Արցախում 2023 թվականի սեպտեմբերին տեղի ունեցած ողբերգական իրադարձությունները, որոնք հանգեցրին հայերի տեղահանության, շարունակում են թեժ վեճերի և Հայաստանի իշխանություն-ընդդիմություն հարաբերությունների պարզման առարկա մնալ։ Նրանցից յուրաքանչյուրը հակառակ կողմին է մեղադրում Արցախը կորցնելու և էթնիկ զտումներ թույլ տալու համար։

Շաբաթ լույս կիրակի գիշերը Հայաստանի Սյունիքի մարզի Խնածախ գյուղում գրեթե մեկ ժամ կրակոցներ են հնչել։ Ռազմական փորձագետ Կարեն Վրթանեսյանը կարծում է, որ հայաստանյան զինվորականների կողմից պատասխան գործողությունների բացակայությունը միայն խրախուսում է ադրբեջանական կողմի նման վարքը։

2025թ. ապրիլի 12-ին և 13-ին մեր իրավական թիմը փաստահավաք աշխատանքներ է իրականացրել Սյունիքի մարզի Տեղ և Կապան համայնքներում, մասնավորապես՝ Տեղ, Արավուս, Խնածախ, Ներքին Հանդ, Ճակատեն գյուղերում և այլ սահմանամերձ բնակավայրերում: Այցը եղել է նպատակային` նախապատրաստել միջազգային կառույցներ, այդ թվում` միջազգային դատական ատյաններ ներկայացնելու ենթակա կոնկրետ դիմումներ: Այս մասին ֆեյսբուքյան իր էջում գրել է ՀՀ նախկին ՄԻՊ Արման Թաթոյանը։

ՀՀԿ Գործադիր մարմնի անդամ Արտակ Զաքարյանը գրել է․ «Նիկոլի կառավարչության ընթացքում՝ 44-օրյա պատերազմում (27.09-08.11. 2020թ), երկօրյա պատերազմում (13.09-15.09.2022թ), ինչպես նաև Արցախի դեմ (19.09-20.09.2023թ) մեկօրյա լայնամասշտաբ ագրեսիայի ժամանակ հայ ժողովուրդը, տարբեր հաշվարկներով, տվել է շուրջ 5 100 զոհ:

«Հանրային» հեռուստաալիքով փաշինյանական գլխավոր հեռուստալրագրող Պետրոս Ղազարյանին Արցախի օմբուդսմեն Գեղամ Ստեփանյանի տված հարցազրույցի մասին որևէ բան գրել ձեռքդ չի գնում՝ Գեղամի հանդեպ ողջ հարգանքով հանդերձ։ Չափազանց շատ աղտեղություններ դուրս թափվեցին հարցազրույցի «սխալ» ընթացքից ակնհայտորեն նյարդայնացած և հազարավոր հեռուստադիտողների աչքի առաջ անպարկեշտության աստիճան մոլեգնած Ղազարյանի ընդարձակ որովայնից, որպեսզի կարողանանք գտնել նրա պահվածքը լիակատար չափով բնութագրելու ունակ խոսքեր։

Նիկոլը շուտով գնալու է Մոսկվա՝ մասնակցելու ֆաշիզմի դեմ տարված հաղթանակի 80-ամյակի միջոցառումներին. Թե ի՞նչ կապ ունի դավադրության, կապիտուլյացիայի ու պարտության խորհրդանիշ դարձած Նիկոլը Հաղթանակ հասկացության հետ՝ զուտ արարողակարգային հարց է: Այս մասին Ֆեյսբուքի իր էջում գրել է ՀՀԿ Գործադիր մարմնի անդամ Արտակ Զաքարյանը։

«Վերջին օրերին արցախցիների ու, առհասարակ, հայության տարբեր խմբերի նկատմամբ ատելություն գեներացնող իշխանության քայլերը տարբեր դրդապատճառների ներքո քննարկվեցին»: Այս մասին գրել է ԱԺ «Պատիվ ունեմ» խմբակցության քարտուղար Տիգրան Աբրահամյանը։

Դժվար է պատկերացնել, որ հանրային ծառայողը` այն էլ բարձրաստիճան պաշտոնյան, նախարարը նման հայտարարություն անի. Sputnik Արմենիային այս մասին ասաց միջազգային իրավական հարցերով մասնագետ, փաստաբան Արա Ղազարյանը` մեկնաբանելով ՀՀ ԱԳ նախարար Արարատ Միրզոյանի` արցախցիների իրավունքների մասին հայտարարությունը։

Ինչպո՞վ է իշխող թիմը բացատրում Ադրբեջանին իր արած մշտական զիջումները։ Շատ պարզ է. չի կարելի նյարդայնացնել Ադրբեջանին, որպեսզի պատերազմ չլինի, մենք պետք է համբերատար լինենք, քանի որ «խաղաղության օրակարգ» ենք առաջ մղում։ Ուստի, իբր, բոլորը պետք է օրինակ վերցնեն «համբերատար» իշխող թիմից. ընդդիմությունը չպետք է բարձրացնի Արցախի հարցը, որպեսզի չնյարդայնացնի Բաքվին, արցախցիները չպետք է բարձրացնեն իրենց իրավունքների թեման, որպեսզի չնյարդայնացնեն Բաքվին։