՔՆ ԱՊՐԵԼՈՒ ՀԱՄԱՐ
      2022-09-26 17:35
      159

      Վիվա-ՄՏՍ. Օրթեզների՝ եռամյա ծրագիրն ընթացքում է Կոռնիձորցի Հարութը չի սիրում խոսել պատերազմի մասին. 28-ամյա սյունեցին անցել է դրա միջով և գիտի մեր երկրի անկախության իրական գինը: 44-օրյա պատերազմում՝ երիտասարդ կապիտանը դրսևորել է կամք և վճռականություն, հաղթահարել անհնարինն ու հրաշքով երկրորդ կյանք ստացել: Տրտնջալ չի սիրում, խղճահարություն առաջացնել՝ առավել ևս: Թեև անցել է բավականին բարդ վիրահատությունների միջով ու հայտնվել անվասայլակին, բայց չի կոտրվել: Պատերազմից առաջ և հետո ճամփաբաժանին բոլոր վախերը թողած երիտասարդը կամքի ուժ է դրսևորել նաև վերականգնման, նորից ոտքի կանգնելու և փոքրիկ դստեր համար հենարան լինելու հարցում: Վերականգնողական բուժում է անցնում՝ կարգուկանոն գնահատող զինվորականի նման կատարելով անհրաժեշտ վարժությունները:

    • «ՎԻՐՏՈՒԱԼ ԱՀԿ». ՆՈՐ ԾԱՌԱՅՈՒԹՅՈՒՆ՝ ՎԻՎԱ-ՄՏՍ-Ի ԲԻԶՆԵՍ ՓԱԹԵԹՈՒՄ
      2022-09-21 08:21
      196

      Վիվա-ՄՏՍ-ն իր բիզնես-հաճախորդներին ներկայացնում է հեռախոսային նոր՝ «Վիրտուալ ավտոմատ կայան», ծառայությունը: Այն հրաշալի հնարավորություն է հաճախորդամետությունը գնահատող և չստացված զանգերի պատճառով շահույթի կորուստը կանխել ցանկացողների համար (վիճակագրությամբ բաց թողնված զանգերի թիվն օրական կտրվածքով կարող է հասնել մինչև 20%-ի): Անկախ աշխատանքային ծանրաբեռնվածությունից կամ աշխատակիցների թվից, «Վիրտուալ ԱՀԿ» ծառայությունից օգտվողը կարող է բջջային պրեֆիքսով համարների համար նախատեսված հավելվածով շատ արագ՝ տեսնել բաց թողնված զանգերի թիվը և, կարգավորելով զանգերի ստացման գործընթացը, հասցնելով զրոյի:

    • ՎԻՎԱ-ՄՏՍ-Ի ԵՎ ՍՈՐՍ ՀԻՄՆԱԴՐԱՄԻ ԳՈՐԾԸՆԿԵՐՈՒԹՅՈՒՆԸ ՇԱՐՈՒՆԱԿՈՒՄ Է ԴՐԱԿԱՆ ԱՐԴՅՈՒՆՔ ԱՐՁԱՆԱԳՐԵԼ
      2022-09-19 17:02
      175

      Վիվա-ՄՏՍ-ի և ՍՈՐՍ հիմնադրամի համագործակցության արդյունքում, հատուկ խնամքի անհրաժեշտություն ունեցող երեխաների մոտ արձանագրվում է դրական տեղաշարժ. բարելավվում է նրանց և ընտանիքների կյանքի որակը, թեթևանում է խնամող ծնողի հոգսաշատ առօրյան: Որոշ երեխաների մոտ ակնառու է մտավոր ու ֆիզիկական զարգացման դինամիկա, անձնական օգնականի ուղղորդմամբ հնարավոր է դառնում նրանց ինտեգրումը ներառական կրթության ու սոցիալացման գործընթացում: Անհատական օգնականների աջակցության շնորհիվ ընտանիքում կարողանում են նաև լուծել բազմաթիվ հարցեր՝ առողջական, կրթական, աշխատանքային, հասցնում են ժամանակ տրամադրել ընտանիքի մյուս անդամներին և փոքր ինչ հանգստանալ:

    • ՏՏ ՈԼՈՐՏՈՒՄ ՀՀ ՊԵՏԱԿԱՆ ՄՐՑԱՆԱԿԻ 2021 Թ․-Ի ԴԱՓՆԵԿԻՐ, IBM-Ի ՓՈԽՆԱԽԱԳԱՀ ԼԵՈՆ ՍՏՈԿՆ ԱՅՑԵԼԵԼ Է ՎԻՎԱ-ՄՏՍ
      2022-09-08 09:24
      197

      ՏՏ ոլորտում համաշխարհային ներդրման համար ՀՀ պետական մրցանակի 2021 թ․-ի դափնեկիր, IBM-ի Էլեկտրոնային նախագծման ավտոմատացման (EDA) խմբի փոխնախագահ Լեոն Ստոկն այցելել է Վիվա-ՄՏՍ՝ մամուլի համատեղ ասուլիսի մասնակցելու։