2020-08-28 20:14
Ара МЕЛИКСЕТЯН
ՄԵԳԱԽՆԴԻՐՆԵՐԻՑ ՄԻՆՉԵՎ ՀԻԳԻԵՆԱՅԻ ԿԱՆՈՆՆԵՐ
Բառացիորեն մեկ տարի առաջ՝ օգոստոսին, Նիկոլ Փաշինյանը Ստեփանակերտում հանդես եկավ ճառով, որը շատերին ցնցեց իր հիմնական թեզերով։ Նա խոսեց մեգախնդիրների մասին, որոնք կազմելու վրա, իր հավաստմամբ, կառավարությունն աշխատել է երկար ժամանակ։
Եվ այդ աշխատանքը պսակվել էր մի ցուցակի ծնունդով, որն արձանագրում է առաջիկա 30 տարիների ընթացքում երկրի զարգացման հիմնական վեկտորները, փաշինյանական կառավարության պատկերացմամբ կարևորագույն խնդիրների ցանկը: Միևնույն ժամանակ՝ այնպիսի խնդիրների, որոնց իրագործումը, ըստ հեղինակների մտահղացման, պետք է կոնսոլիդացնի և կենտրոնացնի ազգային ներուժը, համայն հայության ռեսուրսը։
Այսօր այդ խնդիրները մոռացության են մատնված ինչպես հեղինակի, այնպես էլ այն ժամանակ ոգևորված հանրության կողմից։ Բայց ոչինչ, մենք հիշում ենք։ Մանավանդ որ առիթ կա. անցավ 1 տարին՝ հայության երազանքների իրականացման համար այս կառավարության վարկածով նախատեսվող 30 տարիներից։ Եվ անչափ հետաքրքիր է, թե որքանո՞վ ենք մենք մոտեցել նվիրական պատրանքներին։
Մեկ տարի առաջ Փաշինյանի նշած նպատակներից ամենաֆանտաստիկը (նույնիսկ այս իշխանության ֆանատիկոսների համար) կարծես թե այն էր, որ, համաձայն ծրագրի, Հայաստանի ֆուտբոլի հավաքականը մինչև 2050 թվականը դառնալու է աշխարհի կամ Եվրոպայի չեմպիոն։ Այսօր դա ամենաիրատեսական խնդիրն է՝ մյուս բոլորի համեմատ։
Ավելի շուտ Հայաստանի հավաքականը կդառնա աշխարհի չեմպիոն, քան երկրի բնակչության թվաքանակը կաճի մինչև 5 միլիոնի։ Համենայն դեպս անցած տարվա արդյունքներով այն կրճատվել է 8 հազար 200 շնչով։ Իհարկե, Սփյուռքի հարցերով հանձնակատար Զարեհ Սինանյանը գտավ մեր բնակչությունն ավելացնելու բաղադրատոմսը՝ սիրիացի արաբներին ու ասորիներին Հայաստանում վերաբնակեցնելու հաշվին։ Բայց Նիկոլ Փաշինյանի վիթխարի ծրագրի հետ դա ոչ մի կապ չունի։ Փաշինյանը, հիշեցնեմ, շեշտում էր հենց ազգային ռեսուրսի համախմբման անհրաժեշտությունը։ Ասորիների և իսպանացի արաբների հանդեպ ողջ հարգանքով հանդերձ, նրանց կապը հայկական ազգային ներուժի հետ բավական վիճելի է։
Ավելի շուտ Հայաստանի հավաքականը կդառնա Եվրոպայի չեմպիոն, քան կբացվի մեկուկես միլիոն աշխատատեղ, կլուծվի գործազրկության խնդիրը և արմատախիլ կարվի աղքատությունը։ Համենայն դեպս այդ առումով մեկ տարվա ընթացքում ամեն ինչ անհամեմատ ավելի է վատթարացել. հազարներով կրճատվում են աշխատատեղերը, իսկ բնակչության եկամուտներն անշեղորեն նվազում են՝ խորացնելով աղքատությունը երկրում։ Ընդ որում գրեթե չկան ներդրումներ, որոնց հաշվին կարելի էր ակնկալել զբաղվածության խնդրի լուծում։
Ավելի շուտ Հայաստանի հավաքականը կդառնա աշխարհի չեմպիոն, քան մեր երկիր զբոսաշրջային այցելությունների տարեկան թիվը կհասնի 15 միլիոնի։ Համենայն դեպս այս տարի զբոսաշրջությունը կարելի է համարել գրեթե վախճանված։ Անկումը, ըստ պաշտոնական տվյալների, կազմել է 90%։ Եվ պարզապես հիանալի կլինի, եթե, ըստ Փաշինյանի վարկածի՝ մինչև վերջնաժամկետ մնացած 29 տարիների ընթացքում հաջողվի վերականգնել գոնե անցած տարվա ցուցանիշը. տարեկան 1 մլն 800 հազար զբոսաշրջիկ։
Ավելի շուտ Հայաստանի հավաքականը կդառնա Եվրոպայի չեմպիոն, քան երկրի ՀՆԱ-ն կավելանա 15 անգամ։ Առայժմ ՀՆԱ-ն սրընթաց նվազում է։ Նախորդ տարվա համեմատ՝ 13%-ով։ Այնպես որ այս հարցում նույնպես հեռանում ենք երազանքից, շեղվում ուղեգծից։
Ասենք ուղղակի. աշխարհի կամ Եվրոպայի չեմպիոն դառնալու Հայաստանի հավաքականի հնարավորություններն ակնհայտորեն աճում են։ Քանի որ մյուս բոլոր մեգախնդիրների պարագայում իրավիճակը բնավ ավելի լավ չէ. դիտարկվում է կիլոմետրերով հեռացում նպատակից, այլ ոչ թե մոտեցում թեկուզ մեկ միլիմետրով: Թերևս միայն ֆուտբոլում է ամեն ինչ հարթ ու կայուն։
Սակայն խնդիրն այնուամենայնիվ այն չէ, որ ազդարարված նպատակներին հասնելու առումով ակնհայտ հետընթաց է նկատվում։ Դրանք ի սկզբանե ուտոպիական էին, և դժվար թե որևէ մեկը լրջորեն ակնկալում էր դրանց իրականացում՝ ընդհանրապես, և այս կառավարության օրոք՝ մասնավորապես։ Այդուհանդերձ չմոռանանք, որ Նիկոլ Փաշինյանն այդ ցուցակը ներկայացնում էր, ըստ էության, որպես հեռանկարում երկրի սոցիալ-տնտեսական զարգացման մի ինչ-որ ռազմավարություն։ Ռազմավարություն, որն ըստ էության պետք է ուղեցույց դառնար կառավարության համար և գաղափար, որի շուրջ ծրագրվում էր ազգի կոնսոլիդացումը։ Ահա ուրեմն, արդեն գրեթե կես տարի է, ինչ կառավարության ուղեցույց է ծառայում, ըստ էության, դիմակներ կրելու և ձեռքերը լվանալու հանձնարարականը: Հիմա հենց դա է (հանձնարարականը) ակտիվորեն քարոզում վարչապետը։ Այսպես ասած, զանգվածների մեջ արմատավորում է անձնական հիգիենայի կանոնները։ Փաստորեն մեկ տարվա ընթացքում կառավարությունն ու դրա ղեկավարը վիթխարի, հավակնոտ խնդիրների մշակման աշխատանքից անցել են բացահայտ մանրուքների, հեքիաթային գաղափարների հիման վրա ազգային ռեսուրսն իրենց շուրջն համախմբելու մտադրությունից՝ բոլորին դիմակներ հագցնելու ինքնամոռաց ձգտման, կրկին իսկ՝ ազգի կոնսոլիդացման ռեժիմով…
ПОСЛЕДНИЕ ОТ АВТОРА
-
2025-05-31 09:46В настоящее время осуществляется постепенный процесс нормализации отношений Турции с Арменией. Об этом заявил президент Турции Реджеп Тайип Эрдоган, отвечая на вопросы журналистов на борту самолета по возвращении из Азербайджана, передает Анадолу. "По достижении мира и нормализации мы увидим, что наши страны выиграют от этого",- заявил политик. Эрдоган добавил, что Турция ожидает от Ирана поддержки шагов относительно так называемого Зангезурского коридора, которые, по его словам, послужат миру, стабильности и развитию в регионе.
-
2025-05-30 10:34По данным системы «Аргус-Фито», с начала 2025 года по 7 мая увеличился импорт в Россию молодого продовольственного картофеля, передает NEWS.am. Ввоз свежего картофеля вырос в 3,5 раза по сравнению с аналогичным периодом прошлого года – с 124,8 до 432,2 тысячи тонн, передает Россельхознадзор. За указанный период импортировано 5,1 тыс. тонн картофеля из Армении. При этом за тот же период 2024 года (с начала 2024 года по май прошлого года) импорт из Армении составил всего 490 тонн. Это говорит о том, что Армения увеличила поставки картошки в Россию более чем в 10 раз.
-
2025-05-29 09:51Армянская экономика медленно, но верно продолжает идти ко дну. Когда и как это дно она нащупает, сказать сложно. Но факт в том, что после пары лет относительного позитива, связанного с эффектом от российско-украинского военного конфликта, антироссийскими экономическими санкциями со стороны коллективного Запада, ставшими своеобразным спасательным кругом для армянской экономики, теперь ей не на чем держаться на плаву.
-
2025-05-27 10:09Министр экономики Армении Геворг Папоян сообщил журналистам после заседания правительства, что в настоящее время разрабатываются программы поддержки коньячных предприятий. Об этом сообщает «Арменпресс». Он отметил, что цель – обеспечить бесперебойный сбор винограда в сентябре-октябре. «Мы поддержим все компании, вовлеченные в процесс заготовки и экспорта, при условии, что будет обеспечен качественный и стабильный сбор винограда», – подчеркнул министр. Касаясь проблем с экспортом армянского коньяка и других алкогольных напитков в Россию через территорию Грузии, Папоян сообщил, что вскоре проведет встречу с производителями. Одна публичная встреча с ними уже состоялась. «У нас есть предварительные итоги обсуждений с грузинской стороной. Мы продолжим диалог с производителями. Правительство не оставило и не оставит без внимания наших виноградарей, фермеров, производителей коньячного спирта и экспортеров готовой продукции – мы предусмотрим целевые механизмы поддержки», – заверил он.
ПОСЛЕДНЕЕ ПО ТЕМЕ
-
2021-03-04 21:43Հայաստանը կրկին խստացնում է դիմակային ռեժիմը COVID-19-ի պատճառով՝ կապված վերջին օրերին արձանագրված հիվանդացության աճի հետ, հինգշաբթի կառավարության նիստի ժամանակ ասել է առողջապահության նախարար Անահիտ Ավանեսյանը, հաղորդում է Նովոստի-Արմենիան: Նա նշել է, որ վերջին շրջանում գրանցվել է հիվանդացության աճ, մարտի 3-ի տվյալներով՝ կատարվել է 2922 հետազոտություն, որոնցից բացահայտվել է 491 դրական դեպք, ինչը կազմում է հետազոտությունների 16%-ը: «Եթե հունվար-փետրվարին մենք ունեինք հետազոտվածների մեջ 5-7 տոկոսի դրական դեպքեր, ապա հաջորդ շաբաթ, մեր կանխատեսումներով, այս թիվը կավելանա: Պետք է վերադառնանք դիմակների և այլ կանխարգելիչ միջոցառումների խիստ պահպանմանը: Եթե ուզում ենք պահպանել մեր հարազատներին, պաշտպանել մեզ նոր սահմանափակումների կիրառումից, ապա պետք է ամեն բան անենք մեր կողմից, որ կանխենք հիվանդության տարածումը»,- ասել է Ավանեսյանը։
-
2019-08-23 13:282019 թվականի օգոստոսին գրանցվել է աննախադեպ ակտիվություն բանկային ոլորտում։ Այս մասին օգոստոսի 23-ին լրագրողների հետ հանդիպմանն ասաց Հայաստանի բանկերի միության (ՀԲՄ) նախագահ Արտակ Հանեսյանը։
-
2019-08-22 14:11Կառավարությունը որոշում կայացրեց ներմուծման մաքսատուրքից ազատել «Լենտեքս» փակ բաժնետիրական ընկերության կողմից գերակա ոլորտում իրականացվող ներդրումային ծրագրի շրջանակում ներմուծվող տեխնոլոգիական սարքավորումները, դրանց բաղկացուցիչ ու համալրող մասերը, հումքը և/ կամ նյութերը։
-
2019-08-13 14:09«Սպայկա» ընկերության գործով 10 մլրդ դրամ վնասից վերականգնվել է դեռ 1 մլրդ դրամը: Այս մասին օգոստոսի 13-ին լրագրողների հետ հանդիպման ժամանակ հայտարարեց Պետական եկամուտների կոմիտեի փոխնախագահ Էդվարդ Հովհաննիսյանը: