Последние новости
2019-02-23 12:07

ԻՍԿ ԺՈՂՈՎՈՒՐԴՆ ԱԽՐ Ո՞ՒՐ Է

0
Telegram

Վերջերս Հայաստանի վարչապետ Նիկոլ Փաշինյանը շվեյցարական RTS հեռուստաընկերությանը տված հարցազրույցում հաղորդեց այն մասին, թե ինչով է պատրաստվում զբաղվել, երբ ավարտի իր առաքելությունը որպես կառավարության ղեկավար։

«Ես ինձ համարում եմ ժողովրդի ծառա։ Քանի դեռ ժողովուրդը գոհ է, ես կշարունակեմ առաքելությունս։ Հենց ժողովուրդը որոշի ինձ հեռացնել այդ պաշտոնից, ես, ամենայն հավանականությամբ, կվերադառնամ լրագրությանը կամ գրքեր կգրեմ»,- նշեց հայկական կառավարության ղեկավարը, ինչպես հաղորդել է «Նովոստի-Արմենիա» լրատվական գործակալությունը։

Բայց անհնար է լռության մատնել. Նիկոլ Փաշինյանը բնավ առաջին անգամ չէ, որ խոսում է այն մասին, թե կհեռանա վարչապետի պաշտոնից այն պահին, երբ ժողովուրդն իրեն խնդրի դա անել։ Դե, նախ՝ սովորաբար ժողովուրդը նման դեպքերում ոչ թե խնդրում է, այլ պահանջում, և ամենևին ոչ միշտ «թավշե» ձևով։ Երկրորդ՝ մի տեսակ չափազանց հուզավառ և բառիս ուղղակի իմաստով խոստումնալից էր Փաշինյանի իշխանության գալը, որպեսզի ժողովրդական հիասթափության ալիքը թույլ տա նրան հանգիստ հեռանալ ու զբաղվել գրոց-մրոցով։ Երրորդ՝ առհասարակ առաքելություն կատարելը ենթադրում է արդյունքի ձեռքբերում, իսկ նպատակի կես ճանապարհից հեռանալը, նույնիսկ ժողովրդի ցանկությամբ, նշանակում է չկատարել առաքելությունը և խուսափել պատասխանատվությունից։

Իհարկե, կարելի է կռահել, թե խնդիրների ինչ ահռելի բեռ է այսօր ճնշում վարչապետին։ Գործնականում անտանելի բեռ, որը ստիպում է գնալով ավելի հաճախ մտորել լրագրությանը վերադառնալու մասին։ Բայց ոչ, ինչպես ասում են, բարի եղեք… Ի վերջո, իշխանության գալը արտաքնոց մտնել չէ։

Ասենք, խոսքը հիմա այդ մասին չէ։ Խոսքը Փաշինյանի բանաձևի գլխավոր պարամետրի՝ ժողովրդի և նրա գոհունակության-դժգոհության մասին է։ Ահա ուրեմն, ըստ վարչապետի տրամաբանության, այսօր, երբ ինքը դեռ պետության ղեկին է, ժողովուրդը գոհ է դրանից (այլապես նա կհեռանար)։ Համապատասխանաբար, նրանք, ովքեր դժգոհ են, «ժողովուրդ չեն»։

«Ժողովուրդ չէ»  քաղաքացիների խումբը, որը երկուշաբթի օրը բողոքի ակցիա անցկացրեց կառավարության շենքի առջև՝ պետհաստատությունների աշխատակիցներին որպես պարգևավճարներ տրված միջոցները բյուջե վերադարձնելու պահանջով։ Նրանք դժգոհ են… Այն բանից, որ հարկատուների փողերը փոշիացվում են։

«Ժողովուրդ չէ» շրջանային վարչակազմերի աշխատակիցների մոտ 30%-ը, որոնք կհեռացվեն աշխատանքից, ինչի մասին օրերս հաղորդել է Հայաստանի տարածքային կառավարման ու զարգացման նախարար Սուրեն Պապիկյանը։ Նրանք դժգոհ են… Այն բանից, որ մնալու են գործազուրկ։

«Ժողովուրդ չեն» տաքսու վարորդները, որոնք բողոքի ակցիա անցկացրեցին քաղաքապետարանի մոտ, պահանջելով Երևանի քաղաքապետի հրաժարականը։ Նրանք դժգոհ են… Այն բանից, որ քաղաքում չկան տաքսու կայանատեղեր, և իրենք մշտապես տուգանվում են Ճանապարհային ոստիկանության կողմից։

«Ժողովուրդ չեն» նրանք, ովքեր ներկրել են աջակողմյան ղեկով մեքենաներ, որոնք կանգնած են մնացել Բագրատաշենի հսկիչ անցակետում։ Նրանք դժգոհ են… Այն բանից, որ մեքենաները խլելով իրենց «կուլակաթափ» են անում, իսկ այդ մեքենաների մաքսազերծման խնդիրը ոչ մի կերպ լուծում չի գտնում։

«Ոչ ժողովուրդ» կա նաև բուն իշխանությունում։ Օրինակ, պատգամավոր Էդգար Առաքելյանը՝ կառավարող «իմ քայլը» դաշինքից։ Նա դժգոհ է… Այն բանից, որ Պաշտպանության նախարարությունը հասարակայնությունից թաքցնում է տեղեկատվությունը զոհերի և վիրավորների մասին։ Այն բանից, որ քննադատական կարծիքների, ֆեյսբուքյան գրառումների համար կանչում են ոստիկանության բաժիններ կամ պետերի աշխատասենյակներ։ Այն բանից, որ հացադուլի արդյունքում մահանում են ձերբակալվածներ։

Իսկ բացի այդ, «ոչ ժողովուրդը» լքում է երկիրն ու փոխադրում փողերն արտասահման։ Այսպես, անցած տարի  դրամական միջոցների արտահոսքը Հայաստանից կազմել է մոտ 200 միլիոն դոլար։ Համաձայնեք, եթե մարդիկ գոհ լինեին, արտասահման չէին փոխադրի կապիտալը, ներդրումներ կանեին այստեղ։ Այսպես, անցած տարի երկիրը լքել է 7 հազար մարդ։ Համաձայնեք, եթե գոհ լինեին, ապրելու և աշխատելու կմնային հայրենիքում։

Հաշվի առնելով Փաշինյանի բանաձևն ու այսօրվա իրողությունները, գնալով ավելի հաճախ և շատերն են ցանկանում հասկանալ. իսկ ժողովուրդն ախր ո՞ւր է։ Որտեղ և ով է այն ժողովուրդը, որը «գոհ» է։ Դատելով ամենից, նրան պետք է փնտրել իշխանական աշխատասենյակներում և պարգևավճարներ ստացած պաշտոնյաների միջավայրում։ Նրանք գոհ լինելու բան ունեն։ Այ նրանք հաստատ դեռևս չեն խնդրի Փաշինյանին վերադառնալ լրագրության…

Основная тема:
Ինչով է պատրաստվում զբաղվել վարչապետը

Теги:
հրաժարական ժողովուրդ

ПОСЛЕДНИЕ ОТ АВТОРА

  • ВМЕСТО ИМПОРТОЗАМЕЩЕНИЯ
    2025-06-04 10:09

    Благодаря бдительности инспекторов отдела пограничного контроля Гогаван-Привольное Инспекционного органа безопасности продуктов питания на пограничном пункте пропуска Гогаван был выявлен и приостановлен ввоз в Армению живых животных неизвестного происхождения, сообщает пресс-служба регулятора, передает АРКА. Проверка сопроводительных документов партии перевозимых животных, в частности ветеринарных сертификатов, вызвала подозрения в том, что они фальшивые. Россельхознадзор подтвердил, что никаких документов на данную партию телят (205 голов) структура не предоставляла. В ведомстве указали, что непосредственной функцией регулятора является проверка сопроводительных документов всех импортируемых и экспортируемых животных: животные неизвестного происхождения подлежат возврату или уничтожению. Особенно с учетом официально подтвержденных фактов вспышки ящура SAT2 в соседних странах ввоз любой партии животных неизвестного происхождения в Армению будет приостановлен.

  • СУВЕРЕНИТЕТОМ ДАЖЕ НЕ ПАХНЕТ
    2025-05-31 09:46

    В настоящее время осуществляется постепенный процесс нормализации отношений Турции с Арменией. Об этом заявил президент Турции Реджеп Тайип Эрдоган, отвечая на вопросы журналистов на борту самолета по возвращении из Азербайджана, передает Анадолу. "По достижении мира и нормализации мы увидим, что наши страны выиграют от этого",- заявил политик. Эрдоган добавил, что Турция ожидает от Ирана поддержки шагов относительно так называемого Зангезурского коридора, которые, по его словам, послужат миру, стабильности и развитию в регионе.

  • ПРЯМАЯ ДОРОГА К ДЕФИЦИТУ
    2025-05-30 10:34

    По данным системы «Аргус-Фито», с начала 2025 года по 7 мая увеличился импорт в Россию молодого продовольственного картофеля, передает NEWS.am. Ввоз свежего картофеля вырос в 3,5 раза по сравнению с аналогичным периодом прошлого года – с 124,8 до 432,2 тысячи тонн, передает Россельхознадзор. За указанный период импортировано 5,1 тыс. тонн картофеля из Армении. При этом за тот же период 2024 года (с начала 2024 года по май прошлого года) импорт из Армении составил всего 490 тонн. Это говорит о том, что Армения увеличила поставки картошки в Россию более чем в 10 раз.

  • НА АВТОПИЛОТЕ
    2025-05-29 09:51

    Армянская экономика медленно, но верно продолжает идти ко дну. Когда и как это дно она нащупает, сказать сложно. Но факт в том, что после пары лет относительного позитива, связанного с эффектом от российско-украинского военного конфликта, антироссийскими экономическими санкциями со стороны коллективного Запада, ставшими своеобразным спасательным кругом для армянской экономики, теперь ей не на чем держаться на плаву.

ПОСЛЕДНЕЕ ПО ТЕМЕ