2019-06-24 13:58
Ара МЕЛИКСЕТЯН
ՀԱՐԿՎԵԼՈՒ ՄԱՏԵՐԻԱ՞Լ
Ինչպես հայտնի է, Անշարժ գույքի կադաստրի կոմիտեի ընդերքում ծնվել և կառավարության օրակարգում է հայտնվել օրինագիծ, որը նախատեսում է, մասնավորապես, անշարժ գույքի կադաստրային գնահատման մոտեցում իրական շուկայական գներին։ Այլ կերպ ասած, անշարժ գույքի կադաստրային գինը ամենամոտ ժամանակներս էականորեն կբարձրանա։
Թե ինչպես դա կանդրադառնա շուկայում տիրող իրավիճակի վրա, ստույգ ասելը դժվար է։ Ամենայն հավանականությամբ, կարելի է սպասել իրարանցման, ժամանակավոր գնաճի։ Այդ ոլորտը սովորաբար չափազանց զգայուն է արձագանքում ոչ միայն փոքրիշատե նշանակալի բոլոր իրադարձություններին, այլև նույնիսկ տեղեկատվությանը, լուրերին, կանխատեսումներին։ Իսկ այստեղ, ըստ էության, ներդրվում են արմատական, կարելի է նույնիսկ ասել՝ հեղափոխական լուծումներ։ Ասենք, ինչպեսև մյուս բոլոր ոլորտներում, որոշ ժամանակ անց կրքերը կհանդարտվեն, իրարանցումը կմարի, և գնագոյացման գործընթացը կվերադառնա պահանջարկի ու առաջարկի հիման վրա գների ձևավորման ստանդարտ և բնական բանաձևին։ Այ այստեղ գներն անմիջականորեն կապված են երկրի սոցիալ-տնտեսական վիճակի, նրա տնտեսության մեջ տիրող ներդրողական կլիմայի, անվտանգության հարցերի, ժողովրդագրական միտումների հետ։
Ասենք ուղղակի. այսօրվա դրությամբ վերոթվարկյալ ուղղություններում դրական նշաններ գործնականում չկան։ Ներդրողական կլիման գնալով ավելի անհրապույր է դառնում, երկրի տնտեսությունը ավտոպիլոտով թռչում է անհայտ ուղղությամբ, աշխատատեղերի տոտալ կրճատումը բարձրացնում է գործազրկության մակարդակը, աճում է արտագաղթը, ավելանում կապիտալի արտահոսքը, ահագնանում Հայաստանի և Արցախի սահմաններին տիրող լարվածությունն ու ռազմական գործողությունների սկսվելու սպառնալիքը։ Մի խոսքով, անշարժ գույքի շուկայում աշխուժացման, դրա (շուկայի) ակտիվացման հեռանկարները, մեղմ ասած, մշուշոտ են։
Այլ հարց է, որ անշարժ գույքի կադաստրային գնի բարձրացումը անխուսափելիորեն կհանգեցնի անշարժ գույքի հարկի աճի, ինչը, ըստ էության, իշխանությունը չի էլ թաքցնում։ Իսկ դա հերթական ցավոտ հարվածն է քաղաքացիների սոցիալական վիճակին։ Այո, սկզբունքորեն աշարժ գույքի հարկման այսօր կիրառվող փաստացի չափերը նվազագույն են և ոչ այնքան համարժեք։ Բայց այստեղ չի կարելի հաշվի չառնել անշարժ գույքի տերերի, այսինքն երկրի քաղաքացիների ճնշող մեծամասնության սոցիալական վիճակի գործոնը։ Երկրում, որի բնակչության մեկ երրորդը պաշտոնապես համարվում է աղքատ, և գործնականում ողջ բնակչությունը անշարժ գույքի սեփականատեր է, կառավարությունը մտադրվում է բարձրացնել այդ հարկատեսակը։ Համաձայնեք, դա չափազանց խիստ, եթե չասենք դաժան քայլ է։
Տվյալ համատեքստում, թերևս, արժե ուշադրություն դարձնել Հայաստանի քաղաքացիների սոցիալական վիճակի ևս մեկ բնութագրիչին։ Համաձայն Ազգային վիճակագրական ծառայության տվյալների, ամսական միջին աշխատավարձը 2018 թվականին կազմել է 172 հազար դրամ։ Մինչդեռ մեկ տարի առաջ այդ ցուցանիշն արձանագրված էր 177 հազարի մակարդակի վրա։ Այսինքն անցած տարվա ընթացքում 5 հազարով նվազել է ամսական միջին աշխատավարձը, ինչը վկայում է երկրում կյանքի որակի առումով բացասական միտումների մասին։ Ընդ որում այստեղ կարևոր է ուշադրության առնել ևս մեկ հանգամանք։ Վարչապետը պարբերաբար հայտարարում է այն մասին, թե 2018 թվականի հուլիսից կուտակային կենսաթոշակային համակարգում արված փոփոխությունների շնորհիվ բարձրացել է 209 հազար քաղաքացիների աշխատավարձը։ Հիմա չենք խոսի այն մասին, որ կենսաթոշակային ֆոնդին արվող վճարումների գումարի կրճատումը ամենևին էլ չի նշանակում աշխատավարձերի բարձրացում։ Դա ծախսերի կրճատում է, այլ ոչ թե եկամտի աճ։ Հարցը դա չէ։ Հարցն այն է, որ նույնիսկ հաշվի առնելով «209 հազար մարդու աշխատավարձերի աճը», ինչը վկայակոչում է կառավարության ղեկավարը, ամսական միջին աշխատավարձը նվազել է 5 հազար դրամով։ Եվ դա միտում է։
Եվ ահա, ունենալով այդչափ տխուր սոցիալական պատկեր, չունենալով իրավիճակի շոշափելի փոփոխման հեռանկարային ըմբռնելի ծրագրեր, կառավարությունը գնում է փաստորեն գույքահարկի բարձրացման, ինչը, անկասկած, կհարվածի երկրի գործնականում յուրաքանչյուր քաղաքացու շահերին, լինի դա գյուղի բնակիչ՝ ոչ մեծ հողակտորի տեր, թե քաղաքում բնակարանի սեփականատեր։
Նիկոլ Փաշինյանը ժամանակին հաճախ էր խոսում այն մասին, որ Հայաստանի ժողովուրդը «տուգանվելու մատերիալ չէ»։ Այդ կարգախոսի ներքո անցավ ՃԵԿ-ի խախտման համար տուգանքների համաներումը, այդ կարգախոսի ներքո անցավ բանկային վարկերի ուշացրած վճարումների տուգանքների համաներումը։ Մինչդեռ, եթե Հայաստանի ժողովուրդը տուգանվելու մատերիալ չէ, ապա դա բնավ չի նշանակում, թե նրան պետք է վերածել հարկվելու մատերիալի…
ПОСЛЕДНИЕ ОТ АВТОРА
-
2025-05-20 09:34Объем продукции, произведенной в первом квартале 2025 года в Армении в сферах сельского хозяйства, лесного хозяйства и рыбоводства, в текущих ценах составил 121 498.1 млн драмов, увеличившись по сравнению с аналогичным периодом 2024 года на 10%. Об этом сообщает Национальный статистический комитет республики, передает АРКА. Так, объем производства в сфере сельского хозяйства за отчетный период вырос на 10,5% и составил 97 469.9 млн драмов. При этом объем производства в сфере животноводства составил 74 631.0 млн драмов, увеличившись на 2,5% по сравнению с январем-мартом прошлого года, а в сфере растениеводства – 22 838.9 млн драмов при росте на 53,5%.
-
2025-05-17 10:15Министерство экономики Армении предлагает создать Фонд "Оператор текстильной отрасли", на который будут возложены функции оператора отрасли. Соответствующая инициатива размещена на едином портале правовых актов, передает АрмИнфо. Как говорится о пояснении к документу, текстильная промышленность является одним из приоритетных и ключевых секторов экономики, определенных правительством РА, который обеспечивает тысячи рабочих мест, особенно для женщин. Многие заводы и мастерские работают за пределами Еревана, в регионах, где это имеет большое значение в условиях высокого уровня безработицы. Текстильная продукция из Армении экспортируется в основном в Российскую Федерацию, страны ЕС и США. Расширение объемов экспорта способствует притоку иностранной валюты и улучшению платежного баланса Армении. Развитие текстильной отрасли также стимулирует местное производство сырья (например, хлопка, шерстяных изделий) и смежные отрасли: транспортировку, упаковку и маркетинг.
-
2025-05-09 09:41Объем внешнеторгового оборота Армении стремительно падает. За первый квартал этого года, по сравнению с аналогичным периодом 2024-го, он сократился более чем наполовину (на 56,2%). Согласно данным статистического комитета РА существенно сократился товарооборот со странами ЕАЭС. Спад составил 63%. С США товарооборот сократился на 21,6%, с Китаем – на 43,3%, с ОАЭ – на 78,8%. Со странами ЕС изменений объемов торговли практически нет.
-
2025-05-08 10:03В сравнении с январем-апрелем прошлого года налоговые поступления в государственный бюджет в январе-апреле 2025-го увеличились на 14,5% или 120 млрд драмов. Об этом написал на своей странице в «Facebook» премьер-министр Армении Никол Пашинян.«Выражаю благодарность всем гражданам, которые работают, создают результаты, выполняют свои налоговые обязательства в соответствии с законом, а также тем государственным служащим, работа которых способствует росту налоговых поступлений в государственный бюджет», - отметил Пашинян, передает NEWS.am.
ПОСЛЕДНЕЕ ПО ТЕМЕ
-
2021-10-22 17:082021 թվականի երրորդ եռամսյակի տվյալներով Ամերիաբանկը Հայաստանի ամենախոշոր հարկատու բանկն է:
-
2021-04-06 21:29Հայաստանում գնաճը դուրս է պրծել նախանշված միջանցքից Ազգային տնտեսությունն անցած տարվա ընթացքում կորցրել է 7,5% և 2020 թվականի 2-րդ եռամսյակից առ այսօր գտնվում է տեխնիկական ռեցեսիայի մեջ։ Ընթացիկ տարվա 2 ամիսների արդյունքներով՝ Հայաստանի տնտեսությունը նախորդ տարվա նույն ժամանակահատվածի համեմատ անկում է ապրել 6,7%-ով։
-
2021-02-17 08:35«Բարձրագույն կրթության և գիտության մասին» ՀՀ օրենքի լրամշակված նախագիծը 2021 թվականի փետրվարի 9-ին մտցվեց Ազգային ժողովի նիստերի օրակարգ: Հանրային արձագանքը հաջորդեց անմիջապես, նախագծի մասին կարծիքներ են հայտնում փորձագետներն ու հանրապետության առաջատար բուհերի ներկայացուցիչները:
-
2020-11-27 09:44Նախկինում կոչ էր անում սնանկացնել, այսօր հպարտություն է հայտնում Նիկոլ Փաշինյանը մտադիր է հանդիպումների շարք անցկացնել Հայաստանի գործարար շրջանակների ներկայացուցիչների հետ՝ տնտեսական ակտիվության վերականգնման և ներդրումային միջավայրի հարցերը քննարկելու համար: Այդ մասին շաբաթվա սկզբին մեզ հայտնեց երկրի կառավարության մամլո ծառայությունը։