Последние новости
2019-03-28 11:08

«Լուսավոր Հայաստան»-ի առաջարկությունները

0
Telegram

Ազգային ժողովի «Լուսավոր Հայաստան» խմբակցությունը ներկայացրեց կառավարության կառուցվածքի մասին օրինագծի իր հեղինակած տարբերակը, տեղեկացնում է azatutyun.am-ը։

Խմբակցության ղեկավար Էդմոն Մարուքյանն ընդգծեց՝ նախատեսում են ունենալու 14 նախարարություն և ոչ մի մարմին դուրս չի մնա խորհրդարանական վերահսկողությունից։

«Մենք առաջարկում ենք հետևյալ տարբերակը՝ կա վարչապետ, երեք փոխվարչապետեր, այստեղ սփյուռքի հարցերով փոխվարչապետ ենք առաջարկում, որը կոչվում է Սփյուռքի հետ կապերի և հայրենադարձության հարցերով փոխվարչապետ և ունենք 14 նախարարություններ, դրանք են՝ Ազգային անվտանգության նախարարությունը, որտեղից անպայման դուրս է գալիս քննչական դեպարտամենտը և միանում է Քննչական կոմիտեին, Աշխատանքի և սոցիալական հարցերի նախարարություն, Առողջապահության նախարարություն, Արտաքին գործերի նախարարություն, Գյուղատնտեսության նախարարություն, Արդարադատության նախարարությունը մենք վերանվանում ենք Իրավական հարցերի նախարարություն, Կրթության, գիտության և սպորտի նախարարություն, Մշակույթի նախարարություն, Ենթակառուցվածքների և տարածքային զարգացման նախարարություն, Ներքին գործերի նախարարություն, որի մեջ ներառված է ԱԻՆ-ը, այսինքն՝ ԱԻՆ-ը և Ոստիկանությունը միասին մենք ստեղծում ենք Ներքին գործերի նախարարություն, Շրջական միջավայրի պաշտպանության նախարարություն, Պաշտպանության նախարարություն, Տնտեսական զարգացման և նորարությունների նախարարություն և Ֆինանսների նախարարություն, որտեղ Պետական եկամուտների կոմիտեն ներառված է՝ առանց իր քննչական մարմնի։ Այստեղ չկա մարմին, որը դուրս է մնում խորհրդարանական վերահսկողության տիրույթից», - ասաց Մարուքյանը։

Նշենք, որ ըստ Կառավարության կառուցվածքային փոփոխությունների նախագծի, նախարարությունների թիվը կկրճատվի 5-ով՝ 17-ի փոխարեն 12 նախարարություն կլինի, փոխվարչապետի երեք պաշտոնից էլ մեկը՝ առաջին փոխվարչապետի հաստիքը կկրճատվի:

Основная тема:
Կառավարության կառուցվածքը

Теги:
Կառավարություն

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ

  • ՀԵՂԱՓՈԽՈՒԹՅՈՒՆ ՉԻ ԵՂԵԼ ԵՎ ԱՅԼԵՎՍ ՉԻ՛ ԼԻՆԵԼՈՒ
    2019-06-20 07:35

    Էլիտան ապրում է անցած քաղաքական ժամանակում Նիկոլ Փաշինյանի թիմը ռեկորդային ժամկետում ցույց տվեց քաղաքական վարկանիշի աննախադեպ անկում, և այդ տեսանկյունից, անկասկած, արդեն ողջ մոլորակի առջևում է։ Մինչ այդ քաղաքական ազդեցության կորստի առումով ռեկորդակիր էր համարվում Րաֆֆին, որը կարճագույն ժամկետում կորցրեց Սերժ Սարգսյանի գլխավոր մրցակցի և նախագահական ընտրություններում երկրորդ տեղը զբաղեցնողի համբավը։

  • Արծվիկ Մինասյան. «Սա ուղղակի աբսուրդ է»
    2019-04-18 10:52

    Կառավարության կառուցվածքի փոփոխության ներկայացված նախագիծը չի համապատասխանում մեր օրենսդրության պահանջներին։ Այս մասին այսօր՝ ապրիլի 17-ին, լրագրողների հետ հանդիպմանն ասաց ՀՅԴ ոլորտային մասնագիտական հանձնախմբերի համակարգող Արծվիկ Մինասյանը:

  • ԴԱՏԱՐԿԱԽՈՍՆԵՐԻ ԱՌԱՔԵԼՈՒԹՅՈՒՆԸ
    2019-03-28 21:11

    Դե, պարտվեցինք ու պարտվեցինք ֆուտբոլային երկու հանդիպումներում… Ինչո՞ւ պարտվեցինք։ Որովհետև մեր մրցակիցներն ավելի ուժեղ էին, ավելի լավ էին խաղում։ Ինչի՞ վրա էինք հույս դրել։ Փոքրիկ հրաշքի… Հրաշքներ իսկապես պատահում են։ Բայց հազվադեպ։

  • ՀՈ՛ՒՊ ՏՈՒՐ ԳԱԶԻՆ, ՎԱՐՉԱՊԵՏ
    2019-03-25 16:30

    Կառավարությունը որոշել է խորհրդարան ուղարկել օրինագիծ, որպեսզի ապրիլի վերջին շաբաթ օրն այսուհետ նշվի որպես Քաղաքացու օր։ Հասկանալի է, Սերժ Սարգսյանի հրաժարականի պատվին։ Ամեն ինչ տրամաբանական է, «հաց և թամաշա» տրամաբանության շրջանականերում։ Եվ եթե «հացի» խնդրում առաջընթաց ապահովել չես կարող, ապա պետք է շեշտը դնել «թամաշայի» վրա։