Իշխանական բլոգեր ներկայացող Արամ Ավետիսյանի սադրած միջադեպից հետո բերման ենթարկված ձմերուկ վաճառող երիտասարդը ազատ է արձակվել։ Այս մասին «Փաստինֆոյին» հայտնել են Քննչական կոմիտեից։
«Կա խուլիգանության դեպքի առթիվ նախաձեռնված քրեական վարույթ, ձերբակալված անձ չկա»,-հայտնեցին ՔԿ-ից՝ նշելով, որ երիտասարդը կարգավիճակ չունի։
Հիշեցնենք, որ օրերս բլոգերը սպառնացել էր, որ պրոբլեմ կստեղծի Արցախը հանձնած անձանց քննադատող քաղաքացու համար։ Տեսանյութը մեծ տարածում է ստացել համացանցում։
Թեև տեսանյութում բլոգերն ակնհայտ սադրում էր ու սպառնում, բայց ՔԿ-ն հենց նրա իսկ ուզած հոդվածով՝ խուլիգանության, վարույթ է նախաձեռնել, իսկ երիտասարդն էլ բերման էր ենթարկվել, սադրողը՝ ոչ։
