2022-07-01 21:20
Ара МЕЛИКСЕТЯН
ԲԱՔՈՒՆ ՇՏԱՊՈՒՄ Է, ԻՍԿ ԵՐԵՎԱՆԸ՝ ՀԱՊԱՂՈՒՄ
Բերձորի և Աղավնոյի հետ կապված հարցերը, սկսած նոյեմբերի 9-ից, մենք քննարկել ենք Արցախի գործընկերների հետ, հայտարարել է լրագրողներին ՀՀ Անվտանգության խորհրդի քարտուղար Արմեն Գրիգորյանը, հաղորդում Է News.am-ը։
«Արցախի իշխանություններն այս մասով աշխատանքներ են տանում։ Սրա մասին նաև հրպարակային խոսել են: Մենք դեռ ժամանակ ունենք և՛ ճանապարհի մասով, և՛ բնակիչների համար լուծումներ գտնելու, մոտավորապես 1,5 տարի ունենք, Արցախի կառավարության հետ կաշխատենք ու լուծումներ կգտնենք»,- հայտարարել է Գրիգորյանը։
ԲԱՅՑ ԱՆՀՆԱՐ Է ԼՌԵԼ. ինչ վերաբերում է հիշյալ բնակավայրերից (և ոչ միայն) մարդկանց վերաբնակեցման խնդրի լուծմանը, դա առանձին հարց է: Այլ բան է ճանապարհը։ Այն ճանապարհը, որը 2023-ի նոյեմբերից հետո Արցախի միակ տրանսպորտային հաղորդակցությունն է լինելու Հայաստանի հետ։
Այսօրվա դրությամբ հայտնի է, որ ստախանովյան տեմպերով, առաջ անցնելով ժամանակացույցից և գերակատարելով պլանները, Ադրբեջանը կառուցել է այդ ճանապարհի իր մասը։ Այստեղ արձանագրենք, թե ինչ է նշանակում ժամանակացույցը կամ պլանը տվյալ դեպքում։ Ահա ուրեմն, ըստ 2020 թվականի նոյեմբերի 9-ի եռակողմ հայտարարության, ավելի ճիշտ՝ այդ հայտարարության վեցերորդ կետի, «…կողմերի համաձայնությամբ, առաջիկա երեք տարիների ընթացքում կորոշվի Լաչինի միջանցքի երկայնքով նոր երթուղու կառուցման նախագիծ, որը կապահովի կապը Լեռնային Ղարաբաղի և Հայաստանի միջև, հետագայում այդ երթուղին պաշտպանելու համար ռուսական խաղաղապահ զորախմբը կտեղափոխվի այնտեղ»: Եվ ահա այսօր Ադրբեջանը կրկնակի արագացրել է այդ գործընթացը՝ արդեն կառուցելով իր հատվածը, ինչը պետք է աներ մինչև 2023-ի նոյեմբեր։ Ընդ որում անպայման համաձայնեցնելով մյուս կողմերի՝ Երևանի և Մոսկվայի հետ։ Մինչդեռ Նիկոլ Փաշինյանը հայտնում է (վերջին ասուլիսի ժամանակ), որ հայկական կողմը դեռևս չունի այդ ճանապարհի իր հատվածի շինարարության նույնիսկ պատրաստի նախագիծ։ Եվ ահա այս խորապատկերին Արմեն Գրիգորյանը պնդում է, թե իբր՝ մենք դեռ ժամանակ ունենք, նկատի ունենալով հենց եռակողմ հայտարարությամբ նախորոշված վերջնաժամկետը։ Ասել է թե՝ շտապելու բան չունենք, դեռ կհասցնենք։ Ըստ էության, Բաքուն շտապում է, իսկ Երևանը՝ ակնհայտորեն հապաղում։ Բաքուն ձգտում է սրընթաց ձեռնարկել Արցախի մեկուսացմանն ուղղված հերթական քայլը, իսկ Երևանը դեռ տեղից չի շարժվում դրան խոչընդոտելու համար։
Կարելի էր առանձնապես չողբերգականացնել իրավիճակը, եթե չլիներ երկու հանգամանք։ Առաջինը. հարյուր տոկոսով վստա՞հ են արդյոք Երևանն ու Արցախը, որ ռուս խաղաղապահների վերատեղակայումը տեղի չի ունենա ավելի շուտ, քան հայկական կողմը կկառուցի ճանապարհի իր մասը: Խոստովանենք, չկա նման վստահություն։ Ադրբեջանը, կառուցելով իր հատվածը, փաստորեն արդեն նոր տեղ է պատրաստել ռուս խաղաղապահների տեղակայման համար։ Միակ բանը, որ կարող է ռուսական կողմին պահել իր ներկայիս տեղում, դա եռակողմ հայտարարության անվերապահ կատարումն է։ Խոսել այն մասին, թե անցած մեկուկես տարիները ցույց են տվել ռուսական կողմի գործողությունների անթերիություն եռակողմ հայտարարության պահանջների հստակ կատարման գործում, ցավոք, չենք կարող։ Փառուխի օրինակը լավագույն ապացույցն է, որ ռուսական կողմն այնուամենայնիվ հակված է զիջումների՝ նշված հայտարարության պահանջներին իր գործողությունների բացարձակ համապատասխանության հարցում։
Երկրորդ և, թերևս, ամենագլխավոր հանգամանքը հայկական կողմի վարքագիծն է համանման իրավիճակներում։ Այստեղ չի կարելի չհիշել Գորիս-Կապան միջպետական, ռազմավարական նշանակության ճանապարհի պատմությունը, որի 20-կիլոմետրանոց հատվածը Նիկոլ Փաշինյանը բանավոր պայմանավորվածությամբ պարզապես նվիրեց Իլհամ Ալիևին։ Հիշեցնեմ, մինչ ադրբեջանական կողմը ակտիվորեն բնակռում էր իրեն ընծայված այդ վայրում՝ այնտեղ տեղադրելով ոստիկանական պահակետեր, մաքսակետ, բենզալցակայան, սահմանափակելով և իսպառ փակելով հայկական և իրանական մեքենաների տեղաշարժը, Երևանն իբրև կառուցում էր այլընտրանքային, շրջանցիկ ճանապարհ։ Մի ամբողջ տարի իբր կառուցում էր։
Ըստ էության, ֆորսմաժորային հանգամանքների բերումով (փաստացի փակվել է Սյունիքի մարզի բազմաթիվ բնակավայրերի միակ ճանապարհը, ցամաքային միակ նորմալ տրանսպորտային հաղորդակցությունը Հայաստանի և Իրանի միջև)՝ այլընտրանքային երթուղու կառուցումը պետք է իրականացվեր բառացիորեն ավրալային ռեժիմով և ավարտվեր հաշված շաբաթների ընթացքում։ Մինչդեռ նույնիսկ մեկ տարվա ընթացքում ոչինչ չի արվել։ Այսպես է Հայաստանի կառավարությունը հոգ տանում երկրի ռազմավարական շահերի, Սյունիքի բնակիչների, հայ-իրանական ռազմավարական գործընկերության մասին։
Հարց. եթե Փաշինյանի կառավարությունը բացահայտորեն թքած ունի սյունեցիների և հայ-իրանական հաղորդակցության վրա, ինչո՞ւ պիտի հանկարծ իրեն այլ կերպ պահի Հայաստանի և Արցախի հաղորդակցության հարցում: Հարցն այս, բնականաբար, հռետորական է։ Այդուհանդերձ Արմեն Գրիգորյանը, ըստ էության, տալիս է դրա պատասխանը. այդ ճանապարհի վրա էլ Հայաստանի կառավարությունը թքած ունի, եթե ընդհանրապես չի շտապում կառուցել այն։ Հնարավոր է, թքած ունի ոչ միտումնավոր, թեև դրա հավանականությունը այնքան էլ մեծ չէ։ Բայց վերջին հաշվով դա այդքան էլ կարևոր չէ։ Կարևորը հնարավոր ցավալի արդյունքն է. տեսանելի ապագայում ահռելի խնդիրներ Արցախի և Հայաստանի միջև տրանսպորտային կապի հարցում։ Հայաստանի Անվտանգության խորհրդի քարտուղարը, Նիկոլ Փաշինյանը, ըստ էության, ծանուցեցին հենց այդ հեռանկարը։
ПОСЛЕДНИЕ ОТ АВТОРА
-
2025-04-22 09:28Премьер-министр Армении Никол Пашинян заявил, что все предыдущие конституционные референдумы не отражали волю народа. Об этом он сказал в ходе конференции "Правосудие как инструмент достижения справедливости" в Ереване, передает Sputnik Армения. По словам премьера, между правопорядком и обществом в Армении есть брешь. И именно из-за этого возникают проблемы в сфере юстиции. "И эта брешь связана, в том числе с тем, что при всех конституционных референдумах общественность была уверена, что официальные результаты не выражают или не в полной мере выражают волю народа", - сказал Пашинян. Он считает, что между существующим правопорядком и обществом должна быть "органическая связь".
-
2025-04-22 09:12Вчера я представил участникам Делового форума идеологию реальной Армении, а затем попросил их вместе поехать в Киранц, написал премьер-министр Никол Пашинян, передает Aysor.am. Он подчеркнул, что Киранц — это первое воплощение идеологии реальной Армении. «Демаркированная и делимитированная государственная граница, безопасная и мирная жизнь, новая школа, благоустроенное шоссе, восстанавливающаяся церковь, рост населения: до демаркации в Киранце было 80 домов, сейчас строится ещё 43. Вот она — реальная Армения. Все те, кто хочет на практике увидеть, в чём заключается идеология реальной Армении, прошу поехать в Киранц. Не слушать о Киранце, а поехать и увидеть. Один раз увидеть лучше, чем тысячу раз услышать», — отметил он.
-
2025-04-19 10:00В первом квартале 2025 года Армению посетил 386 741 турист — на 47 684 человека меньше по сравнению с аналогичным периодом 2024 года. Об этом сообщает Комитет по туризму Армении, передает Sputnik Армения. Лидирующую позицию по числу прибывших традиционно занимает Россия — страну посетили 142 846 граждан, что составляет 37% от общего турпотока. Следом идут Грузия (58 248 туристов) и Иран (34 344). В пятерку наиболее активных направлений также вошли Филиппины и Индия — 7 151 (2%) и 5 994 (1,5%) визита соответственно.
-
2025-04-18 10:58Процесс создания в Армении системы развязывания «Гордиева узела» грабежа начался с 2019 года, заявил премьер-министр РА Никол Пашинян, передает АРКА. «Эта работа проводилась последовательно и принципиально. Для возвращения украденного необходимо понять место и механизм грабежа. В первую очередь, это теневая экономика, искусственные монополии и неуплата налогов», - отметил в парламенте Пашинян, представляя доклад о выполняемости и результатах 2024 года по программе правительства 2021-2026 гг. «Благодаря борьбе с грабежом было обеспечено поступление в бюджет в размере $4,2 млрд. Я пообещал, что после победы бархатной революции в Армении не будет вендетт, Армения будет страной верховенства закона и права, украденное будет возвращено, а виновные понесут наказание», - напомнил Пашинян.