«ՎԱԼԼԵՔՍ» ԽՄԲԻ ՀԱՅՏԱՐԱՐՈՒԹՅՈՒՆ․ Ի ԳԻՏՈՒԹՅՈՒՆ ՇԱՀԱԳՐԳԻՌ ՀԱՆՐՈՒԹՅԱՆ
Արձագանքելով վերջին շրջանում լրատվամիջոցներով «Արմենիան Քափըր Փրոգրամ» ՓԲ ընկերության սնանկության գործընթացի լուսաբանման համատեքստում «Վալլեքս» խմբի ընկերությունների և խմբի նախագահի անվան անհարկի շահարկումներին՝ «Վալլեքս» խմբի ընկերությունները հայտարարում են.
- «Արմենիան Քափըր Փրոգրամ» ՓԲ ընկերությունը 2019 թ. հոկտեմբերի 3-ից փաստացի դադարել է լինել «Վալլեքս» խմբի ընկերություն. ռուսական ՎՏԲ բանկը Թեղուտի պղինձ-մոլիբդենային հանքավայրի շահագործման ներդրումային ծրագրի ֆինանսավորման նպատակով կնքված պայմանագրերի շրջանակներում, 2019 թ. հոկտեմբերի 3-ին տիրացել է «Արմենիան Քափըր Փրոգրամ» ՓԲ ընկերության կանոնադրական կապիտալի 100 տոկոսը կազմող բաժնետոմսերին՝ ամբողջությամբ իր վերահսկողության տակ վերցնելով «Արմենիան Քափըր Փրոգրամ» ՓԲ ընկերությունը և փոխարինելով վերջինի գործադիր մարմնի ղեկավարին (տնօրենին)ֈ Թեև «Արմենիան Քափըր Փրոգրամ» ՓԲ ընկերության բաժնետոմսերի նախկին սեփականատերը դատական կարգով վիճարկում է իր սեփականության ոչ իրավաչափ բռնագանձումը, այնուամենայնիվ, 2019 թ. հոկտեմբերի 3-ից «Վալլեքս» խմբի ընկերությունները որևէ վերահսկողություն և (կամ) ազդեցություն չեն ունեցել «Արմենիան Քափըր Փրոգրամ» ՓԲ ընկերության նկատմամբ և առնչություն չունեն ներկայում ընթացող սնանկության գործընթացին․:
- «Վալլեքս» խմբի ներդրումներով 1997 թվականին պղնձաձուլական արտադրության վերագործարկվելու օրից մինչև ՎՏԲ բանկի տիրապետությանն անցնելը «Արմենիան Քափըր Փրոգրամ» ՓԲ ընկերության գործունեությունը՝ պայմանավորված բազում հանգամանքներով, մշտապես եղել է շահութաբերության ու վնասաբերության սահմանագծին՝ ֆինանսական տեսակետից լինելով ռիսկային: Այդ ամբողջ ընթացքում «Արմենիան Քափըր Փրոգրամ» ՓԲ ընկերությունը երբևէ շահույթ չի բաշխել բաժնետերերինֈ Սակայն «Վալլեքս» խումբը, առաջնահերթ կարևորելով «Արմենիան Քափըր Փրոգրամ» ՓԲ ընկերության գործունեության սոցիալական նշանակությունն ու դերը Ալավերդի քաղաքի բնակչության կյանքում, առավելագույն պահպանել է առկա աշխատատեղերը: Նույնիսկ 2018 թ․հոկտեմբերից հետո ձևավորված իրավիճակում, երբ «Արմենիան Քափըր Փրոգրամ» ՓԲ ընկերության արտադրական գործունեությունը փաստացի կասեցված էր, և որևէ դրամական մուտք ընկերությունը չուներ, «Վալլեքս» խումբը համագործակցել է ՀՀ կառավարության հետ՝ փնտրել է ելքեր, մշակել և ՀՀ կառավարության համաձայնեցմանը ներկայացրել արտադրության վերականգնման հեռահար պլաններ, իրականացրել փորձնական արտադրական ծրագրեր՝ ամիսներ շարունակ խմբի այլ ընկերությունների ֆինանսական միջոցների հաշվին ընկերության աշխատողներին վճարելով աշխատավարձեր․ Ակնհայտ է, որ «Արմենիան Քափըր Փրոգրամ» ՓԲ ընկերության սնանկացման, հարյուրավոր մարդկանց գործազուրկ դառնալու պատճառները պետք է փնտրել ոչ թե «Վալլեքս» խմբի ընկերությունների, այլ ներկա կառավարիչների գործողություններում։
Հարգանքով՝
«Վալլեքս» խմբի ընկերությունների
Տեղեկատվության և հասարակայնության հետ կապերի բաժին
ПОСЛЕДНИЕ ОТ АВТОРА
-
2023-09-26 18:17780Азербайджан стремится любой ценой довести до конца откровенно геноцидную государственную политику, проводимую в отношении мирного населения Арцаха, глубоко противоречащую всем принципам международного гуманитарного права и общечеловеческим ценностям.
-
2023-09-26 09:51975«США показывают Армении конфетки издалека, точнее, обертку от конфет, - пишет на своей странице в соцсети Фейсбук доктор политических наук, специалист по энергетике Ваге ДАВТЯН.
-
2023-09-26 09:49610Амарас – известный религиозный и культурный центр средневековой Армении. По свидетельству историка V века Фавстоса Бузанда церковь монастыря Амарас была основана еще в начале IV века Григором Лусаворичем.
-
2023-09-23 09:306341Общественная организация "Джавахкская диаспора России" обратилась к молодежи со следующим призывом:
