2020-11-05 22:17
Тигран МИРЗОЯН
0
ՕՐԱԿԱՆ 1600 ԿԱՆՉ
Կորոնավիրուսով վարակվածների և Արցախում վիրավորվածների թվի կտրուկ աճի խորապատկերին «շտապօգնությունն» աշխատում է ավրալային ռեժիմով: Բժիշկների բրիգադները միշտ չէ, որ հասցնում են ժամանակին արձագանքել հիվանդի կանչին։ Սոցիալական ցանցերում քաղաքացիները գանգատվում են, որ չեն կարողանում միանալ 1-03 հեռախոսահամարով։ «ԳԱ»-ի թղթակիցն իրավիճակը մեկնաբանելու խնդրանքով դիմել է Երևանի «Շտապբուժօգնություն» ՓԲԸ տնօրեն Թագուհի ՍՏԵՓԱՆՅԱՆԻՆ։
-Համաձայն առողջապահության նախարարության կողմից սահմանված չափանիշների, «շտապօգնության» բուժանձնակազմը պետք է կանչի վայր հասնի 7-12 րոպեի ընթացքում, իսկ հիվանդի պաթոլոգիան պետք է պարզվի 20 րոպեի սահմաններում: Ոչ շտապ կանչերի համար առավելագույն ժամանակահատվածը կազմում է 30-40 րոպե։ 20 րոպեի ընթացքում բուժանձնակազմը պետք է պարզի՝ ենթակա է արդյոք հիվանդը հոսպիտալացման, որից հետո կա՛մ պետք է վերադառնա բուժկայան, կա՛մ մեկնի այլ կանչով: Դիսպետչերի հետ բոլոր խոսակցությունները ձայնագրվում են և պարբերաբար լսվում՝ վիճելի հարցերի լուծման կամ կանչերի ընդունման որակի վերահսկման նպատակով: Կանչերին արձագանքման և բրիգադների աշխատանքի որակի վերահսկողությունը մեզ մոտ բավական խիստ է։ Եթե հիվանդը կամ նրա հարազատները համարում են, որ «շտապօգնության» բրիգադը բավարար ծավալի բուժօգնություն չի ցուցաբերել, անուշադիր է վերաբերվել հիվանդին կամ վճար է պահանջել իր աշխատանքի դիմաց, ապա իրավունք ունեք իմանալ բժշկի, բրիգադի յուրաքանչյուր անդամի անուն-ազգանունը, կանչի համարը և մեքենայի համարանիշը, որից հետո բողոքով դիմել «շտապօգնության» կենտրոնակայան: Սա վերաբերում է սովորական ժամանակներին։ Ներկայումս իրավիճակն այլ է։
Կանչերի թիվն աճել է բազմապատիկ։ Եթե մեկ տարի առաջ մենք ընդունում էինք օրական մոտ 550 զանգ, ապա այսօր՝ մինչև 1600։ Կտրուկ աճել են նաև մահվան դեպքերը. օրական 60-ից մինչև 70։ Պարզ է, որ նման ծանրաբեռնվածության պայմաններում մարդկային և տեխնիկական ռեսուրսները չեն բավականացնում։ Չեմ խոսում արդեն այն մասին, որ մեր բազմաթիվ բրիգադներ վիրավոր մարտիկներին են տեղափոխում մայրաքաղաք։
-Թագուհի Սաբիրովնա, ճի՞շտ է, որ դիսպետչերները հաճախ անջատում են 1-03 հեռախոսը կամ պարզապես չեն պատասխանում զանգերին:
-Ոչ, սուտ է։ Նրանց, ովքեր կասկածում են, ես հրավիրում եմ այցելել մեր դիսպետչերական ծառայություն և անձամբ համոզվել։ Բնականաբար, լինում են դեպքեր, երբ 1-03 հեռախոսահամարի բոլոր ալիքները զբաղված են և զանգահարողին կարող է թվալ, թե իր զանգին չեն պատասխանում կամ անջատում են։
-Իսկ հնարավոր չէ՞ բացել լրացուցիչ կապուղիներ և ավելացնել բրիգադների քանակը:
-Համավարակի սկսվելուն պես մենք հենց այդպես էլ արել ենք. ավելացրել ենք կապուղիների և օպերատորների թիվը։ Անվերջ դա անելն անհնար է տեխնիկապես։ Նույնը վերաբերում է նաև «շտապօգնության» մեքենաներին։
Եզրափակելով՝ Թագուհի Սաբիրովնան ասաց.
-«Շտապօգնության» ծառայության աշխատանքը նախևառաջ ահռելի պատասխանատվություն է, չափազանց բարդ ու լարված աշխատանք։ Իհարկե, մենք շատ խնդիրներ ունենք, լինում են նաև սխալներ։ Բայց, հավատացեք, մենք անում ենք հնարավոր ամենը, որպեսզի առաջին բուժօգնությունը ցուցաբերենք որակով ու յուրաժամանակ։ Եվ շատ ցավալի է, երբ «շտապօգնության» բժշկի ծանր աշխատանքը չի գնահատվում հավուր պատշաճի։
Ուզում եմ կրկին ու կրկին դիմել Երևանի բնակչությանը. «շտապօգնություն» կանչեք միայն խիստ անհրաժեշտության դեպքում։ Չէ՞ որ շեղելով բժիշկներին չնչին պատճառով, դուք ծանրաբեռնում եք կայանը և, հնարավոր է՝ վնասում մեկ այլ հիվանդի, որը հույժ շտապ բուժօգնության կարիք ունի։ Եվ էլի մի բան. եթե չեք կարողանում միանալ 1-03-ով, ապա փորձեք դա անել 53 66 51 հեռախոսահամարով»:
ПОСЛЕДНИЕ ОТ АВТОРА
-
2024-11-22 09:38В 2023 году врач-радиолог из Великобритании Николь Стрикленд отправилась в отпуск на карибский остров Тобаго, настоящий тропический рай с живописными пустынными пляжами. В первый день она прогуливалась вместе с подругой и нашла несколько сладко пахнущих зеленых фруктов, напоминающих яблоки. Обе женщины решили попробовать плоды и через несколько мгновений почувствовали жжение и мучительную боль в горле. Через несколько часов они скончались.
-
2024-11-21 11:02"Болезнетворные бактерии обнаружены в партии куриного мяса общим весом 3850 кг, которое было поставлено в 146 детсадов cтолицы", – заявила в понедельник и.о. начальника Управления контроля мэрии Анна Геворкян.
-
2024-11-21 10:45Праздничное оформление столицы в этом году началось за два месяца до Нового года. На площади Республики устанавливается елка, электрическими гирляндами полностью увешан Дом правительства, в супермаркетах появились елочные игрушки и т.д.
-
2024-11-19 09:3515 ноября при содействии Министерства образования, науки, культуры и спорта РА в ереванском Доме-музее А. Спендиаряна в зале "Творческий путь композитора" открылась экспозиция с новыми уникальными материалами. Корр. "ГА" побывал в этом уютном и очень гостеприимном очаге культуры, где в обновленных выставочных залах хранятся в общей сложности 1345 экспонатов, рукописей, писем и книг А. Спендиаряна. При реставрации и обновлении залов сотрудники музея учитывали интересы посетителей с тем, чтобы как молодым, так и пожилым людям было интересно сюда приходить и получать по возможности полную информацию о жизни и творческом наследии композитора.
ПОСЛЕДНЕЕ ПО ТЕМЕ
-
2021-04-02 17:56Հայաստանում արձանագրվել է կորոնավիրուսային վարակով հիվանդացության աճ 90%-ով, և այդ առնչությամբ ընթացիկ շաբաթվա ընթացքում կանխատեսվում է ավելի քան 7000 նոր դեպք: Ինչպես հաղորդում է «Արմենպրեսը», այդ մասին լրագրողներին ասել է Առողջապահության նախարարության Հիվանդությունների վերահսկման և կանխարգելման ազգային կենտրոնի փոխտնօրեն Գայանե Սահակյանը: «Այս պահին Հայաստանում շատ ծանր համաճարակային իրավիճակ է: Մեր հիվանդանոցային համակարգը բավականին ծանրաբեռնված է, մահճակալային ֆոնդը համարյա սպառվում է: Ունենք մոտ 90 տոկոսով հիվանդության աճ։ Կորոնավիրուսի վերարտադրության ցուցանիշն այս պահի դրությամբ 1.2 է»,- ասել է Սահակյանը։
-
2021-03-16 08:44Ազգային դեղորայքային քաղաքականությունը՝ որպես ճանապարհ դեպի դժոխք Ս.թ. մարտի 12-ին ՀՀ առողջապահության նախարարությունը «հանգստացրեց» մտահոգ հասարակությանը այն հաղորդագրությամբ, որ համավարակի ցուցանիշների ամենօրյա աճի պայմաններում կառավարությունը դեռևս չի քննարկում խիստ սահմանափակումներով լոքդաուն սահմանելու հարցը…
-
2021-02-18 20:30Չկան 119-րդ հոդվածով նախորոշված պայմանները Մարտի 16-ին կլրանա խորհրդարանի կողմից արտակարգ դրության սահմանման ուղիղ մեկ տարին։ Դրան նախորդել էր «Այո»-ի օգտին քարոզչությունը ծրագրվող հանրաքվեում։
-
2020-12-28 20:57Արտակարգ դրություն 2020 թվականը սկսվեց ԱԱԾ նախկին պետ Գեորգի Կուտոյանի մահով. ինքնասպանության պաշտոնական վարկածին մինչ օրս քչերն են հավատում։