Последние новости

Դավիթ Բաբայան․ տեղյակ լինելը քաղաքական կատեգորիա չէ

Հանդիպումները կարևոր են, քանի որ նպաստում են տարածաշրջանում կայունության պահպանմանը, սակայն բանակցայն գործընթացքում առաջընթաց գրանցելու համար անհրաժեշտ է վերականգնել դրանց լիարժեք ձևաչափը, Aysor.am-ի հետ զրույցում ասաց Արցախի նախագահի մամուլի քարտուղար Դավիթ Բաբայանն՝ անդրադառնալով մարտի 29-ին Վիեննայում տեղի ունեցած Փաշինյան-Ալիև հանդիպմանը։

«Միշտ կարևորել ենք այսպիսի հանդիպումներ, որովհետև դրանք նախ և առաջ նպաստում են տարածաշրջանում խաղաղության ու կայունության պահպանմանը և, բնական է, ապահովում են բանակցային գործընթացի շարունակականությունը։ Ինչ վերաբերում է առաջընթացին, բուն՝ ադրբեջանա-ղարաբաղյան հակամարտության կարգավորման ուղղությամբ, ապա սա էլ կարելի է համարել առաջընթաց, բայց ինչ-որ շոշափելի քայլերի համար առաջին հերթին պետք է վերականգնվի բանակցային լիարժեք ձևաչափը՝ Արցախի մասնակցությամբ։ Դրանից հետո մենք կարող ենք լիարժեք ակնկալել, որ բանակցային գործընթացը կարող է ի վերջո հանգեցնել համապարփակ կարգավորման ու խաղաղության», - ասաց Դավիթ Բաբայանը։

Դիտարկմանը, որ ՀՀ ղեկավարությունը հայտարարել է, որ մինչև բանակցային լիարժեք ձևաչափի վերականգնումը ողջ գործընթացի վերաբերյալ տեղյակ է պահելու պաշտոնական Ստեփանակերտին, Արցախի նախագահի մամուլի քարտուղարն արձագանքեց.

«Այո՛,մինչև մեկնելը եղել է հեռախոսազրույց Բակո Սահակյանի ու Նիկոլ Փաշինյանի միջև։ Իհարկե, պարբերաբար տեղյակ ենք լինում զարգացումներից, բայց տեղյակ լինելն ու ծանոթացնելը բանակցային գործընթացի մանրամասներին իրավական և քաղաքական կատեգորիա չեն։ Քաղաքական ու իրավական կատեգորիան այն է, որ վերականգնվի բանակցային գործընթացի լիարժեք ձևաչափը, որովհետև, եթե մենք չենք մասնակցում, անկախ նրանից՝ տեղյակ ենք, թե ի՞նչ է կատարվում առավել ևս, եթե տեղյակ չենք, բնական է, որ անհնարին է հասնել համապարփակ կարգավորման»։

Բաբայանն ավելացրեց՝ Ստեփանակերտը շնորհակալ է պաշտոնական Երևանին, որ այս հարցերը մշտապես քնարկվում են.

«Բայց իրավիճակին պետք է մոտենալ իրավական ու քաղաքական տեսակետից, ինչին էլ պաշտոնական Երևանը հետամուտ է լինում և մշտապես հայտարարում է այդ մասին»։

Հիշեցնենք, որ մարտի 29-ին Վիեննայում ԵԱՀԿ Մինսկի խմբի հովանու ներքով տեղի ունեցած Հայաստանի վարչապետ Նիկոլ Փաշինյանի ու Ադրբեջանի նախագահ Իլհամ Ալիևի առաջին պաշտոնական հանդիպումը։ Ընդլայնված կազմով բանակցություններից հետո երկրների ղեկավարներն ունեցան առանձնազրույց, որը տևեց երեք ժամից ավելի։

Հանդիպման արդյունքներով հրապարակվեց ԵԱՀԿ Մինսկի խմբի համանախագահների և Հայաստանի ու Ադրբեջանի արտգործնախարարների համատեղ հայտարարությունը։

Основная тема:
Теги:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ

    • ԱՅՍՊԵՍ ՀԵՔԻԱԹՆ ԱՎԱՐՏՎԵՑ, ՈՎ ՉՀԱՎԱՏԱՑ՝ ՄԱԼԱԴԵ՛Ց
      2022-04-02 08:48
      685

      Բայց ի՜նչ գեղեցիկ հեքիաթ էր: «Թուրքիան պատրաստ է կարգավորել Հայաստանի հետ հարաբերություններն առանց նախապայմանների»,- երդում-պատառ էին ուտում մեր պետական այրերը։ Դե, թուրքերն էլ ողորմածաբար ժպտում էին, թե՝ այո, իհա՜րկե, առանց նախապայմանների, հայ եղբայրներ, առանց նախապայմանների։ Ի՞նչ նախապայմաններ։ Արցախը դուք առանց այդ էլ հանձնեցիք, գրեթե ամբողջությամբ, ցեղասպանության թեման Երևանը չի լոբբինգավորում, սահմանների առումով դժգոհություններ չկան…

    • «ԱՊԱԳԱ ԿԱ». ՏԱՆԴԵՄԻ ԾՐԱԳՐԵՐԸ ՀԱՅԱՍՏԱՆԻ ԵՎ ԱՐՑԱԽԻ ՎԵՐԱԲԵՐՅԱԼ
      2021-12-27 20:12
      1311

      Արցախյան շարժման նորագույն պատմությունը սկսվել է 1988 թվականից։ Այդ ժամանակից ի վեր շատ ջրեր են հոսել։ Փոխվել են Հայաստանի և Արցախի առաջնորդները։ Փոխվել են Ադրբեջանի առաջնորդները։ Փոխվել են միջնորդները։ Նախկին փորձագետներին փոխարինելու են եկել նորերը։ Բայց ողջ այդ ընթացքում ոչ ոք. ո՛չ հայկական կողմից, ո՛չ փորձագետներից (ինչպես անկախ, այնպես էլ կախյալ), և նույնիսկ ադրբեջանական կողմից որևէ մեկն այնքան ոգևորված չի համոզել, թե Հադրութն ու Շուշին պետք է ադրբեջանական լինեն, ինչպես դա անում էր Նիկոլ Փաշինյանը առցանց ասուլիսի ժամանակ։

    • ՆԱ ՆՈՐԻՑ ԿՉՔՄԵՂԱՆԱ
      2021-10-13 21:42
      2101

      Հայաստանում Ֆրանսիայի նոր դեսպան Անն Լույոն «Ազատություն» ռադիոկայանին տված հարցազրույցում հայտարարել է. «Ֆրանսիան, Ռուսաստանի և Միացյալ Նահանգների հետ միասին, աշխատում է Ղարաբաղի վերաբերյալ տևական համաձայնագրի կնքնման ուղղությամբ։ Կարող եմ ձեզ ասել, որ Նյու Յորքում շարժ է գրանցվել, ԵԱՀԿ Մինսկի խմբի այլ համանախագահների հետ հաճույքով կազմակերպել ենք երկու (Հայաստանի ու Ադրբեջանի) արտգործնախարարների հանդիպումը։ Սա կարող է փոքր քայլ թվալ, բայց իրականում հսկայական քայլ է։ Հուսով ենք՝ նման կարգի այլ որոշումներ ևս կլինեն և կարող եմ վստահեցնել ձեզ, որ մենք՝ ռուսաստանցի և ամերիկացի գործընկերների հետ, գործում ենք, որպեսզի առաջ մղենք Ղարաբաղի վերաբերյալ ավելի տևական համաձայնագրի կնքմանը միտված գործընթացը»։

    • ՎԱՐՉԱՊԵՏԻ ՆՈՐ ՓՉՈՑՆԵՐԸ
      2021-10-08 18:13
      2297

      Խորհրդարանում Նիկոլի վերջին հայտնությունները շատ բանի մասին են վկայում։ Մասնավորապես, թե Երևանից ստացվող ինչ դրական ազդանշանների մասին է խոսում Իլհամ Ալիևը՝ Հայաստանի և Ադրբեջանի միջև խաղաղության պայմանագիր կնքելու Բաքվի առաջարկի կապակցությամբ։