Последние новости

ՍՊԻՏԱԿԻ ՊԻԳՄԵՆՏՆԵՐԸ. ՆՎԻՐՎՈՒՄ Է ՔԱՂՌԱՍԻԶՄԻ ՏԱՐԵԴԱՐՁԻՆ

Լրանում է մեկ տարին այն օրից, ինչ Հայաստանի հասարակական-քաղաքական կյանք նետվեց թեզիսը սևի և սպիտակի մասին։

Հիշեցնեմ, անցած տարվա սեպտեմբերի 2-ին, Երևանի Ավագանու խորհրդի ընտրությունների քարոզարշավի մեկնարկին «Քաղաքացիական պայմանագիր» կուսակցությունից քաղաքապետի թեկնածու առաջադրված Հայկ Մարությանը հայտարարեց. «Այսօր Հայաստանում իրավիճակը շատ պարզ է՝ կան սպիտակ ուժեր և կան սև ուժեր, վերջ։ Ես ուզում պաշտոնական հայտարարել, չնայած գիտեք, բայց պետք է ասեմ. այո, մենք սպիտակ ուժերն ենք, իսկ բոլոր նրանք, ովքեր չեն ուզում, որ մենք հաջողություն ունենանք, ես կարող եմ ասել, որ սև ուժերն են։ Որովհետև մենք և մեր հաջողությունը Հայաստանի հաջողությունն է։ Ոչ ոք մեզանից անձնական շահեր, անձնական ինչ որ ամբիցիաներ չունի»։

Այն ժամանակ այդ հայտարարությունը, որն իր էությամբ առանձնապես չէր տարբերվում ռասիզմի քարոզչությունից՝ թեկուզ նույնիսկ քաղաքական, մեծ արձագանք առաջացրեց, տեղ-տեղ՝ շոկային, բայց Մարությանի թեզիսն այնուամենայնիվ առանցքային գտնվեց ողջ ընտրարշավի ընթացքում, սև-սպիտակ ջրբաժանը արդարացվեց Փաշինյանի կողմից և աստիճանաբար դարձավ երկրի հասարակական-քաղաքական օրակարգի հիմքը։ Սպիտակները եկան իշխանության, իսկ սևերը թեև հեռացան, բայց արդեն ավելի քան մեկ տարի ապահովում են սև-սպիտակ թեզիսի կենսունակությունը։ Եթե չլինի սև խորապատկերը, սպիտակը չես տարբերի։ Բուն գաղափարը գույների հակադրության մեջ է։

Ասենք, տվյալ դեպքում խոսքն այլ բանի մասին է, խոսքը սև-սպիտակ «գունազատման» յուրօրինակ պիգմենտների, այն մասին է, թե հատկապես ինչն է ապահովում իշխանության սպիտակ գույնը։ Սևերի պարագայում այդ տեսանկյունից ամեն ինչ հասկանալի է։ Սպիտակները բղավում են. կոռուպցիա, հովանավորչություն, բյուջետային փողերի գրպանումներ, այն ամենի յուրացում, ինչը պատկանում է ժողովրդին, գումարած 2008-ի մարտի 1-ի իրադարձություններ, գումարած ռեժիմի հակաժողովրդավարականություն, ցանկացած մակարդակի ընտրությունների կեղծում։ Սա, իհարկե, չափազանց համեստ ցանկն է այն ամենի, ինչի համար այսօր կշտամբում են նախկին իշխանությանը և ինչը «ներկում է» նախկիններին ու իրենց համախոհներին սև գույնով։ Բայց այ, եթե սևերի պարագայում, կրկնեմ, «ամեն ինչ պարզ է», ապա նույնը չես ասի սպիտակների մասին։ Ի վերջո, չլինել սև, նշանակում է՝ ինքնաբերաբար ստանալ սպիտակ գույն։ Սպիտակության համար նույնպես «պիգմենտներ» են պետք։

Կրկին վերադառնանք մեկամյա վաղեմության իրադարձություններին և մտաբերենք, թե ինչով էր մայրաքաղաքում իշխանության հավակնորդ, նույն ինքը՝ սև-սպիտակ հայեցակարգի հեղինակ Հայկ Մարությանն առաջարկում երևանցիներին բացարձակ ճերմակություն տեսնել իր մեջ։ Այդ խնդրին ծառայում էր նախընտրական ծրագիրը, որը ներառում էր գրեթե 40 կոնկրետ կետ։ Բոլորը չենք թվարկի, բայց կարևորագույններն այնուամենայնիվ արժե թարմացնել հիշողության մեջ։ Հատկապես նրանք, որոնք, հենց իր՝ Հայկ Մարությանի խոսքերով, «երկար տարիներ մտահոգել են մայրաքաղաքի բնակիչներին»։

*Քաղաքացիների անմիջական մասնակցություն հասարակական կարևորություն ունեցող խնդիրների լուծմանը։ Մարությանը խոստանում էր հանրաքվեներ անցկացնել և միշտ անսալ քաղաքացիների կարծիքին, նույնիսկ եթե դա չհամընկնի իր տեսակետի հետ։

*Տրանսպորտային ցանցի արդիականացում։ Մարությանը խոստանում էր լիովին արդիականացնել տրանսպորտային ցանցը և ներկրել ավտոբուսների տարբեր տեսակներ, ներդնել միասնական տոմսի և ժամանակավոր ուղետոմսի համակարգ։

*Մետրոպոլիտեն։ Մարությանը խոստանում էր մետրոյի առնվազն մեկ կայարան կառուցել կրեատիվ տեխնոլոգիաների «Թումո» կենտրոնի մոտ, ուսումնասիրել «Գործարանային» կայարանի մերձակա տարածքը, որպեսզի այնտեղ կառուցի բիզնես-կենտրոններ, մշակութային և կրթական կենտրոններ, բնակելի շենքեր։

*Աղբ։ Մարությանը խոստանում էր լուծել աղբի ուտիլացման խնդիրը, ներգրավել երկրորդ օպերատորի, ինչը կապահովեր մրցակցությունը և կբացառեր աղբային ճգնաժամերը։

*Համատիրություններ։ Մարությանը խոստանում էր լուծարել գործող համատիրությունները և ձևավորել ավելի թափանցիկ աշխատող նորերը։

*Վերելակներ։ Մարությանը խոստանում էր նորոգել կամ փոխել 4400 վերելակներից վթարային 4200-ը, քայլ առ քայլ։

*Դպրոցներ։ Մարությանը խոստանում էր բարելավել պայմանները դպրոցներում ու մանկապարտեզներում, զբաղվել աճող սերնդի սննդի որակով։

*Պոլիկլինիկաներ։ Մարությանը խոստանում էր բարելավել տարածքների պայմանները, ձեռք բերել նոր սաքավորում, բարձրացնել անձնակազմերի որակավորումը։

*Կանաչապատում։ Մարությանը խոստանում էր ներդնել սիզամարգերի և զբոսայգիների ոռոգման ժամանակակից կաթիլային ու ցնցղային համակարգեր, տնկել 500 հազար ծառ ու թուփ։

Կրկնեմ, սա բնավ ամբողջական ցուցակը չէ այն կոնկրետ խնդիրների, որոնց լուծումը ծանուցվում էր ուղիղ մեկ տարի առաջ։ Ըստ էության, սա մի մասն է այն ամենի, ինչը կարող էր սպիտակ դարձնել մայրաքաղաքի այսօրվա իշխանությանը՝ մեկ տարի առաջ իր իսկ հնչեցրած բանաձևով։

Իհարկե, առհասարակ գործի ընթացքում ծրագրերը սովորաբար փոխվում են։ Բայց որ այդ աստիճան արմատականորե՞ն։ Աղբային ճգնաժամը մայրաքաղաքում փաստ է։ Աղբի ուտիլացման մասին մտածելն անգամ ծիծաղելի է, երբ նույնիսկ աղբահանության գործընթացն է լիովին ձախողած։ Կանաչապատման ոլորտում անցած տարվա «առանցքային» իրադարձություն դարձավ օպերային թատրոնի հարակից տարածքում երկու սրճարանների ապամոնտաժումը, «հասարակական կարծիքին անսալու» առումով՝ պարգևավճարների պարբերական բաժանումը քաղաքապետարանի աշխատակիցներին, հակառակ նույն այդ հասարակական կարծիքի։ Դժվար թե այս ամենը կարելի է սպիտակ երանգներ համարել մայրաքաղաքի իշխանության դիմանկարում։ Մետրոյի, տրանսպորտի, վերելակների, համատիրությունների մասին պարզապես կլռենք։ Այո, դրված խնդիրները ժամանակ են պահանջում, չի կարելի ամեն ինչ լուծել մեկ տարվա ընթացքում։ Բայց մեկ տարին լիովին բավական է, որպեսզի ցույց տաս այն խնդիրների լուծման գոնե փորձերի նշաններ, որոնց առկայությունը «նախկիններին» վերածեց «սևերի»։ Հարցը հռետորական է. իսկ ի՞նչն է քաղաքի ներկայիս հայրերին դարձրել «սպիտակ»։

Այն, որ Տարոն Մարգարյանը երևանցիների որոշակի մասի աչքում «սև» է երևում, դեռ չի նշանակում, թե Հայկ Մարությանը «սպիտակ» է։ Այն որ Տարոն Մարգարյանի օրոք նույնպես աղբի հետ կապված խնդիրներ կային, նույնպես չի «սպիտակեցնում» Հայկ Մարությանին, որի օրոք քաղաքը բառացիորեն թաղվեց աղբի մեջՎաղուց ժամանակն է դա գիտակցելու, գոնե դրա համար մի ամբողջ տարին լիովին բավական էր։

Основная тема:
Теги:

    ПОСЛЕДНИЕ ОТ АВТОРА

    • ПОКА МОЖНО НАДЕЯТЬСЯ
      2021-12-30 10:19
      4132

      Конец декабря традиционно считается периодом подведения итогов уходящего года и формулирования надежд на будущее. Если детально подытожить текущий год для Армении, то, признаем, надеждам места почти не останется. Ни одно событие, произошедшее в стране и вокруг нее в 2021-м, реального позитива в будущем не сулит. Безопасность, внешняя политика, внутренняя политика, экономика, социальная сфера, система управления и общественные настроения -  везде регресс и стресс, везде потери и шоки, везде хаос и депрессия.

    • ЧАСТЬ АРКАНА
      2021-12-28 10:13
      3841

      "Зачем тебе жужжать, если ты не пчела?" В огромном букете негативных итогов 2021-го, пожалуй, заслуживает отдельного упоминания колоссальный и опасный рост государственного долга страны. За 11 месяцев текущего года он вырос почти на 1,2 млрд долларов. Если 31 декабря прошлого года объем госдолга страны составлял 7 млрд 968 млн долларов, то по положению на 30 ноября текущего года этот показатель достиг 9 млрд 156 млн долларов.

    • НА КОНУ ДЕСЯТКИ МИЛЛИАРДОВ
      2021-12-24 12:51
      2205

      Министерство здравоохранения Армении отреагировало на решение Конституционного суда о признании требования к сотрудникам проводить тесты на коронавирус за собственный счет неконституционным, передает АРКА. Суд, напомним, счел, что требование, установленное приказом главы Министерства здравоохранения от 20 августа 2021 года, выходит за рамки ее полномочий.

    • ОДКБ ТРАНСФОРМИРУЕТСЯ В ДК?
      2021-12-22 10:11
      1940

      "Мы обеспокоены напряженной обстановкой на армяно-азербайджанской границе и внимательно ее отслеживаем. Полагаем, что пограничные разногласия нужно решать только политико-дипломатическими средствами и поддерживаем содержащиеся в трехстороннем заявлении от 26 ноября с.г. договоренности предпринимать шаги по повышению уровня стабильности и безопасности на азербайджано-армянской границе и вести дело к созданию Комиссии по делимитации государственной границы между Азербайджаном и Арменией с последующей ее демаркацией при содействии Российской Федерации по запросу сторон.






    ПОСЛЕДНЕЕ ПО ТЕМЕ

    • ՊԱՏԱՍԽԱՆԱՏՈՒՆ ԵՎ ՄԵՂԱՎՈՐՆԵՐԸ
      2022-01-20 19:48
      71

      Խորհրդարանից ստացված երեկվա ռեպորտաժները հերթական անգամ ընդգծեցին Հայաստանին պատուհասած աղետի մասշտաբները։ Ախր Փաշինյանը հազարապատիկ իրավացի է, երբ ասում է, որ ինքը գլխավոր պատասխանատուն է, բայց բնավ ոչ միակ մեղավորը։ Իսկ այ ինչպե՞ս անտեսել նրանց մեղքը, ովքեր իշխանության բերեցին այս անհասկանալի թիմին։

    • «HOMO NIKOLIKUS»-ՆԵՐԸ ԿՈՆՍՊԵԿՏԱՎՈՐՈՒՄ ԵՆ ՔՈՉԱՐՅԱՆԻՆ
      2022-01-19 20:10
      169

      Դատելով նրանից, թե որքան համակարգված են գրոհում ընդդիմությանը Նիկոլի քարոզիչները, Հայաստանին սպասվում են դժվարին օրեր։ Մի կողմից, մենք ամեն օր ստանում ենք իշխող թիմի ապիկարության և դրա անդամների բացահայտ ստախոսության նորանոր վկայություններ։ Ինչպե՜ս էր ավելի վաղ ստում Նիկոլը՝ խոստանալով, թե ջրի, էլեկտրաէներգիայի, գազի սակագների բարձրացում չի լինելու, այլ լինելու է նույնիսկ իջեցում։ Ինչպե՜ս էր ստում էկոնոմիկայի ներկայիս նախարարը՝ խոստանալով տնտեսական երկնիշ աճ և պատրաստակամություն հայտնելով հակառակ դեպքում հրաժարական տալ։ Աճ չկա, իսկ նախարարը չի հեռանում։

    • ԵՐԿԱԿԻ ՉԱՓԱՆԻՇՆԵՐ. ՄԵԿԻՆ՝ ԿԱԼԱՆՔ, ԻՍԿ ՄՅՈՒՍԻՆ՝ ՉԲԱՑԱԿԱՅԵԼՈՒ ՍՏՈՐԱԳՐՈՒԹՅՈՒՆ
      2022-01-19 16:35
      151

      2021թ. տարեվերջին ԱԱԾ-ն հայտարարեց 2020թ. նոյեմբերի 10-ի գիշերը կառավարության շենք ներխուժման փաստով հարուցված քրեական գործի քննության ավարտի մասին: Խոսքը այն իրադարձությունների մասին է, որոնք հաջորդեցին նոյեմբերի 9-ին կապիտուլյացիայի մասին եռակողմ հայտարարության ստորագրմանը։ Բողոքի ակցիաներին, ի թիվս այլոց, մասնակցել է նաև Ռաֆայել Մխիթարյանը:

    • Ո՞ՒՄ ԵՎ ԻՆՉԻ՞ ՀԱՄԱՐ Է ՊԵՏՔ «ԵՐԿՐԱՊԱՀ» ՄԻՈՒԹՅԱՆ ԱՅԼԸՆՏՐԱՆՔԸ
      2021-12-23 19:18
      450

      Ո՞վ կարող էր անրջել երեք պատերազմների վետերանների հետ դասալիքի հիբրիդի մասին Արցախյան պատերազմի վետերանների կազմակերպությունը՝ «Ոգու փորձություն» անվանումով, ստեղծել են Սասուն Միքայելյանն ու Հակոբ Հակոբյանը (Լեդի Հակոբ) դեռևս նախկին իշխանության օրոք: Իշխանափոխությունից և գեներալ Մանվել Գրիգորյանի կալանավորումից հետո ԵԿՄ-ն գլխավորեց Միքայելյանը, սակայն վերջերս Փաշինյանին չգիտես ինչու պետք եղավ վերակենդանացնել «Ոգու փորձություն» այլընտրանքային կազմակերպությունը և ոչ միայն վերակենդանացնել, այլև խաչասերել դա Արման Բաբաջանյանի «Հանուն հանրապետության» կուսակցության հետ։